যোৱা বৰ্ষত জেলৰ পৰা উধাও হোৱা অবৈধ মাৰণাস্ত্ৰ সৰবৰাহকাৰীক পুনৰ আটক, ক’ত?

যোৱা বৰ্ষৰ নৱেম্বৰ জেলৰ পৰাই উধাও হোৱা বিশ্বৰ এজন অন্যতম কুখ্যাত অবৈধ মাৰণাস্ত্ৰ সৰবৰাহকাৰীক ব্ৰাজিলৰ সুৰক্ষা বাহিনীয়ে পুনৰ আটক কৰিবলৈ সক্ষম হয়।

জোৱাও ফিলিপে বাৰবিয়েৰি (João Filipe Barbieri) নামৰ চোৰাং সৰবৰাহকাৰীজনে পাঁচ মাহ পূৰ্বে জেলৰ পৰা মুক্তি লাভৰ ভুৱা তথ্য ব্যৱহাৰ কৰি পলাই যাবলৈ সক্ষম হৈছিল।

দেশখনৰ ৰাজধানী ৰিয়’ দি জেনেইৰোৰ পৰা ৯ কিলোমিটাৰ নিলগৰ নিটেৰই নামৰ চহৰখনৰ পৰা বুধবাৰে আৰক্ষীৰ অনুসন্ধানত তেওঁ আটক হয়।

আমেৰিকা যুক্তৰাষ্ট্ৰৰ পৰা অবৈধ মাৰণাস্ত্ৰ সৰবৰাহকাৰী এটা গেঙৰ স’তে জড়িত হোৱাৰ অভিযোগত তেওঁ অভিযুক্ত হৈছিল।

উল্লেখযোগ্য যে বাৰবিয়েৰী হৈছে Lord of Weapons নামৰ গেংটোৰ নেতৃত্ব বহন কৰা  নেতাজনৰ তোলনীয়া সন্তান।

২০১৭ চনত তেওঁ আমেৰিকা যুক্তৰাষ্ট্ৰৰ মিয়ামিৰ পৰা ৰিয়’ ডি জেনেইৰোলৈ অবৈধ মাৰণাস্ত্ৰ সৰবৰাহ কৰি থকা অৱস্থাত আটক কৰা হৈছিল।

তাৰপাছত তেওঁক ২৭ বছৰৰ কাৰাদণ্ড বিহা হৈছিল।