টাইৱানক ১০০ কোটি ডলাৰ মূল্যৰ অস্ত্ৰ বিক্ৰী আমেৰিকাৰ; কি ক’লে ক্ষুব্ধ চীনে?

China warns of counter-measures আমেৰিকা যুক্তৰাষ্ট্ৰই টাইৱানক ১১০ কোটি মাৰ্কিন বিলিয়ন ডলাৰ মূল্যৰ অস্ত্ৰ বিক্ৰীত অনুমোদন জনাইছে। ৱাশ্বিংটনে শুকুৰবাৰে এই ঘোষণা কৰিছিল। কিন্তু এই ঘটনাত ক্ষুব্ধ হৈ পৰিছে চীন।

চীনে কৈছে যে যদি অস্ত্ৰ বিক্ৰী বাতিল কৰা নহয় তেন্তে তেওঁলোকে ৱাশ্বিংটনৰ বিৰুদ্ধে প্ৰতিৰোধ ব্যৱস্থা গ্ৰহণ কৰিব।

আমেৰিকা যুক্তৰাষ্ট্ৰৰ কংগ্ৰেছ অধ্যক্ষ নেন্সি পেলোচিৰ শেহতীয়া টাইৱান ভ্ৰমণক লৈ জলসীমাৰ দুয়োফালে উত্তেজনাৰ সৃষ্টি হয়। বেইজিঙে টাইৱানৰ চাৰিওফালে অভূতপূৰ্ব সামৰিক অনুশীলন চলায়।

লগতে পঢ়ক: আমেৰিকাত বিমান দুৰ্ঘটনাগ্ৰস্ত কৰি ৱালমাৰ্ট উৰুৱাই দিয়াৰ ভাবুকি পাইলটৰ; অৱশেষত অৱতৰণ

আমেৰিকা যুক্তৰাষ্ট্ৰই  টাইৱানক বিক্ৰী কৰাৰ বাবে ঘোষণা কৰা সম্ভাৱ্যভাৱে অস্ত্ৰবোৰৰ ভিতৰত আছে ৬৬৫ নিযুত ডলাৰৰ অৰেথিয়ান ৰাডাৰ সতৰ্কতা ব্যৱস্থা।

এই ৰাডাৰ ব্যৱস্থাৰ জৰিয়তে নিক্ষেপিত মিছাইলবোৰ চিনাক্ত কৰিব পাৰি। ইয়াৰ উপৰিও ৩৫৫ নিযুত ডলাৰ মূল্যৰ ৬০ টা হাৰ্পুন মিছাইল আছে, যিয়ে যিকোনো জাহাজ ডুবাই দিবলৈ সক্ষম। লগতে আছে ৮৫.৬ নিযুত ডলাৰৰ চাইডৱিণ্ডাৰ মিছাইল যিটো বায়ু সেনাই ব্যৱহাৰ কৰিব পাৰে।

ৱাশ্বিংটনত থকা চীনা দূতাবাসৰ এজন মুখপাত্ৰ লিউ পেংয়ুৱে কৈছে যে চীনে পৰিস্থিতিৰ পৰিপ্ৰেক্ষিতত দৃঢ়তাৰে বৈধ আৰু প্ৰয়োজনীয় প্ৰতিৰোধ ব্যৱস্থা গ্ৰহণ কৰিব।

লগতে পঢ়ক: চীনৰ ঋণ এপৰ বিৰুদ্ধে বাংগালুৰুত ইডিয়ে চলালে অভিযান; ১৭ কোটি টকা জব্দ

টাইৱানক অস্ত্ৰ বিক্ৰীৰ অনুমোদন জনোৱা আমেৰিকা যুক্তৰাষ্ট্ৰৰ বিদেশ বিভাগৰ এজন মুখপাত্ৰই কয় যে টাইৱানৰ নিৰাপত্তাৰ বাবে অস্ত্ৰসমূহ “অতি গুৰুত্বপূৰ্ণ”।