নিৰ্বাচনমুখী সংঘৰ্ষ জৰ্জৰিত মণিপুৰ! স্থানচ্যুত লোকৰ বাবে বিশেষ ভোটকেন্দ্ৰৰ ব্যৱস্থা
সাম্প্ৰদায়িক সংঘৰ্ষত স্থানচ্যুত হোৱা ৫ হাজাৰ ভোটাৰৰ বাবে মণিপুৰত ২৯টা বিশেষ ভোটকেন্দ্ৰ স্থাপন কৰা হৈছে।পশ্চিম ইম্ফল জিলাৰ উপায়ুক্ত তথা জিলা নিৰ্বাচনী বিষয়া কিৰণ কুমাৰে এই সন্দৰ্ভত সংবাদ সংস্থা এএনআইক জনায়।
লগতে পঢ়ক: নিৰ্বাচনৰ প্ৰাক্ক্ষণত দল বাগৰি টিকট লাভ কৰা কেইজনমান কোটিপতি প্ৰাৰ্থী
অভিযোগ অনুসৰি যোৱা বছৰৰ ৩ মে’ত জনজাতীয় ছাত্ৰ সংগঠন ‘অল ট্ৰাইবেল ষ্টুডেন্টছ ইউনিয়ন অৱ মণিপুৰ’ (ATSUM)ৰ কাৰ্যসূচীক কেন্দ্ৰ কৰি মণিপুৰত অশান্তিৰ আৰম্ভণিৰ পৰাই বহু লোকে নিজৰ জীৱনৰ ভয়ত ঘৰ এৰি থৈ গৈছে। মণিপুৰৰ বিভিন্ন জিলাৰ উপৰি চুবুৰীয়া ৰাজ্য মিজোৰামৰ বিভিন্ন শৰণাৰ্থী শিবিৰত বৃহৎ সংখ্যক স্থানচ্যুত লোক বিশেষকৈ কুকি-জো সম্প্ৰদায়ৰ নাগৰিক। কিন্তু এতিয়ালৈকে নিৰ্বাচন আয়োগে কোনো বিশেষ ব্যৱস্থা ঘোষণা কৰা নাই যাতে মিজোৰামত আশ্ৰয় লোৱা মণিপুৰৰ ভোটাৰসকলে নিজৰ গণতান্ত্ৰিক অধিকাৰ সাব্যস্ত কৰিব পাৰে।
লগতে পঢ়ক: ‘Gpay’ৰ নতুন সংস্কৰণ! স্কেন কৰিলে দেখা পাব বিজেপি চৰকাৰৰ দুৰ্নীতি
প্ৰসংগক্ৰমে মে’ মাহৰ আৰম্ভণিতে মণিপুৰ উচ্চ ন্যায়ালয়ে ৰাজ্য চৰকাৰক মেইটেইসকলক অনুসূচিত জনজাতিৰ মৰ্যাদা প্ৰদানৰ বিষয়টো বিবেচনা কৰিবলৈ নিৰ্দেশ দিছিল। ইয়াৰ পাছত অলপ সময়ৰ ভিতৰতে ইয়াৰ বিৰোধিতা কৰি জনজাতীয় সংগঠন ওলাই আহিল৷ সেই ঘটনাৰ পৰাই মণিপুৰত সংঘাত আৰম্ভ হৈছিল। মণিপুৰৰ খিলঞ্জীয়া হিন্দু মেইটেই সম্প্ৰদায় আৰু কুকি-জোকে ধৰি কেইবাটাও অনুসূচিত জাতিৰ সম্প্ৰদায় (যিসকলৰ বেছিভাগেই খ্ৰীষ্টান)ৰ মাজত সংঘৰ্ষত এতিয়ালৈকে প্ৰায় দুশ লোকৰ মৃত্যু হৈছে।বৰ্তমানৰ গৃহহীনৰ সংখ্যা প্ৰায় ৬০ হাজাৰ। পাছত মণিপুৰ উচ্চ ন্যায়ালয়ে বিতৰ্কিত নিৰ্দেশ প্ৰত্যাহাৰ কৰে যদিও মণিপুৰৰ পৰিস্থিতি এতিয়াও স্বাভাৱিক নহয়।
লগতে পঢ়ক: ভোটদাতাসকলৰ দায়িত্ব
You may also like
আমষ্টাৰডামত গ্ৰেপ্তাৰ এছিয়াৰ ‘ম’ষ্ট ৱান্টেড ড্ৰাগছ সম্ৰাট’ চে চি লোপ
বিশ্বৰ কুখ্যাত ড্ৰাগছ সম্ৰাট চে চি লোপক অৱশেষত আৰক্ষীয়ে গ্ৰেপ্তাৰ কৰিবলৈ সক্ষম হৈছে। চে চি লোপৰ নাম বিশ্বৰ অন্যতম চাঞ্চল্যকৰ পলাতক অপৰাধীৰ…
প্ৰিয়ংকাতকৈ ১০ বছৰে সৰু নিকে পত্নীৰ সৈতে বয়সৰ ব্যৱধান সম্পৰ্কত দিলে চাঞ্চল্যকৰ ভাষ্য
চলচ্চিত্ৰৰ বাহিৰেও বলীউদৰ অভিনেত্ৰী প্ৰিয়ংকা চোপ্ৰাই তেওঁৰ ব্যক্তিগত জীৱনৰ বাবেও বিভিন্ন সময়ত শিৰোণাম দখল কৰি আহিছে। তেওঁক এতিয়া সদায়েই স্বামী নিক জোনাছৰ…
বঙাইগাঁও জিলাত ১৪৪ ধাৰা জাৰি, অকৰ্তৃত্বশীল মেচিন নাও,ভুটভুটী চলাচলত দুমাহলৈ নিষেধাজ্ঞা
বঙাইগাঁও জিলাত ব্ৰহ্মপুত্ৰ আৰু আন প্ৰধান নদীসমূহত অকৰ্তৃত্বশীল মেচিন নাও বা ভুটভুটী নাও চলাচলৰ ক্ষেত্ৰত নিষিদ্ধ কৰা হৈছে ৷ এই সন্দৰ্ভত জিলাখনৰ…
ক’ৰ’নাত মৃত্যু হোৱা লোকৰ সংখ্যাৰ ফালৰ পৰা তৃতীয় স্থানত উপনীত হ’ল ভাৰত
ক’ৰ’না ভাইৰাছত আক্ৰান্ত আৰু মৃত্যুৰ সংখ্যাৰে বিশ্বৰ তৃতীয় সৰ্বাধিক প্ৰভাৱিত দেশ হিচাপে পৰিগণিত হ’ল ভাৰত। এই তালিকাৰ শীৰ্ষত আমেৰিকা আৰু দ্বিতীয় স্থানত…