কিংবদন্তি গজল গায়ক পংকজ উধাসৰ ৭২ বছৰ বয়সত দেহাৱসান; শোকস্তব্ধ সংগীত জগত

কিংবদন্তি গজল গায়ক, বলীউদৰ নেপথ্য  কণ্ঠশিল্পী পংকজ উধাসৰ দেহাৱসান ঘটিছে। ৭২ বছৰ বয়সত গায়ক গৰাকীয়ে শেষ নিশ্বাস ত্যাগ কৰে। বহুদিন ধৰি তেওঁ অসুস্থ হৈ আছিল। তেওঁৰ মৃত্যুৰ খবৰ নিশ্চিত কৰিছে শিল্পীগৰাকীৰ কন্যা নায়াব উধাসে।

তেওঁ জনায়, “গভীৰ দুখেৰে আপোনালোকক জনাইছো যে পদ্মশ্ৰী শিল্পী পংকজ উধাসৰ ২৬ ফেব্ৰুৱাৰীত দেহাৱসান ঘটিছে।”

পংকজ উধাসে ৮০ৰ দশকটো অনুষ্ঠান, এলবাম, ছবিৰ গীতেৰে মন্ত্ৰমুগ্ধ কৰি ৰাখিছিল। ‘চান্দি জেয়ছা ৰং’, ‘না কাজৰে কি ধাৰ’, ‘দীৱাৰো সে মিল কৰ ৰোনা’, ‘আহিষ্টা’, ‘থোড়ি থোড়ি প্যাৰ কৰো’, নিক্লো না বেনাকব’— আদি পংকজ উধাসৰ বিস্ময়কৰ গজলে আজিও শ্ৰোতাৰ হৃদয় উদ্বেলিত কৰি তোলে।

লগতে পঢ়কঃ হাই এলাৰ্ট জাৰি; বৃহৎ আন্দোলনৰ ঘোষণা কৃষকৰ, ট্ৰেক্টৰ মাৰ্চৰ সিদ্ধান্ত সংযুক্ত কিষাণ মৰ্চাৰ

তেওঁৰ কৃতিত আছে ‘নশা’, ‘পয়মানা’, ‘হছৰত’, ‘হামছফৰ’ আদিৰ দৰে কেইবাটাও বিখ্যাত এলবাম।

গায়কগৰাকীৰ কন্যা নায়েবে ইনষ্টাগ্ৰামত লিখিছে, “মই অতিশয় দুখী আৰু এইটো একেবাৰে বিধ্ৱংসী! তেওঁৰ আত্মাই শান্তি লাভ কৰক। মই জানো কোনো শব্দই ইয়াক সান্তনা দিব নোৱাৰে, অৱশ্যে মই প্ৰাৰ্থনা কৰোঁ যে সৰ্বশক্তিমানে আপোনাৰ পৰিয়ালক শ্ৰী উধাছজী #TheEndOfAnEra ৰ অপূৰণীয় ক্ষতিৰ সৈতে মোকাবিলা কৰিবলৈ শক্তি দিয়ক”।

বলীউডৰ কণ্ঠশিল্পী চনু নিগমেও নিজৰ ইনষ্টাগ্ৰাম প্ৰফাইলত  প্ৰবীণ গায়কগৰাকীৰ প্ৰয়াণত শোক প্ৰকাশ কৰে। “মোৰ শৈশৱৰ এটা গুৰুত্বপূৰ্ণ অংশ আজি হেৰাই গল।পংকজ উধাস জী, মই আপোনাক চিৰদিনৰ বাবে মিছ কৰিম। আপুনি আৰু নাই বুলি জানি মোৰ হৃদয়খনে কান্দি উঠিছে। তাত থকাৰ বাবে ধন্যবাদ। ওম শান্তি।” 

লগতে পঢ়কঃ ৰাঁচী টেষ্টতো পৰাজিত চাহাবৰ দল ইংলেণ্ড; যুৱ শক্তিৰ পৰাক্ৰমেৰে ছিৰিজ দখল টীম ইণ্ডিয়াৰ

এই কিংবদন্তি গায়কজনৰ বিদায়ৰ মুহূৰ্তত তেওঁৰ সুন্দৰ কণ্ঠ, আত্মাক আলোড়িত কৰা গজল, আমাৰ জীৱনত তেওঁৰ প্ৰভাৱৰ কথা মনত পেলাবলৈ এটা মুহূৰ্ত আহি পৰিছে। পংকজ উধাসে হয়তো এই পৃথিৱী এৰি গৈছে, কিন্তু তেওঁৰ সংগীতে সুখ-দুখৰ সময়ত আমাৰ হৃদয়লৈ সদায় সান্ত্বনা কঢ়িয়াই আনিব।