অবৈধ সম্পৰ্ক! শিৱসাগৰৰ ৰাজপথত মহিলাৰ ৰণচণ্ডী ৰূপ; গাড়ীৰ গ্লাচ ভাঙি প্ৰহাৰ যুৱতীক

শিৱসাগৰৰ ৰাজপথত এগৰাকী মহিলাই ৰণচণ্ডী মূৰ্তি ধৰি গাড়ীৰ গ্লাচ ভাঙি এগৰাকী যুৱতীক প্ৰহাৰ কৰা কৰা ঘটনাই আজি চাঞ্চল্যৰ সৃষ্টি কৰিছে।বেতবাৰীৰ সমীপৰ ৩৭ নং ৰাষ্ট্ৰীয় ঘাইপথত সংঘটিত হৈছে এই ঘটনা।

স্বামীৰ অবৈধ প্ৰেমক হাতেলোটে ধৰা পেলায় মহিলাগৰাকীয়ে।গাড়ীত ভিতৰত অবৈধ প্ৰেমিকাৰে চাহ খাই থকা প্ৰত্যক্ষ কৰি গাড়ী আগুচি ধৰে মহিলা গৰাকীয়ে।

ইয়াৰ পিছতেই গাড়ীৰ ভিতৰতেই প্ৰহাৰ কৰে যুৱতীগৰাকীক।

লগতে পঢ়ক:ওদালগুৰিৰ কালাঝাৰত মৰ্মান্তিক ঘটনা; বিদ্যুৎস্পৃষ্ট হৈ তিনি শ্ৰমিকৰ কৰুণ মৃত্যু, গুৰুতৰভাৱে আহত দুজন 

শিৱসাগৰৰ বিভানন্দ গগৈ নামৰ বিবাহিত ব্যক্তিজনৰ লগত দীৰ্ঘ দিনৰ পৰা গৌৰীসাগৰৰ বেজগাঁৱৰ এগৰাকী যুৱতীৰ অবৈধ প্ৰেমৰ সম্পৰ্ক আছিল। এই কথা বিভানন্দ গগৈৰ পত্নীয়ে জানিব পাৰি যোৱা বছৰৰ এপ্ৰিল মাহতেই যুৱতীগৰাকীৰ পৰিয়ালক জনায় যদিও দুয়োৱে আজিলৈকে অবৈধ প্ৰেম চলাই আহিছিল।

আজি ৰাজপথত হাতেলোটে ধৰা পৰাত ৰাজপথত এইদৰে ৰণচণ্ডী ৰূপ লয় বিভানন্দৰ পত্নীয়ে।

ঘটনাৰ সম্পৰ্কত বিভানন্দ গগৈৰ পত্নীয়ে শিৱসাগৰ সদৰ থানাত এখন এজাহাৰ দাখিল কৰে।