‘ছোৱালীক ৰক্ষা কৰা নহয়, ল’ৰাক শিকাওক।’ ভাই-ভনী, পিতৃ, স্বামী, বন্ধু-বান্ধৱীকো শিকাওক।’ এইদৰে আৰ জি কৰ চিকিৎসা মহাবিদ্যালয় আৰু হাস্পাতালত চিকিৎসকৰ ওপৰত কৰা নৃশংস নিৰ্যাতনৰ বিৰুদ্ধে প্ৰতিবাদ সাব্যস্ত কৰে সূৰ্যকুমাৰ যাদৱে।
ভাৰতৰ টি-২০ দলৰ বৰ্তমানৰ অধিনায়কগৰাকীকো কলকাতাৰ ভয়াবহ ঘটনাই চুই গৈছে। এই নৃশংস ঘটনাৰ বিৰুদ্ধে যশপ্ৰীত বুমৰাহ, হৰভজন সিঙৰ দৰে ক্ৰিকেটাৰেও প্ৰতিবাদ সাব্যস্ত কৰিছে। এইবাৰ সূৰ্যকুমাৰেও তাত যোগ দিলে।
নাম নোলোৱাকৈয়ে তেওঁ বুজাই দিলে যে যুৱতী চিকিৎসকগৰাকীৰ ওপৰত হোৱা অত্যাচাৰৰ ঘটনাত তেওঁ ব্যথিত হৈ পৰিছে। সমগ্ৰ দেশতে এই ঘটনাৰ প্ৰতিবাদ হৈছে। ক্ৰীড়াবিদসকলেও আৰ এণ্ড জি কৰ কাণ্ডকলৈ মুখ খুলিছে।
লগতে পঢ়কঃ ভূপালৰ সোণৰ অলংকাৰৰ বিপনীত ডকাইতি, গ্ৰেপ্তাৰ এজন অগ্নিবীৰ
সূৰ্যকুমাৰ, বুমৰাহ, হৰভজনৰ উপৰিও মহম্মদ চিৰাজ, মহম্মদ ছামি, জেমিমা ৰড্ৰিগেজৰ দৰে ক্ৰিকেটাৰও আৰ জি কৰ মেডিকেল কলেজৰ কাণ্ডত সৰৱ হৈ পৰিছে। কিছুদিন পূৰ্বে বুমৰাহে তেওঁৰ ইনষ্টাগ্ৰাম ষ্ট’ৰীত বলীউডৰ অভিনেত্ৰী আলিয়া ভাটৰ এটা পোষ্ট শ্বেয়াৰ কৰিছিল।
পোষ্টটোত লিখা আছিল, ‘আন এক নৃশংস ধৰ্ষণ। আকৌ এদিন উপলব্ধি হ’ল যে মহিলা ক’তো নিৰাপদ নহয়। আন এক ভয়ংকৰ অত্যাচাৰে আমাক সোঁৱৰাই দিলে যে নিৰ্ভয়া কাণ্ডৰ এটা দশক পাৰ হৈ গ’ল। কিন্তু এতিয়ালৈকে একোৱে সলনি হোৱা নাই।’
#SuryaKumarYadav pic.twitter.com/l2bfn5wX5Y
— RAS KK (@kkbaloch2311) August 18, 2024
জাতীয় দলৰ বুমৰাহৰ সতীৰ্থ ছিৰাজে ধৰ্ষণৰ ঘটনা সন্দৰ্ভত কিছু বাতৰি কাকতৰ শিৰোনামৰ ছবি দি লিখিছে, ‘এতিয়া আপোনালোকৰ অজুহাত কি? এইবাৰো ছোৱালীজনীৰ দোষ নেকি? কাৰণ ল’ৰাবোৰে এনেকুৱাই আচৰণ কৰিব?’
