‘কৃষকৰ কথা চিন্তা কৰা হ’লে অজয় মিশ্ৰৰ সৈতে একেখন মঞ্চতে ভাগ নলয় মোদীয়ে’- কোনে ক’লে এই কথা !

দীৰ্ঘদিনীয়া কৃষক আন্দোলনৰ ওচৰত আত্মসমৰ্পণ কৰি প্ৰধানমন্ত্ৰী শ্ৰী নৰেন্দ্ৰ মোদীয়ে শুকুৰবাৰে বিতৰ্কিত তিনিখন কৃষি আইন প্ৰত্যাহাৰ কৰাৰ কথা ঘোষণা কৰিলে।

এই ঘোষণাৰ পিছতে কেন্দ্ৰীয় চৰকাৰক বিৰোধী শিবিৰৰ নেতা সকলে আক্ৰমণ কৰে যে কেৱল নিৰ্বাচনী এজণ্ডাৰ অংশ হিচাপেই চৰকাৰে কৃষি আইন বাতিল কৰিছে । প্ৰকৃতাৰ্থত চৰকাৰৰ কৃষকৰ প্ৰতি কোনো সৎ অভিপ্ৰায় নাই।

কংগ্ৰেছ নেত্ৰী প্ৰিয়ংকা গান্ধীয়ে শুকুৰবাৰে চৰকাৰক সমালোচনা কৰি কয় যে মোডী চৰকাৰে মুহূৰ্তৰ পৰা মুহূৰ্তলৈ ৰং সলনি কৰিছে। আগন্তুক বিধানসভা নিৰ্বাচনত পৰাজিত হোৱাৰ আশংকাতে মোদী চৰকাৰে কৃষি আইন বাতিল কৰিছে।

“ছয়শ শ্বহীদ কৃষক, ৩৫০ দিনতকৈও অধিক সংগ্ৰাম, চৰকাৰৰ মন্ত্ৰীৰ পুত্ৰই কৃষকক পিষ্ট কৰি হত্যা কৰিলে,কিন্তু মোদীজী আপুনি গুৰুত্ব নিদিলে। আপোনাৰ দলৰ নেতাসকলে কৃষকসকলক অপমান কৰিছিল আৰু তেওঁলোকক সন্ত্ৰাসবাদী, বিশ্বাসঘাতক, গুণ্ডা, দুৰ্বৃত্ত বুলি অভিহিত কৰিছিল। আপুনি নিজেই তেওঁলোকক আন্দোলনজীৱী বুলি কৈছিল, লাঠিৰে প্ৰহাৰ কৰিছিল, তেওঁলোকক গ্ৰেপ্তাৰ কৰিছিল।” কংগ্ৰেছৰ সাধাৰণ সম্পাদক গৰাকীয়ে মোদীক সমালোচনা কৰি কয়।

আজি প্ৰিয়ংকা গান্ধীয়ে প্ৰধানমন্ত্ৰীলৈ এখন পত্ৰ প্ৰেৰণ কৰিছে। তাত তেওঁ উল্লেখ কৰিছে যে যদি কৃষকসকলৰ বিষয়ে প্ৰধানমন্ত্ৰীৰ অভিপ্ৰায় সৎ হয়, তেন্তে তেওঁ অজয় মিশ্ৰৰ সৈতে একেখন মঞ্চত থাকিব নালাগে।

..@narendramodi जी अगर देश के किसानों के प्रति आपकी नीयत सचमुच साफ है तो आज अपने केंद्रीय गृह राज्यमंत्री के साथ मंच पर विराजमान मत होईये, उनको बर्खास्त कीजिये।

प्रधानमंत्री जी को मेरा पत्र। pic.twitter.com/5XNAmAjmvN

— Priyanka Gandhi Vadra (@priyankagandhi) November 20, 2021

কেন্দ্ৰীয় মন্ত্ৰী অজয় মিশ্ৰৰ পুত্ৰ আশীষ মিশ্ৰৰ বিৰুদ্ধে উত্তৰ প্ৰদেশৰ লখিমপুৰ খেৰীত কৃষকক গাড়ীৰে মহতীয়াই হত্যা কৰাৰ অভিযোগ উত্থাপিত হৈছে। আৰক্ষীয়ে ইতিমধ্যে আশীষ মিশ্ৰক গ্ৰেপ্তাৰ কৰিছে। কেন্দ্ৰই কৃষি আইন প্ৰত্যাহাৰ কৰাৰ পিছতে প্ৰিয়ংকা গান্ধীয়ে মোডী চৰকাৰৰ সমালোচনাত এই বিষয়টো উত্থাপন কৰে।

পত্ৰখনত কংগ্ৰেছ নেত্ৰী গৰাকীয়ে কয়, “মাননীয় প্ৰধানমন্ত্ৰী, যদি দেশৰ কৃষকসকলৰ প্ৰতি আপোনাৰ মনোভাৱ সঁচাকৈয়ে সৎ হয়, তেন্তে আজি কেন্দ্ৰীয় গৃহ ৰাজ্যমন্ত্ৰী অজয় মিশ্ৰ টেনিৰ সৈতে একেখন মঞ্চত অনুষ্ঠানত ভাগ নল’ব। তেওঁক বৰ্খাস্ত কৰক।”

প্ৰধানমন্ত্ৰী নৰেন্দ্ৰ মোদীয়ে শুক্ৰবাৰে বিতৰ্কিত তিনি কৃষি আইন প্ৰত্যাহাৰ কৰা হ’ব বুলি ঘোষণা কৰিছিল। প্ৰধানমন্ত্ৰীয়ে কয় যে এই তিনি বিতৰ্কিত আইন প্ৰত্যাহাৰৰ আইনী প্ৰক্ৰিয়া সংসদৰ আগন্তুক অধিৱেশনত আৰম্ভ হ’ব।