বিভ্ৰান্তিকৰ বিজ্ঞাপন দিয়াৰ বাবে এটা আই এ এছ কোচিং চেণ্টাৰৰ বিৰুদ্ধে কঠোৰ ব্যৱস্থা গ্ৰহণ কৰিছে কেন্দ্ৰই। প্ৰতিষ্ঠানটোক ৩ লাখ টকাৰ জৰিমনা বিহা হৈছে। এই কথা জনাইছে কেন্দ্ৰীয় গ্ৰাহক পৰিক্ৰমা মন্ত্ৰালয়ে। দিল্লীৰ শ্ৰীৰামছ আই এ এছ কোচিং চেন্টাৰৰ বিৰুদ্ধে এই পদক্ষেপ গ্ৰহণ কৰা হৈছে।
বিবৃতি অনুসৰি ২০২২ চনৰ ইউ পি এছ চি পৰীক্ষা সন্দৰ্ভত বিভ্ৰান্তিকৰ বিজ্ঞাপনৰ বাবে কোটিং চেন্টাৰটোৰ বিৰুদ্ধে ব্যৱস্থা গ্ৰহণ কৰা হৈছে।
উল্লেখ্য যে কোচিং ইনষ্টিটিউটোৱে বিগত সময়ত তেওঁলোকৰ বিজ্ঞাপনত দুটা দাবী কৰিছিল। প্ৰথমতে কোৱা হৈছিল যে ২০২২ চনৰ ইউ পি এছ চি অসামৰিক সেৱাৰ পৰীক্ষাত তেওঁলোকৰ শিক্ষানুষ্ঠানৰ ২০০ৰো অধিক পৰীক্ষাৰ্থীয়ে এই সুযোগ লাভ কৰিছে। আন এটা দাবী হ’ল, ইউ পি এছ চি, আই এ এছৰ প্ৰশিক্ষণত তেওঁলোক দেশৰ ভিতৰতে শ্ৰেষ্ঠ।
লগতে পঢ়কঃ কন্যাক কলেজত থবলৈ গৈছিল পিতৃ-মাতৃ; আমেৰিকাত গাড়ী দুৰ্ঘটনাত মৃত্যু একেটা পৰিয়ালৰে তিনিজনৰ
এই বিভ্ৰান্তিকৰ বিজ্ঞাপনৰ প্ৰতি লক্ষ্য ৰাখি কনজিউমাৰ প্ৰটেকচন ব’ৰ্ডে কোচিং চেণ্টাৰৰ উত্তৰ বিচাৰিছিল। সেই সময়ত তেওঁলোকে নিজৰ প্ৰতিষ্ঠানৰ পৰা ২০০ গৰাকী সফল প্ৰাৰ্থীৰ নথি-পত্ৰ দেখুৱাব পৰা নাছিল। দেখা যায় যে সেই বছৰ ইউ পি এছ চি পৰীক্ষাত কেন্দ্ৰটোৰ ১৭১ গৰাকী পৰীক্ষাৰ্থীয়ে সফলতা লাভ কৰিছিল। তেওঁলোকৰ বহুতেই কোচিং চেণ্টাৰৰ নিয়মীয়া ছাত্ৰ নাছিল।
গ্ৰাহক পৰিক্ৰমা মন্ত্ৰালয়ৰ তথ্য অনুসৰি সফল প্ৰাৰ্থীৰ ১০২ গৰাকীয়ে তাৰ পৰা কেৱল ‘বিনামূলীয়া সাক্ষাৎকাৰৰ গাইডেন্স’হে লৈছিল। প্ৰস্তুতি পৰীক্ষা ‘ফ্ৰী টেষ্ট ছিৰিজ’ত ৫৫ জনে অংশগ্ৰহণ কৰে। বাকীসকলৰ ভিতৰত ৯ গৰাকী নিয়মীয়া ছাত্ৰ আৰু ৫ গৰাকীয়ে বিভিন্ন ৰাজ্য চৰকাৰৰ সৈতে প্ৰতিষ্ঠানখনৰ বুজাবুজিৰ চুক্তি অনুসৰি বিনামূলীয়া প্ৰশিক্ষণ লাভ কৰে।
মন্ত্ৰালয়ে লগতে কয় যে ১৭১ গৰাকী সফল পৰীক্ষাৰ্থীৰ ভিতৰত গৰিষ্ঠসংখ্যকে প্ৰতিষ্ঠানটোৰ কোনো সহায় নোলোৱাকৈ প্ৰাৰম্ভিক আৰু মেইন পৰীক্ষাত উত্তীৰ্ণ হৈছিল।
লগতে পঢ়কঃ মোডীৰ আমন্ত্ৰণৰ প্ৰতি সঁহাৰি! দিল্লীত অনুষ্ঠিত আন্তঃৰাষ্ট্ৰীয় সন্মিলনত অংশগ্ৰহণ কৰিলে ইউনুছে
কিন্তু সেই কোচিং চেণ্টাৰে দিয়া বিজ্ঞাপনত সফল প্ৰাৰ্থীসকলে কোনটো পাঠ্যক্ৰম লৈছিল তাৰ কোনো উল্লেখ নাছিল। আনকি যিখন প্ৰতিষ্ঠানৰ পৰা তেওঁলোকে সহায় অবিহনে প্ৰাৰম্ভিক আৰু মেইনছ পৰীক্ষাত উত্তীৰ্ণ হৈছিল, সেই প্ৰতিষ্ঠানৰ কথাও বিজ্ঞাপনত উল্লেখ কৰা হোৱা নাই। ফলত গ্ৰাহক সুৰক্ষা ব’ৰ্ডৰ মতে সেই বিজ্ঞাপনত ভুল আৰু বিভ্ৰান্তিকৰ তথ্য প্ৰচাৰ কৰা হৈছে।
