প্ৰকাশ পালে আই পি এলৰ সূচীঃ ২২ মাৰ্চত প্ৰথম মেচত ধোনী-কোহলী

বিশ্বৰ ভিতৰতে আটাইতকৈ ব্যয়বহুল ফ্ৰেন্সাইজি ক্ৰিকেট ইণ্ডিয়ান প্ৰিমিয়াৰ লীগ (IPL) ৰ আগন্তুক ছিজনৰ সূচী আজি প্ৰকাশ কৰিছে বিচিচিআইয়ে।

অৱশ্যে দেশৰ সাধাৰণ নিৰ্বাচনৰ প্ৰতি লক্ষ্য ৰাখি এই পৰ্যন্ত প্ৰথম ২১খন খেলৰ সময়সূচী ঘোষণা কৰা হৈছে।

ঘোষিত সূচী অনুসৰি ২২ মাৰ্চৰ পৰা আৰম্ভ হ’ব আই পি এলৰ ১৭ সংখ্যক সংস্কৰণ। প্ৰথমখন মেচত মুখামুখি হ’ব ডিফেণ্ডিং চেম্পিয়ন চেন্নাই ছুপাৰ কিংছৰ বিৰুদ্ধে অৱতীৰ্ণ হ’ব ৰয়েল চেলেঞ্জ বাংগালুৰু।

এক বিবৃতি যোগে বিবিচিআইয়ে কয় যে পূৰ্বৰ দৰেই বিচিচিআইয়ে চৰকাৰী আৰু নিৰাপত্তা সংস্থাসমূহৰ সৈতে ঘনিষ্ঠভাৱে কাম কৰিব।

ভাৰতত আগন্তুক লোকসভা নিৰ্বাচনৰ সৈতে জড়িত সকলো প্ৰয়োজনীয় প্ৰট’কল আৰু পৰামৰ্শ মানি চলিব বুলিও বিবিচিআইয়ে বিবৃতিটোত লগতে উল্লেখ কৰে।

লোকসভা নিৰ্বাচনৰ তাৰিখ ঘোষণা হোৱাৰ পিছত বিচিচিআইয়ে স্থানীয় কৰ্তৃপক্ষৰ সৈতে মিলি ভোটদানৰ তাৰিখৰ প্ৰতি লক্ষ্য ৰাখি ছিজনৰ বাকী অংশৰ সময়সূচী চূড়ান্ত কৰিব বুলিজানিবলৈ দিয়ে।