পেটৰ ভিতৰত বাহ সাজিছিল জীৱন্ত পইতাচোৰাই! চিকিৎসকৰ ‘যাদু’ত জীৱন ৰক্ষা পৰিল দিল্লীৰ যুৱকৰ

প্ৰায় বাহিৰৰ খাদ্য খাইছিল। কিন্তু হঠাৎ পেটত যে এটা পইতাচোৰা থিতাপি লৈছিল সেয়া ঘুণাক্ষৰেও গম পোৱা নাছিল এজন যুৱকে। হঠাৎ পেটৰ বিষ আৰম্ভ হোৱাৰ পৰাই সমস্যা আৰম্ভ হয়। দিল্লীৰ এখন ব্যক্তিগত চিকিৎসালয়ৰ চিকিৎসকে সহজেই তিনি চেণ্টিমিটাৰ দৈৰ্ঘ্যৰ পইতাচোৰাটো আঁতৰাই যুৱকজনক সুস্থ কৰি তুলিছে।

সূত্ৰ অনুসৰি কিছুদিন পূৰ্বে তেওঁ বাহিৰৰ খাদ্য কিনি খাইছিল। তাৰ পিছত পেটৰ বিষ আৰু বমি আৰম্ভ হ’ল। কোনো খাদ্য হজম কৰিব পৰা নাছিল। তিনিদিন এনেকৈ থকাৰ পিছত বিষ সহ্য কৰিব নোৱাৰি তেওঁক দিল্লীৰ বসন্তকুঞ্জৰ এখন ব্যক্তিগত চিকিৎসালয়লৈ লৈ যোৱা হয়।

লগতে পঢ়কঃ উৎসৱৰ মাজতে ৰাজ্যত বৃদ্ধি পালে পেট্ৰ’লৰ দাম; প্ৰতি লিটাৰত কিমান বাঢ়িল?

বিষয়টো চাওঁতে ডাক্তৰৰ চকু কপালত উঠিল। এণ্ড’স্কপিকে ধৰি দুই এটা পৰীক্ষাৰ অন্তত চিকিৎসকে যুৱকজনৰ শৰীৰত জীৱন্ত পইতাচোৰাৰ উপস্থিতি উপলব্ধি কৰে। বাহিৰৰ খাদ্যৰ বাবেই এনে পৰিণতি। কিন্তু  বিষয়টোকলৈ কোনো বিচলিত নহৈ মাত্ৰ ১০ মিনিটতে পেটৰ পৰা যাদুৰ দৰে উলিয়াই অনা হ’ল পইতাচোৰা।

এজন চিকিৎসকে কয়, পৰীক্ষাৰ পিছতে বুজিলোঁ যে পইতাচোৰাটো জীয়াই আছে। তাৰ পিছত দুয়োফালে বিশেষ এণ্ড’স্কপি কৰা হয়। এফালৰ পৰা পানী আৰু আনফালৰ পৰা বতাহ দিয়াত সেইটো বাহিৰলৈ ওলাই আহে। ছ’চিয়েল মিডিয়াত এই খবৰ বিয়পি পৰাৰ লগে লগে নেটিজেনসকলে চিকিৎসকসকলক প্ৰশংসা কৰিছে।

লগতে পঢ়কঃ সলনি হৈছে বৃহস্পতিৰ গ্ৰেট ৰেড স্পট! তথ্য লাভ কৰি আচৰিত হৈ পৰিছে গৱেষকসকল

চিকিৎসালয়খনৰ মতে, যুৱকজনক সময়মতে চিকিৎসালয়লৈ নিনিয়া হ’লে যথেষ্ট বিপদৰ সন্মুখীন হ’লহেঁতেন। আনকি তেওঁৰ জীৱন বচোৱাও কঠিন হ’লহেঁতেন।  খাবলৈ গৈ কেতিয়া পইতাচোৰা পেটলৈ গ’ল সেয়া যুৱকজনে গমেই পোৱা নাছিল। তাতেই ঘটিল ইমান ডাঙৰ কাণ্ড।