ম্যানমাৰ সীমান্তত থকা চহৰৰ নিয়ন্ত্ৰণ হেৰুৱাইছে সামৰিক জুন্টা বাহিনীয়ে

ম্যানমাৰৰ সেনাই উত্তৰ শ্বান প্ৰদেশৰ কৌশলগতভাৱে গুৰুত্বপূৰ্ণ চহৰ চিনশ্বোহাউৰ ওপৰত নিয়ন্ত্ৰণ হেৰুৱাই পেলোৱাৰ কথা প্ৰকাশ কৰিছে। এই অঞ্চলৰ তিনিটা সশস্ত্ৰ গোটৰ সৈতে কেইবাদিনো সংঘাতত লিপ্ত হৈছিল সেনাই। বুধবাৰে এই তথ্য প্ৰকাশ কৰে সেনাৰ মুখপাত্ৰ জাও মিন টুনে।

এক বিবৃতিত জাউ মিন টুনে কয় যে ম্যানমাৰৰ চৰকাৰ, প্ৰশাসনিক সংস্থা আৰু নিৰাপত্তা সংস্থাসমূহ এতিয়া চীনৰ ইউনান প্ৰদেশৰ সীমান্তৰ চিনশ্বোহাউ চহৰত নিয়োজিত নহয়। তিনিটা সশস্ত্ৰ সংগঠনে বিদ্যুৎ কেন্দ্ৰ, দলং আৰু যোগাযোগ পথত আক্ৰমণ চলায়। ছয় দিন ধৰি শ্বান প্ৰদেশৰ ১০টা স্থানত সংঘাত অব্যাহত আছে। অৱশ্যে হতাহতি সন্দৰ্ভত তেওঁ সদৰী কৰা নাই।

লগতে পঢ়কঃ বিধ্বংসী ভাৰত: শ্ৰীলংকাক বিধ্বস্ত কৰি বিশ্বকাপৰ ছেমিত প্ৰৱেশ

ইপিনে, ম্যানমাৰৰ সশস্ত্ৰ সংগঠন নেশ্যনেল লিবাৰেশ্যন আৰ্মি (টিএনএলএ), আৰাকান আৰ্মী (এএ) আৰু ম্যানমাৰ নেশ্যনেল ডেম’ক্ৰেটিক এলায়েন্স আৰ্মীয়ে ম্যানমাৰক চীনৰ সৈতে সংযোগ কৰা বিভিন্ন মূল পথ আৰু সামৰিক আউটপোষ্ট দখল কৰা বুলি জানিবলৈ দিয়ে।

চলি থকা সংঘাতৰ মাজতে বৃহস্পতিবাৰে চীনে যুদ্ধবিৰতিৰ আহ্বান জনায়। সংবাদমেলত চীনৰ বৈদেশিক মন্ত্ৰালয়ৰ মুখপাত্ৰ ৱাং ৱেইবিনে কয় যে বেইজিঙে সকলো পক্ষকে শীঘ্ৰে যুদ্ধবিৰতিলৈ যাবলৈ আৰু যুদ্ধ বন্ধ কৰিবলৈ আহ্বান জনাইছে।

লগতে পঢ়কঃ অব্যাহত বিজয়ৰ অশ্বমেধ গতি: প্ৰথমবাৰৰ বাবে ছৈয়দ মুস্তাক আলী ট্ৰফীৰ ছেমিত প্ৰৱেশ অসমৰ

চীন আৰু ম্যানমাৰৰ মাজত বাণিজ্যৰ এক বৃহৎ অংশ সীমান্তৱৰ্তী চহৰ চিনশ্বোহাউৰ মাজেৰে পাৰ হৈ যায়। জুন্টা চৰকাৰৰ নিয়ন্ত্ৰিত সংবাদ মাধ্যমে ম্যানমাৰৰ বাণিজ্য মন্ত্ৰালয়ৰ বিষয়ে কয় যে যোৱা এপ্ৰিলৰ পৰা ছেপ্টেম্বৰ মাহলৈকে এই সীমান্তৰ জৰিয়তে ১.৮ বিলিয়ন ডলাৰৰ ব্যৱসায় কৰা হৈছিল।