যোৰহাটৰ পৰা নাগালেণ্ডলৈ চোৰাংভাবে সৰবৰাহ কৰা ২৪টা কুকুৰ উদ্ধাৰ অসম আৰক্ষীৰ

যোৰহাট জিলাৰ আৰক্ষীয়ে বৃহস্পতিবাৰে নিশা জন্তু সৰবৰাহকাৰীৰ কবলৰ পৰা কমেও ২৪টা কুকুৰ উদ্ধাৰ কৰে।

এই কুকুৰবোৰ নাগালেণ্ডলৈ চোৰাংভাৱে সৰবৰাহ কৰাৰ বাবে সাজু কৰাৰ সময়তে যোৰহাট জিলাৰ চাগুৰি অঞ্চলৰ পৰা উদ্ধাৰ কৰা হয়।

স্থানীয় প্ৰজাতিৰ কুকুৰকেইটাক ৰচীৰে বান্ধি বস্তাত ভৰাই ৰখা হৈছিল।

আৰক্ষীয়ে এই সন্দৰ্ভত এজন লোককো গ্ৰেপ্তাৰ কৰিছে।

Also Read: দক্ষ অসম আৰক্ষীয়ে বিচাৰি পোৱা নাই প্ৰৱঞ্চক মৃদুপৱনক! উচ্চ ন্যায়ালয়ত জামিন বিচাৰিছে নেওগে

উদ্ধাৰ কৰা কুকুৰকেইটা শীঘ্ৰেই নাগালেণ্ডলৈ সৰবৰাহ কৰাৰ বাবে ৰখা হৈছিল।

আৰক্ষীয়ে গ্ৰেপ্তাৰ কৰা লোকজনক ডকু দলে বুলি চিনাক্ত কৰা হৈছে।

‘’আৰক্ষীয়ে ২৪টা দেশী কুকুৰ (স্থানীয় প্ৰজাতিৰ) যোৰহাটৰ পৰা নাগালেণ্ডলৈ অবৈধভাৱে সৰবৰাহ কৰাৰ সময়ত উদ্ধাৰ কৰে। কুকুৰসমূহ ৰচীৰে বান্ধি বস্তাত ভৰাই ৰখা আছিল। এজন লোকক গ্ৰেপ্তাৰ কৰা হৈছে,’’- যোৰহাটৰ উপ আৰক্ষী অধীক্ষক মামনি হাজৰিকাই কয়।  

Also Read:বিধ্বংসী অগ্নিকাণ্ড; জুইত জাহ গ’ল আইজলৰ উপায়ুক্তৰ কাৰ্যালয়ৰ বহু অংশ

উল্লেখ্য যে গুৱাহাটী উচ্চ ন্যায়ালয়ৰ কোহিমা বিচাৰপীঠে নৱেম্বৰত নাগালেণ্ড চৰকাৰৰ বজাৰ আৰু ৰেষ্টুৰেন্টসমূহত কুকুৰৰ মাংস বিক্ৰীত সম্পূৰ্ণ নিষেধাজ্ঞা স্থগিতাদেশ দিছিল।

যোৱা জুলাইত নাগালেণ্ড চৰকাৰে কুকুৰৰ মাংসৰ বাণিজ্যিক ৰপ্তানি, ব্যৱসায় তথা বিকত্ৰীত নিষেধাজ্ঞা আনিছিল।