অসমীয়া সংগীত শিল্পী ‘বাবা’ৰ ‘হল্ড মি টুনাইট’য়ে স্পৰ্শ কৰিলে আই টিউনছ ইউ এছ পপ চাৰ্টৰ ১ নং স্থান

নতুন দিল্লীত থকা অসমৰ বহু বাদ্যযন্ত্ৰ কুশলী ‘বাবা’ৰ শেহতীয়া ইংৰাজী একক গীত ‘হল্ড মি টুনাইট’য়ে আই টিউনছ ইউ এছ পপ চাৰ্টত এক নম্বৰ স্থান দখল কৰিছে। গায়ক-গীতিকাৰ আৰু প্ৰযোজকগৰাকীয়ে বিশ্বৰ ইণ্ডি চাৰ্টতো ঢৌ তুলিছিল, য’ত গীতটোৱে মিউজিক ষ্ট্ৰীমিং এপত ১৩ নম্বৰ স্থানলৈ উন্নীত হৈছিল।

অসমৰ এই শিল্পীগৰাকীয়ে সংবাদ সংস্থা পিটিআইক কয়, ‘হল্ড মি টুনাইট’ গীতটোৱে উদ্বেগৰ অভিজ্ঞতা আৰু ই কেনেকৈ প্ৰায়ে এজন ব্যক্তিক আপোনজনৰ পৰা আঁতৰাই ৰাখে, দুখৰ অনুভূতি গভীৰ কৰি তোলে, সেই বিষয়ে তুলি ধৰা হৈছে। এইটো হৈছে আদৰ্শক চিনি পোৱা আৰু জীৱন আৰু সম্পৰ্ক উন্নত কৰাৰ বাবে পৰিৱৰ্তন অনাৰ কথা।”

গভীৰভাৱে প্ৰতিবিম্বিত ‘ব্যক্তিগত দানৱ’ আৰু ‘পৰিৱৰ্তনৰ সাধনা’ৰ অন্বেষণ কৰা গীতটোৰে ১৫ আগষ্টত আই টিউনছত শীৰ্ষস্থান দখল কৰা এই গীতটো কেৱল এটা আকৰ্ষণীয় সুৰতকৈও অধিক বুলিও উল্লেখ কৰি তেওঁ কয় যে ই এক ‘কেঁচা, আৱেগিক অভিজ্ঞতা’।

লগতে পঢ়কঃ আৰ জি কৰ কাণ্ডক লৈ সৰৱ সূৰ্য্যকুমাৰে ক’লে, ‘ল’ৰাক শিক্ষা দিয়ক’

তেওঁ নিজেই এই একক গীতটোৰ মিউজিক ভিডিঅ’ পৰিচালনা কৰিছে। স্বতন্ত্ৰভাৱে নিৰ্মিত এই ভিডিঅ’টোত শিলৰ তলৰ পৰা ওলাই অহা আশাৰ প্ৰতীক কলাত্মকভাৱে দাঙি ধৰা হৈছে।

‘বাবা’ নামৰে পৰিচিত হৈ পৰা অসমৰ এই গায়কগৰাকী দৰাচলতে কোন? তেওঁৰ প্ৰকৃত নাম অভিৰুক পাটোৱাৰী। বাবাই আৰম্ভণিতে সংগীতৰ প্ৰতি আকৰ্ষণ গঢ়ি তুলিছিল আৰু বিভিন্ন বাদ্যযন্ত্ৰ বজাবলৈ আৰম্ভ কৰি বিভিন্ন সংগীত শৈলীৰ সৈতে পৰীক্ষা-নিৰীক্ষা কৰিবলৈ আৰম্ভ কৰিছিল। শেষত একাধিক ধাৰা মিহলি কৰি এক শব্দ সমলয় (চিগনেচাৰ ছাউণ্ড) গঠন কৰিছিল।

কেইবছৰমান পিয়ানো শিকাৰ পিছত তেওঁ ১২ বছৰ বয়সত ড্ৰাম আৰু ১৪ বছৰ বয়সত গীটাৰ হাতত তুলি লৈ নিজৰ দক্ষতা বৃদ্ধি কৰে।

লগতে পঢ়কঃ শিক্ষাৰ্থীক আকৰ্ষণ কৰিবলৈ বিভ্ৰান্তিকৰ বিজ্ঞাপন! IAS কোচিং চেন্টাৰক ৩ লাখ টকাৰ জৰিমনা

বাবা নামটো বাছি লোৱাৰ কাৰণ সোধাত তেওঁ কয়, “মোৰ মায়ে মোক বাবা বুলি মাতে আৰু মোৰ ভিতৰৰ একক কথনটোৱেও নিজকে সেইবুলিয়ে মাতে, সেয়েহে এই যাত্ৰাৰ বাবে নামটো উপযুক্ত যেন লাগিল।”

বাবাৰ মাতৃ প্ৰসিদ্ধ সাহিত্যিক ৰীতা চৌধুৰী। নেশ্যনেল বুক ট্ৰাষ্টৰ প্ৰাক্তন সঞ্চালিকা আছিল আৰু তেওঁৰ পিতৃ চন্দ্ৰ মোহন পাটোৱাৰী অসম মন্ত্ৰীসভাৰ কেবিনেট মন্ত্ৰী।

বছৰ বছৰ ধৰি বাবাই বিভিন্ন শিল্পী নামত কেইবাটাও এলবাম আৰু একক গীত মুকলি কৰি অনুৰাগীৰ মাজত অপৰিসীম জনপ্ৰিয়তা লাভ কৰিছে। ১৭ বছৰ বয়সত গাইয়া শিল্পী নামেৰে তেওঁৰ প্ৰথম এলবাম ‘এৰিয়েল’ মুকলি কৰে। তেওঁ কয়, ‘এইটো কমাৰ্চিয়েল হিট নাছিল যদিও মই যিমান পাৰো ভাল কৰিছিলোঁ।’

লগতে পঢ়কঃ ভূপালৰ সোণৰ অলংকাৰৰ বিপনীত ডকাইতি, গ্ৰেপ্তাৰ এজন অগ্নিবীৰ

শেহতীয়াকৈ বাবাই ৩০ দিনীয়া এক অনন্য গীতৰ প্ৰত্যাহ্বানত নামি পৰে য’ত তেওঁ এমাহ ধৰি প্ৰতিদিনে এটা নতুন গীত লিখি, ৰেকৰ্ডিং কৰি, প্ৰযোজনা, মিশ্ৰণ আৰু সম্পূৰ্ণ কৰিছিল।