জয়শংকৰৰ ভ্ৰমণৰ পিছতেই ভাৰতীয় তেল কোম্পানীৰ ওপৰত নিষেধাজ্ঞা আৰোপ আমেৰিকাৰ

US imposes sanctions on Indian company এইবাৰ আমেৰিকা যুক্তৰাষ্ট্ৰই ভাৰতীয় তেল কোম্পানীৰ ওপৰত নিষেধাজ্ঞা আৰোপ কৰিছে। বৃহস্পতিবাৰে আমেৰিকা যুক্তৰাষ্ট্ৰৰ কোষাগাৰ বিভাগে এই নিষেধাজ্ঞা জাৰি কৰিছে।

অভিযোগ কৰা হৈছে যে ভাৰতীয় ব্যক্তিগত তেল কোম্পানী ‘তিবালজী প্ৰাইভেট লিমিটেডে’ ইৰাণৰ পৰা মিলিয়ন ডলাৰ মূল্যৰ তেল আমদানি কৰিছিল। পিছত সেই তেল চীনক বিক্ৰী কৰা হৈছিল বুলিও কয় আমেৰিকাই।

লগতে পঢ়ক: বিস্ফোৰক পুটিন! ‘তেওঁলোকে ভাৰতক লুটিছে…, ৰাছিয়াকো শাসন কৰিব বিচাৰে পশ্চিমীয়া বিশ্বই’

ভাৰতৰ বৈদেশিক পৰিক্ৰমা মন্ত্ৰী এছ জয়শংকৰে শেহতীয়াকৈ ১১ দিনীয়া কাৰ্যসূচীলৈ আমেৰিকা যুক্তৰাষ্ট্ৰ ভ্ৰমণ কৰে। তেওঁ আমেৰিকাৰ পৰা দেশলৈ উভতি অহাৰ লগে লগেই হোৱাইট হাউচে ভাৰতৰ বাবে এই কঠোৰতা সদৰী কৰে।

আমেৰিকা ভ্ৰমণৰ অন্তিম দিনা জয়শংকৰে আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিঙ্কেনৰ সৈতে হোৱা বৈঠকৰ পিছত কৈছিল যে শক্তি খণ্ডত ভাৰতৰ বৰ্ধিত চাহিদা আৰু যোগানৰ মাজত যথেষ্ট ব্যৱধান আছে। ইন্ধনৰ সুৰক্ষাৰ বিষয়ত ভাৰত যথেষ্ট সংকটত আছে।

জয়শংকৰে আমেৰিকা যুক্তৰাষ্ট্ৰৰ প্ৰতিৰক্ষা সচিব লয়ড অষ্টিন, বাণিজ্য সচিব জিনা ৰেমণ্ডো আৰু ৰাষ্ট্ৰীয় নিৰাপত্তা উপদেষ্টা জেক ছুলিভানৰ সৈতেও পৃথকে বৈঠকত মিলিত হয়।

লগতে পঢ়ক: বিজ্ঞানীৰ দাবী: পৃথিৱীতে আছে ইমান দিনে মানুহৰ চকুত নপৰা ছয় নম্বৰ মহাসাগৰ!

জয়শংকৰে ভ্ৰমণৰ সময়ত এই বিষয়টো উত্থাপন নকৰাকৈ ভাৰতলৈ উভতি অহাৰ পিছতেই কিয় এই নিষেধাজ্ঞা আৰোপ কৰা হ’ল তাকলৈ চিন্তিত ভাৰত।