Uddhav vs Shinde again: যৱনিকা পৰা নাই নাটকৰ! বিধানসভাৰ অধ্যক্ষ পদৰ বাবে সিন্দেৰ প্ৰাৰ্থী ৰাহুলৰ বিৰুদ্ধে উদ্ধৱৰ ৰঞ্জন

Clash over speaker’s election বিধানসভাত আস্থা ভোটৰ পূৰ্বে মুখ্যমন্ত্ৰী পদৰ পৰা পদত্যাগ কৰিলেও শিৱসেনাৰ মুৰব্বী উদ্ধৱ ঠাকৰেই বিধানসভাৰ অধ্যক্ষ নিৰ্বাচনত বিদ্ৰোহী একনাথ সিন্দে আৰু বিজেপি মিত্ৰজোঁটক ‘ৱাকঅভাৰ’ দিবলৈ সন্মত নহয়।

এনে পৰিস্থিতিত সোমবাৰৰ আস্থা ভোটৰ পূৰ্বে দেওবাৰৰ হ’বলগীয়া অধ্যক্ষ নিৰ্বাচনত দুয়োপক্ষৰ মাজত দেখা পোৱা যাব সংখ্যাৰ যুঁজ।

লগতে পঢ়ক: No link with Terror outfit: ”জেহাদী”ৰ ভূতে খেদিছে মহানগৰ আৰক্ষীক! জেহাদীৰে লিংক বিচাৰি নাপাই যাবলৈ দিয়া হ’ল ইনামুলক

ৰত্নাগিৰি জিলাৰ এজন প্ৰভাৱশালী শিৱসেনা বিধায়ক ৰঞ্জন চালভিক শনিবাৰে অধ্যক্ষ নিৰ্বাচনত ‘মহাবিকাশ আঘাদী’ (শিৱসেনাৰ লগতে এনচিপি আৰু কংগ্ৰেছ  মিত্ৰজোঁট) প্ৰাৰ্থী হিচাপে মনোনীত কৰা হৈছে।

তেওঁ তিনিওটা দলৰ নেতাসকলৰ সৈতে গৈ মনোনয়ন পত্ৰ দাখিল কৰে। ইয়াৰ পূৰ্বে অধ্যক্ষ নিৰ্বাচনত শাসকীয় মিত্ৰজোঁটৰ প্ৰাৰ্থী কোলাবাৰ বিজেপি বিধায়ক ৰাহুল নাৰ্বেকাৰে মনোনয়ন দাখিল কৰিছিল।

যোৱা ফেব্ৰুৱাৰীত নানা পাটোলে অধ্যক্ষ পদৰ পৰা পদত্যাগ কৰি প্ৰদেশ কংগ্ৰেছৰ সভাপতি হোৱাৰ পিছৰে পৰা অস্থায়ীভাৱে মহাৰাষ্ট্ৰ বিধানসভাৰ অধ্যক্ষৰ দায়িত্ব চম্ভালিছে উপাধ্যক্ষ তথা এনচিপিৰ বিধায়ক নীহাৰী সীতাৰাম জিৰৱালে।   

লগতে পঢ়ক: Bumrah’s all-round show: দুৰ্দান্ত বেটিঙৰ পিছত বলিঙেৰেও চমক অধিনায়ক বুমৰাহৰ; এজবাষ্টনত চালকৰ আসনত ভাৰত

কিন্তু ৰাজাপাল ভগত সিং কোছিয়াৰিয়ে আস্থা ভোটৰ পূৰ্বে অধ্যক্ষ নিৰ্বাচনৰ নিৰ্দেশ দিছে। উচ্চতম ন্যায়ালয়ত উদ্ধৱ শিৱিৰে অধ্যক্ষৰ নিৰ্বাচন তথা আস্থা ভোটৰ ওপৰত স্থগিতাদেশ বিচাৰি এক আবেদন কৰিছিল যদিও শুকুৰবাৰে সেয়া খাৰিজ কৰা হয়।