মূল্যবৃদ্ধিৰ ছাইড এফেক্ট! বেনাৰসৰ পাচলিৰ দোকানত বিলাহী পহৰা দিবলৈ নমোৱা হ’ল বাউন্সাৰ

আকাশলংঘী হৈছে বিলাহীৰ দাম। আকাশলংঘী বিলাহীৰ দামকলৈ কটাক্ষ কৰি ছ’চিয়েল মিডিয়াত চলি আছে মিমৰ যুদ্ধ। এনে পৰিস্থিতিত বাৰাণসীৰ এজন শাক-পাচলি বিক্ৰেতাই বাউন্সাৰ নিয়োগ কৰিছে। নাই, তেওঁ পাচলিৰ দোকানত সোণ বা হীৰা বিক্ৰী নকৰে। বিলাহীৰ চৰা দামৰ বাবে পহৰা দিবলৈ তেওঁ দুজন বাউন্সাৰ নিয়োগ কৰিছে।

শাক-পাচলি বিক্ৰেতা অজয় ​​ফৌজীয়ে সংবাদ মাধ্যমক কয়, ‘’বিলাহীৰ দাম বহুত বৃদ্ধি পোৱাৰ বাবেই মই বাউন্সাৰ নিযুক্তি দিছো।‘’ তেওঁ লগতে কয়, ‘’এইবাৰ বহুতে বিলাহী চুৰি কৰাৰ চেষ্টা কৰিছে। সেইবোৰ যাতে নহ’য়, তাৰবাবে এই পদক্ষেপ।”

লগতে পঢ়ক: চীনৰ কিণ্ডাৰগাৰ্টেনত ছুৰীৰে আক্ৰমণ যুৱকৰ; তিনি শিশুসহ নিহত ৬ জন লোক

সমগ্ৰ উত্তৰ ভাৰতত বিলাহীৰ জুই ছাই দাম। প্ৰায়ভাগ ভাৰতীয় খাদ্যত ব্যৱহৃত এই অত্যাৱশ্যকীয় পাচলিৰপাইকাৰী মূল্য এমাহত ২৮৮% বৃদ্ধি পাইছে। দেশৰ বেছিভাগ ঠাইতে এতিয়া ১৪০ টকা বা তাতকৈ অধিক দৰত বিক্ৰী হৈছে বিলাহী। অসমৰো বিভিন্ন প্ৰান্তত বিলাহীৰ দাম প্ৰায় ১০০ টকা টকা হৈছে।

কিন্তু সেই শাক-পাচলি বিক্ৰেতাজনো সমাজবাদী পাৰ্টিৰ কৰ্মী। তেওঁ বেনাৰসৰ লংকা অঞ্চলত শাক-পাচলিৰ লগতে নিজৰ গেলামালৰ দোকানখন চলায়। কিছুদিন পূৰ্বে বেনাৰসত সমাজবাদী পাৰ্টিৰ সভাপতি অখিলেশ যাদৱৰ সৈতেও ফৌজীয়ে বিলাহী আকৃতিৰ কেক কাটিছিল।

তেওঁ সংবাদ মাধ্যমৰ আগত দাবী কৰে যে, ‘বিলাহীৰ দামক লৈ মানুহে তৰ্কাতৰ্কি কৰা শুনিবলৈ পাওঁ। মোৰ দোকানলৈও মানুহ আহি দাম কমাবলৈ চেষ্টা কৰে। সেই সকলোবোৰ অথন্তৰৰ অন্ত পেলাবলৈ মই ইয়াত বিলাহীৰ চোৱাচিতা কৰিবলৈ ড্ৰেছ পৰিহিত বাউন্সাৰ নিয়োগ কৰিছো।”

লগতে পঢ়ক: ড্ৰাইভাৰৰ চাকৰি খাব AI য়ে! এইবাৰ ভাৰতৰ পথতো চলিব চালকবিহীন গাড়ী

ফৌজীয়ে কয় যে তেওঁ প্ৰতি কিলোত ১৬০ টকাকৈ বিলাহীৰ চোৱাচিতা কৰিবলৈ বিক্ৰী কৰিছিল। আৰু সেই সময়ত মানুহে মাত্ৰ ৫০-১০০ গ্ৰাম টমেটো কিনিছিল। ৰাজধানী দিল্লীৰ কেইবাখনো বজাৰত বিলাহী প্ৰতি কেজি ১২৯ টকাত বিক্ৰী হোৱাৰ বিপৰীতে উত্তৰ প্ৰদেশৰ মোৰাদাবাদত বিলাহী ১৫০ টকাকৈ বিক্ৰী হৈছে। অন্য মেট্ৰ’ চহৰৰ তুলনাত মুম্বাইত বিলাহীৰ দাম তুলনামূলকভাৱে কম, তাত দাম প্ৰতি কেজিত ৫৮ টকা। চেন্নাইতো যোৱা সপ্তাহত বিলাহীৰ পাইকাৰী মূল্য ৪০ টকাৰ পৰা ৮০-৯০ টকালৈ বৃদ্ধি পাইছে।

https://twitter.com/Samim267/status/1678045507040563202?ref_src=twsrc%5Etfw%7Ctwcamp%5Etweetembed%7Ctwterm%5E1678045507040563202%7Ctwgr%5E9d9bb70a47f82b1b72ebd8f55cb3c44114bc9e60%7Ctwcon%5Es1_&ref_url=https%3A%2F%2Fstatic.asianetnews.com%2Ftwitter-iframe%2Fshow.html%3Furl%3Dhttps%3A%2F%2Ftwitter.com%2FSamim267%2Fstatus%2F1678045507040563202%3Fref_src%3Dtwsrc5Etfw

শেহতীয়াকৈ দেশৰ দক্ষিণৰ ৰাজ্যসমূহত হোৱা মুষলধাৰ বৰষুণৰ ফলত শাক-পাচলিৰ দাম বৃদ্ধি পাইছে। আটাইতকৈ বেছি প্ৰভাৱ পৰিছে বিলাহীৰ ওপৰত, যিটো যোৱা সপ্তাহত পাইকাৰী দোকানত ১০০-১২০ টকা বা তাতকৈ অধিক মূল্যত বিক্ৰী হৈছে। ফাষ্ট ফুড চেইন মেকড’নাল্ডছে শেহতীয়াকৈ বাৰ্গাৰৰ পৰা আৰম্ভ কৰি সকলোতে বিলাহী পৰিবেশন কৰা বন্ধ কৰি দিছে।