মাজ আকাশত বিমানৰ জৰুৰীকালীন দুৱাৰ খুলি মাতি আনিছিল ভয়ংকৰ বিপদ; গ্ৰেপ্তাৰ সেই যাত্ৰী

আকাশৰ মাজভাগতে দক্ষিণ কোৰিয়া অভিমুখী এছিয়ানা এয়াৰলাইন্সৰ বিমানৰ জৰুৰীকালীন দুৱাৰ  খুলি দিয়াৰ অভিযোগত এজন লোকক গ্ৰেপ্তাৰ কৰা হৈছে।

বিমানখন ডিয়েগো আন্তঃৰাষ্ট্ৰীয় বিমানবন্দৰত অৱতৰণ কৰাৰ সময়তো দুৱাৰখন খোলা আছিল। আকাশৰ মাজত হঠাতে জৰুৰীকালীন দুৱাৰখন খোলাৰ ফলত বিমানখনৰ ভিতৰৰ বহু যাত্ৰী প্ৰচণ্ড বতাহৰ বাবে অজ্ঞান হৈ পৰিছিল।

লগতে পঢ়ক: কি যে হ’ব! জলাশয়ত পৰিল বিষয়াৰ দামী ফোন; উদ্ধাৰৰ বাবে সিঁচি পেলোৱা হ’ল ২১ লাখ লিটাৰ পানী

কিছুমান যাত্ৰীৰ উশাহ-নিশাহ লোৱাত কষ্ট অনুভৱ হয়। অসুস্থ আটাইকেইজন যাত্ৰীক চিকিৎসালয়লৈ স্থানান্তৰ কৰা হৈছে।

আৰক্ষীয়ে অভিযুক্তক গ্ৰেপ্তাৰ কৰিছে। ব্যক্তিজনৰ বয়স ৩০ বছৰ। জেজু দ্বীপৰ পৰা উৰা মৰা বিমানখন ভূপৃষ্ঠৰ পৰা ২৫০ মিটাৰ উচ্চতাত থকা সময়ত সংঘটিত হৈছিল এই ঘটনা।

বিমানখনৰ দায়িত্বত থকা কৰ্মীসকলে অৱতৰণৰ সময়ত লোকজনক ৰখাবলৈ চেষ্টা কৰে। প্ৰত্যক্ষদৰ্শীয়ে জনোৱা মতে, ব্যক্তিজনে বিমানখনৰ পৰা জপিয়াই যাবলৈ চেষ্টা কৰিছিল।

লগতে পঢ়ক: চাণক্য নীতি: পত্নী থকাৰ পিছতো এজন পুৰুষ কিয় আন মহিলাৰ প্ৰতি আকৰ্ষিত হয়? আঁৰত ৫টা কাৰণ

এজন যাত্ৰীয়ে কয়, “দুৱাৰৰ ওচৰৰ যাত্ৰীসকল এজন এজনকৈ অজ্ঞান হৈ পৰিছিল।”

আৰক্ষীয়ে জনোৱা মতে, বিমানখনৰ দুৱাৰ খোলাৰ কোনো ধৰণৰ ব্যাখ্যা দিয়া নাই অভিযুক্তই। গ্ৰেপ্তাৰ হোৱাৰ সময়ত তেওঁ মদ্যপান কৰাৰ প্ৰমান নাছিল।