শ্ৰেয়ছ আয়াৰৰ অপৰাজেয় ইনিংছত তছনচ টাইটানছৰ ব’লাৰ! মৰণপণ যুঁজ দিও ঘৰুৱা খেলপথাৰত পৰাজিত গীলবাহিনী…

আহমেদাবাদৰ নৰেন্দ্ৰ মোদী ষ্টেডিয়ামত গুজৰাট টাইটানছক ১১ ৰানত পৰাস্ত কৰি শ্ৰেয়ছ আয়াৰৰ পঞ্জাব কিংছে এক শক্তিশালী আৰম্ভণি কৰে। প্ৰথমে বেটিং কৰি পঞ্জাবে ৫টা উইকেট হেৰুৱাই ২৪৩ ৰান সংগ্ৰহ কৰে। ইয়াৰ উত্তৰত শুভমন গীলৰ নেতৃত্বত গুজৰাটে ৫ উইকেটত ২৩২ ৰাণহে সংগ্ৰহ কৰে।

মিডল অৰ্ডাৰত দুৰ্বল হৈ পৰা এই মেচখনত শ্ৰেয়াছ আয়াৰে বেটৰ সৈতে সন্মুখৰ পৰা দলটোক নেতৃত্ব দিয়াৰ লগতে দলটোক নেতৃত্ব দিয়ে।আয়াৰে ৪২টা বলত ৯৭ ৰানৰ অপৰাজিত ইনিংছত ৫টা চাৰি আৰু ৯টা ছয় সংগ্ৰহ কৰে। অ’পেনাৰ প্ৰিয়ংশ আৰ্যই ২৩ বলত ৪৭ ৰাণ সংগ্ৰহ কৰে। শেষত শশাংক সিঙৰ উজ্জ্বল ইনিংছৰ বাবে পঞ্জাবে বৃহৎ স্ক’ৰ সংগ্ৰহ কৰে (১৬ বলত ৪৪ নট আউট)।

২৪৪ ৰাণৰ বিশাল লক্ষ্য আগত লৈ গুজৰাটৰ হৈ শুভমন(১৪ বলত ৩৩) আৰু ছাই সুদৰ্শন (৪১ বলত ৭৪)ৰ সৈতে আৰম্ভণি কৰে। তিনি নম্বৰ স্থানত অহা জ’ছ বাটলাৰে ৩৩টা বলত ৫৪ ৰান সংগ্ৰহ কৰে। কিন্তু গুৰুত্বপূৰ্ণ সময়ত পঞ্জাৱৰ ইমপেক্ট খেলুৱৈ বিজয়কুমাৰ বয়শাখ আৰু মাৰ্কো জান্সেনৰ উৎকৃষ্ট বলিঙে গুজৰাটৰ ৰান ৰেট লেহেমীয়া কৰে। শেষত শ্বাৰফেন ৰাদাৰফোৰ্ডে (২৮ বলত ৪৬) চেষ্টা কৰিছিল যদিও জয়ী হ’ব নোৱাৰিলে।