western countries wanted to rob Russia পশ্চিমীয়া বিশ্বই ৰাছিয়াক ‘উপনিবেশ’লৈ পৰিণত কৰিব বিচাৰে। ৰাছিয়াৰ ৰাষ্ট্ৰপতি ভ্লাদিমিৰ পুটিনেও এনে এক অভিযোগেই উত্থাপন কৰিছে। একে সময়তে তেওঁ কয়, ‘তেওঁলোকে ভাৰতৰ দৰে এখন দেশতো লুন্ঠনৰাজ চলাইছে। তেওঁলোকে আফ্ৰিকা, ভাৰত আৰু চীনক লুটিছে।’
শুকুৰবাৰে পুটিনে ইউক্ৰেইনৰ চাৰিটা অঞ্চল (ডনেটস্ক, জাপোৰিজিয়া, খেৰচন আৰু লুহানস্ক) ৰাছিয়াত অন্তৰ্ভুক্ত কৰাৰ কথা ঘোষণা কৰে। ক্ৰেমলিনে দাবী কৰিছে যে ৰাছিয়া জয়ী হোৱা অঞ্চলবোৰত গণভোটত তেওঁলোক জয়ী হৈছে।
ৰাছিয়াৰ ৰাষ্ট্ৰপতিগৰাকীয়ে শুকুৰবাৰে ৰাছিয়াৰ সৈতে চাৰিটা অঞ্চলৰ আনুষ্ঠানিক চামিলকৰণ অনুষ্ঠানত প্ৰদান কৰা তেওঁৰ ৩৭ মিনিটজোৰা ভাষণৰ বেছিভাগ সময়েই আমেৰিকা যুক্তৰাষ্ট্ৰ আৰু মিত্ৰশক্তিয়ে ৰাছিয়াত উপনিবেশ স্থাপনৰ চেষ্টা কৰাৰ অভিযোগ উত্থাপনেৰে বক্তৱ্য ৰাখে।
পুটিনে কয়, “তেওঁলোকে ভাৰতৰ দৰে এখন দেশত লুন্ঠনৰাজ চলাইছে। কিন্তু আমি আমাৰ দেশক পশ্চিমীয়া বিশ্বৰ উপনিবেশ হ’বলৈ দিয়া নাছিলো।”
তেওঁলোকে লগতে কয়, ‘’এতিয়া ৰাছিয়া আৰু ইৰাণ (আমেৰিকা যুক্তৰাষ্ট্ৰই পাৰমাণৱিক সম্পৰ্কীয় কাৰণত ইৰাণৰ ওপৰত নিষেধাজ্ঞা আৰোপ কৰিছে, যি ইৰাণৰ তেল বিক্ৰীৰ পথ অধিক সংকুচিত কৰিব), তাৰপিছতে পৰৱৰ্তী লক্ষ্য হ’ব আপোনালোক।‘’
অৱশ্যে, ৰাছিয়াৰ ৰাষ্ট্ৰপতি পুটিন ক্ষান্ত হোৱা নাছিল। ১৮৫৭ চনত ভাৰতৰ চিপাহী বিদ্ৰোহ আৰু ১৮৪০ চনৰ ভিতৰত চীনৰ আফিম যুদ্ধৰ কথা উল্লেখ কৰি তেওঁ কয়, “তেওঁলোকে (পশ্চিমীয়া বিশ্বই) ভাৰত, আফ্ৰিকা, চীনক লুণ্ঠন কৰিছে…। তেওঁলোকে যি কৰিছিল তাৰ ফলস্বৰূপে, সমগ্ৰ দেশতে ড্ৰাগছ আৰু অন্যান্য সামগ্ৰীবোৰ ব্যাপকভাৱে বিয়পি পৰিছিল। তেওঁলোকে প্ৰকৃততে মানুহক বলি কৰিছিল। আমি গৌৰৱান্বিত যে আমি তেওঁলোকক আন কোনো দেশ লুণ্ঠন কৰিবলৈ অনুমতি দিয়া নাই।‘’
