কংগ্ৰেছৰ পৰা বিজেপি, বিজেপিৰ পৰা কংগ্ৰেছলৈ যাত্ৰা কৰা বহু ৰাজনীতিবিদে ১৯ এপ্ৰিলৰ পৰা আৰম্ভ হ’বলগীয়া নিৰ্বাচনত অৱতীৰ্ণ হ’ব৷লোকসভা নিৰ্বাচনৰ প্ৰথম পৰ্যায়ৰ মুঠ ১৮ জন প্ৰাৰ্থীয়ে বিগত পাঁচ বছৰত অন্ততঃ এবাৰ বা একাধিকবাৰ ৰাজনৈতিক আদৰ্শ সলনি কৰিছিল।উল্লেখ্য যে, প্ৰায়সংখ্যক ৰাজনীতিবিদৰ হৃদয় সলনি হৈছিল কেৱল সাধাৰণ নিৰ্বাচনৰ আগৰ কেইমাহমানতহে৷
লগতে পঢ়ক: ‘Gpay’ৰ নতুন সংস্কৰণ! স্কেন কৰিলে দেখা পাব বিজেপি চৰকাৰৰ দুৰ্নীতি
ইয়াৰে ৯ জন বিজেপি নেতৃত্বাধীন এন ডি এৰ অংশ, য’ত বিজেপিৰ পৰা যোৱা দুজন কংগ্ৰেছ নেতা আৰু এজনে শিৱসেনা সিন্দে ফৈদত যোগদান কৰে। ছয়জনে INDIA মিত্ৰতাত যোগদান কৰাৰ বিপৰীতে তিনিজনে AIADMKত যোগদান কৰে।
জ্যোতি মিৰ্ধাঃ ৰাজস্থানৰ নগৌৰ সমষ্টিৰ পৰা বিজেপিৰ প্ৰাৰ্থী ড° জ্যোতি মিৰ্ধা।২০০৯ চনত কংগ্ৰেছৰ টিকটত নগৌৰৰ পৰা প্ৰতিদ্বন্দ্বিতা কৰি ৰাজনীতিত ভৰি দিয়া ৫১ বছৰীয়া মিৰ্ধা এগৰাকী চিকিৎসক। কংগ্ৰেছৰ হৈ লোকসভা নিৰ্বাচনত জয়লাভ কৰে৷২০০৯ চনত ৩ কোটি টকাৰ পৰা ২০২৪ চনত ১০২ কোটি টকালৈ মিৰ্ধাৰ সম্পত্তি ৩৩০০ শতাংশ বৃদ্ধি পায়।
লগতে পঢ়ক: ভোটদাতাসকলৰ দায়িত্ব
২০০৯ চন আছিল মিৰ্ধাৰ প্ৰথম আৰু শেষ জয়। দুবাৰকৈ বিজেপি আৰু সহযোগী দলৰ হাতত নগৌৰত পৰাজয়ৰ সন্মুখীন হয়। অৱশেষত ২০২৩ চনৰ বিধানসভা নিৰ্বাচনৰ কেইসপ্তাহমান পূৰ্বে কংগ্ৰেছ ত্যাগ কৰি বিজেপিত যোগদান কৰে।
হনুমান বেনিৱালঃ হনুমান বেনিৱাল ক্ষীণভছাৰ সমষ্টিৰ আৰ এল পিৰ প্ৰাৰ্থী।চাৰিবাৰৰ বিধায়ক হিচাপে আৰু জাট যুৱক-যুৱতীসকলৰ মাজত জনপ্ৰিয় ব্যক্তি হিচাপে বেনিৱালৰ এটা নাম আছে৷২০০৮ চনৰ বিধানসভা নিৰ্বাচনত তেওঁ বিজেপিৰ সদস্য হিচাপে ক্ষীণভছাৰৰ পৰা প্ৰতিদ্বন্দ্বিতা কৰিছিল, আৰু জয়ী হৈছিল। ২০১৩ চনত তেওঁ বিধানসভা নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিছিল, আৰু জয়ী হৈছিল। ২০১৮ চনত ২০১৮ চনত ৰাষ্ট্ৰীয় লোকান্তৰিক পাৰ্টি গঠন কৰি ক্ষীণভছাৰৰ পৰা দুবাৰকৈ জয়লাভ কৰে। ২০১৯ চনৰ লোকসভা নিৰ্বাচনত তেওঁৰ দলটোৱে বিজেপিৰ সৈতে মিত্ৰতা কৰিছিল যদিও এবছৰৰ পাছত কৃষকৰ প্ৰতিবাদক লৈ মিত্ৰতা ভংগ কৰে৷ মন কৰিবলগীয়া যে বিধায়ক হিচাপে প্ৰথম পাঁচ বছৰীয়া কাৰ্যকালত বেনিৱালৰ সম্পত্তি প্ৰায় ৩০০ শতাংশ বৃদ্ধি পায় – ২০০৮ চনত ১১ লাখ টকাৰ পৰা ২০১৩ চনত ৩৩ লাখ টকা হয়।২০০৮ চনৰ পৰা ২০১৯ চনৰ ভিতৰত এই ধন আৰু ৩৮১ শতাংশ বৃদ্ধি পাইছে।
উদয় শংকৰ হাজৰিকাঃ আগন্তুক নিৰ্বাচনত লখিমপুৰ সমষ্টিৰ কংগ্ৰেছৰ প্ৰাৰ্থী উদয় শংকৰ হাজৰিকা।হাজৰিকাই তিনিবাৰকৈ – ১৯৯৮, ১৯৯৯ আৰু ২০০৪ চনত – লখিমপুৰৰ পৰা বিজেপিৰ টিকটত প্ৰতিদ্বন্দ্বিতা কৰিছিল। হাজৰিকাই কেতিয়াও জয়লাভ কৰিব নোৱাৰি অৱশেষত ২০২৪ চনৰ ডিচেম্বৰ মাহত বিজেপি ত্যাগ কৰে।হাজৰিকাৰ বিৰুদ্ধে কোনো অপৰাধমূলক গোচৰ নাই। যোৱা আঠ বছৰত হাজৰিকাৰ সম্পত্তি ২১৮ শতাংশ বৃদ্ধি পাইছে, ২০১৬ চনত ৩.৭৭ কোটি টকাৰ পৰা ২০২৪ চনত ১১.৮ কোটি টকালৈ বৃদ্ধি পাইছে।
সুৰেশ বৰাঃ সুৰেশ বৰা নগাঁও লোকসভা নিৰ্বাচনত বিজেপি দলৰ প্ৰাৰ্থী৷সুৰেশ বৰাই ২০২৩চনৰ ১১নৱেম্বৰত গেৰুৱা দলটোত যোগদান কৰে৷পূৰ্বে বহুবাৰ বহমপুৰ বিধানসভা সমষ্টিৰ পৰা কংগ্ৰেছৰ টিকটত নিৰ্বাচন খেলা সুৰেশ বৰাই খুউব কম সময়ৰ ভিতৰতে বিজেপিত যোগদান কৰি লোকসভাৰ টিকট লাভ কৰে৷সুৰেশ বৰাই নিৰ্বাচন আয়োগক দিয়া তথ্যনুসৰি বৰাৰ মুঠ সম্পত্তিৰ পৰিমাণ- ৪৬কোটি, ১৪লাখ, ৪৬হাজাৰ, ০৮২টকা৷তদুপৰি বৰাৰ বিৰুদ্ধে ৩টা অপৰাধমূলক গোচৰ ৰুজু হৈ আছে৷ঠিকা,পাথৰ ভঙা উদ্যোগৰ লগতে সুৰেশ বৰাৰ খুচুৰা সুৰাৰ বিপনী আছে৷লগতে বৰাৰ পত্নীৰ নামত আছে হিন্দুস্তান পেট্ৰলিয়ামৰ মটৰ স্পিৰিট আৰু হাই স্পীড ডিজেল বিক্ৰীৰ খুচুৰা বিপনীৰ অনুজ্ঞাপত্ৰৰ উপৰিও অন্য ব্যৱসায়৷
