Lioness dies of snake bite: ভুৱনেশ্বৰৰ নন্দনকাননত ভয়ংকৰ ঘটনা; বিষাক্ত সাপৰ কামোৰত মৃত্যু সিংহিনীৰ
ভুৱনেশ্বৰৰ নন্দন কানন চিৰিয়াখানাত সংঘটিত হৈছে এক বিস্ময়কৰ ঘটনা। সাপৰ কামোৰৰ মৃত্যু হৈছে এটা পূৰ্ণ বয়স্ক সিংহিনী (মাইকী সিংহ)ৰ। ঘটনাৰ কথা জনাৰ পিছতে সিংহিনীটোক এণ্টিভেনম (বিষ প্ৰতিৰোধী) বেজী দিয়া হয় যদিও বচাব পৰা নগ’ল। চিৰিয়াখানা কৰ্তৃপক্ষৰ মতে বেজীটো দিয়াত ইতিমধ্যে বহুত পলমহৈ গৈছিল।
বাতৰি অনুসৰি, শনিবাৰে ৰাতিপুৱা নন্দনকানন চিৰিয়াখানাৰ কৰ্মচাৰীসকলে হঠাতে লক্ষ্য কৰিছিল যে সিংহিনী গংগা নিজৰ পিঞ্জৰাত অসুস্থ হৈ পৰি আছে। পশু চিকিৎসকজনক নিশা ৮-৩০ বজাত অৱগত কৰা হয়। গংগাক লগে লগে চিকিৎসকে পৰীক্ষা কৰে। তেতিয়াই বুজিব পৰা যায় যে এক বিষাক্ত সাপৰ কামোৰৰ ফলতেই বনৰজাৰ এনে কৰুণ অৱস্থা হৈছে।
গংগাক ততাতয়াকৈ এণ্টিভেনম বেজী দিয়া হয় যদিও ইতিমধ্যে বহুত পলম হৈছিল। অলপ পিছতে বিশাল চেহেৰাৰ সিংহিনীটো মৃত্যুৰ কোলাত ঢলি পৰে। পিছত, চিৰিয়াখানাৰ কৰ্মচাৰীসকলে ঘাতক সাপটোও বিচাৰি পায়। সিংহৰ পিঞ্জৰাৰ ভিতৰত ফেঁটী বা সেই প্ৰজাতিৰ সাপ এটা পানীৰ টেংকিৰ ওচৰত দেখা যায়। তেতিয়াই নন্দনকানন চিৰিয়াখানা কৰ্তৃপক্ষই বিষয়টো সম্পূৰ্ণৰূপে নিশ্চিত হৈ পৰে।
চিকিৎসকসকলে সিংহিনী গংগাক এণ্টিভেনমৰ তিনিটা ভয়েল দিছিল যদিও সেইটোৱেও কাম কৰা নাছিল। যিহেতু তেওঁক বহু সময় আগতে সাপটোৱে কামুৰিছিল সেয়ে তেতিয়ালৈকে বিষক্ৰিয়াত এই বৃহৎ বন্যপ্ৰাণীটো ধৰাশায়ী হৈ পৰিছিল। সিংহিনীটোৰ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে আৰু প্ৰতিবেদনৰ বাবে অপেক্ষা কৰা হৈছে।
উল্লেখ্য যে ২০১৫ চনত ইজৰাইলৰ পৰা চাৰিটা সিংহক উৰিষ্যাৰ ভুৱনেশ্বৰৰ বিখ্যাত নন্দনকানন চিৰিয়াখানালৈ অনা হৈছিল। ইয়াৰ ভিতৰত ২০১৮-ৰ আগষ্টত দুটা সিংহৰ মৃত্যু হৈছিল। এইবাৰ ১৫ বছৰ বয়সত গংগাৰ মৃত্যু হয়। ফলত ভুৱনেশ্বৰৰ প্ৰসিদ্ধ চিৰিয়াখানাখনত সিংহৰ সংখ্যা ১৬টালৈ হ্ৰাস পালে।
You may also like
কলকাতাত চিকিৎসকক ধৰ্ষণ কৰি হত্যাঃ চিবিআইক তদন্তৰ দায়িত্ব অৰ্পণ, অপৰাধস্থলীৰ সমীপত প্ৰমাণ হেৰাফেৰিৰ অভিযোগ
বাওঁ গোট আৰু বিজেপিয়ে মঙলবাৰে কলকাতাৰ আৰ জি কৰ মেডিকেল কলেজ এণ্ড হস্পিতালৰ কৰ্তৃপক্ষই কেম্পাছত এগৰাকী কনিষ্ঠ চিকিৎসকক ধৰ্ষণ আৰু হত্যাৰ সৈতে…
বিশিষ্ট শিক্ষাবিদ ড০ অমৰেশ দত্তৰ দেহাৱসান
বিশিষ্ট শিক্ষাবিদ, শতায়ু গৰকা পণ্ডিত, কবি প্ৰফেছৰ এমেৰিটাছ ড০ অমৰেশ দত্তৰ আজি পুৱা বাৰ্ধক্যজনিত কাৰণত ডিব্ৰুগড়ত মৃত্যু হয়। মৃত্যুৰ সময়ত তেখেতৰ বয়স…
বৰাক নদীত উদ্ধাৰ সন্ধানহীন হৈ থকা শিলচৰৰ ছাত্ৰৰ মৃতদেহ; হত্যাৰ সন্দেহ
নৱবৰ্ষৰ দিনা নিৰুদ্দেশ হৈছিল শিলচৰ জিচি কলেজৰ কলা বিভাগৰ ছাত্ৰ পূৰ্ণচন্দ্ৰ বৰ্মন। হোৱাৰ এসপ্তাহৰ ধৰি নিৰুদ্দেশ হৈ আছিল ছাত্ৰগৰাকী। এসপ্তা্হৰ পিছত এতিয়া…
ৰকিবুল হুছেইনৰ বিৰুদ্ধে দিচপুৰ থানাত এজাহাৰ কে এচ য়ু পিৰ
কৃষক শ্ৰমিক উন্নয়ন পৰিষদে প্ৰাক্তন কংগ্রেছী মন্ত্ৰী ৰকিবুল হুছেইনৰ বিৰুদ্ধে গুৱাহাটীৰ দিচপুৰ থানাত বুধবাৰে এজাহাৰ দাখিল কৰিছে। প্ৰাক্তন বন মন্ত্ৰী হুছেইন গঁড়…