শিৱসাগৰত উত্তেজনা! ভোটগ্ৰহণৰ মাজতে বিধায়ক অখিল গগৈৰ সৈতে তৰ্কা-তৰ্কিত লিপ্ত বিজেপি কৰ্মী

শিৱসাগৰত আজি পৌৰসভা নিৰ্বাচনৰ ভোটগ্ৰহণ চলি থকাৰ সময়তে এক তীব্ৰ উত্তেজনা সৃষ্টি হয়। শিৱসাগৰৰ ২ নং ৱাৰ্ডত এই ঘটনা ঘটে।

বিজেপি কৰ্মীসকলে বিধায়ক অখিল গগৈয়ে ৰাইজৰ মাজত ৰাইজৰ দলৰ হৈ প্ৰচাৰ চলোৱাৰ অভিযোগ তোলে।

ইয়াকেলৈ বিধায়ক অখিল গগৈৰ সৈতে তৰ্ক যুদ্ধত লিপ্ত হয় একাংশ বিজেপি কৰ্মী।

এনে পৰিস্থিতিৰ মাজতে বিজেপি কৰ্মীসকলে অখিল গগৈক ভোটগ্ৰহণ কেন্দ্ৰত প্ৰৱেশতো বাধা দিয়ে।

লগতে পঢ়ক: ৰাজ্যত পৌৰসভা নিৰ্বাচনৰ আজি ভোটগ্ৰহণ; টীয়ক, শিৱসাগৰ, বিশ্বনাথতো পুৱাৰে পৰা চলিছে ভোটদান

আনহাতে, বিজেপি কৰ্মীৰ অভিযোগ খণ্ডন কৰি বিধায়ক অখিল গগৈয়ে বিজেপি কৰ্মীয়ে টকা, মদ বিলোৱাৰ অভিযোগ কৰে।

বিধায়ক গগৈয়ে মুকলিকৈ অভিযোগ কৰে যে বিজেপিৰ কৰ্মীসকলে ভোটাৰসকলক হাতত ধৰি বিজেপিক ভোট দিবলৈ হেঁচা দিছে।

দুয়োপক্ষৰ মাজত বহুসময় ধৰি এই উত্তেজনা চলাৰ পিছত অৱশ্যে পৰিস্থিতি শান্ত হয়।