মাৰ্ঘেৰিটাত আৰক্ষীৰ অভিযানত আটক হোৱা দুজন জুৱাৰীক জে’ললৈ প্ৰেৰণ
তিনিচুকীয়া জিলাৰ মাৰ্ঘেৰিটা থানাৰ ভাৰপ্ৰাপ্ত আৰক্ষী বিষয়াৰ নেতৃত্বত যোৱা এটি আৰক্ষী দলে মঙলবাৰে নিশা জুৱাৰ বিৰুদ্ধে অভিযান চলাই দুজনকৈ জুৱাৰীক আটক কৰি আজি জে’ল হাজোতলৈ প্ৰেৰণ কৰে।
প্ৰাপ্ত তথ্য মতে দীৰ্ঘদিনৰ পৰা মাৰ্ঘেৰিটা থানাৰ অন্তৰ্গত বিভিন্ন অঞ্চলত চলি থকা জুৱা খেলৰ বিৰুদ্ধে মাৰ্ঘেৰিটা আৰক্ষী থানাৰ ভাৰপ্ৰাপ্ত বিষয়া গিৰিণ সোণোৱালৰ নেতৃত্বত যোৱা এটা আৰক্ষীৰ দলে বৰগোলাই অঞ্চলত অভিযান চলায়।
অভিযানকালত আৰক্ষীয়ে দুজন জুৱাৰী ক্ৰমে প্লেয়াৰ লাইনৰ নিৱাসী সিং বাহাদুৰ তামাং(২৬) আৰু বৰগোলাই বজাৰৰ এম কে লাইনৰ নিৱাসী গোবিন্দ ছেত্ৰী (২৯)ক আটক কৰে।
ইতিমধ্যে মাৰ্ঘেৰিটা থানাত ‘আসাম গেম এণ্ড বেটিং এক্ট ১৯৭০’ ৰ অধীনত ১৪/১৮ নম্বৰৰ এক গোচৰ ৰুজু কৰি যুৱকদ্বয়ক আজি জে’ল হাজোতলৈ প্ৰেৰণ কৰিছে।
আনহাতে স্থানীয় ৰাইজে অঞ্চলটোত এনে দৰে জুৱা খেল পাতি অঞ্চলটোৰ পৰিৱেশ বিনষ্ট কৰি অহা লোকক আৰক্ষীয়ে অভিযান চলাই আটক কৰা কাৰ্যক প্ৰশংসা কৰাৰ লগতে অঞ্চলটোৰ আন আন জুৱাৰী সকলকো অভিযান চলাই আটক কৰাৰ বাবে আহ্বান জনায়।
You may also like
মংগল গ্ৰহত সফল অৱতৰণ কৰিলে চীনে পঠিওৱা ৰ’ভাৰ, আমেৰিকাৰ স’তে প্ৰযুক্তিৰ প্ৰতিযোগিতা আৰম্ভ!
সাত মাহ মহাকাশ ভ্ৰমণ, তিনি মাহৰ প্ৰদক্ষিণ আৰু ‘ন মাহৰ সন্ত্ৰাস’ৰ অন্তত মংগলগ্ৰহত এখন ‘ৰভাৰ’ অৱতৰণ কৰা বিশ্বৰ তৃতীয়খন দেশ হিচাপে পৰিগণিত…
বৰ্তি গ’ল চম্পাই ছোৰেনৰ চৰকাৰ, প্ৰমাণ কৰিলে সংখ্যাগৰিষ্ঠতা; পালে কিমান ভোট?
আস্থা ভোটত সংখ্যাগৰিষ্ঠতা প্ৰমাণ কৰিলে ঝাৰখণ্ডৰ নতুন মুখ্যমন্ত্ৰী চম্পাই ছোৰেনে। তেওঁ লাভ কৰে ৪৭টা ভোট। বিৰোধীয়ে লাভ কৰে ২৯ টা ভোট। ঝাৰখণ্ড…
দিল্লীত অজিত শইকীয়াৰ শেষকৃত্য সম্পন্ন, অসমলৈ ঘূৰিছে পত্নী আৰু ভতিজাক
দিল্লীৰ লোকনায়ক জয় প্ৰকাশ হাস্পতালত ক’ভিড-১৯ৰ সংক্ৰমণত মৃত্যু হোৱা অজিত শইকীয়াৰ ১৯ মে’ দিনা উত্তৰ দিল্লীৰ নিগম ব’ড ঘাটৰ শ্মশানত অন্তেষ্টিক্ৰিয়া সম্পন্ন…
জীৱনত বাৰে বাৰে প্ৰতাৰিত হৈছে! তেন্তে মনত ৰাখক চাণক্যৰ এই নীতিকথা
প্ৰায়ে এনেকুৱা হয় যে আমি আটাইতকৈ বেছি বিশ্বাস কৰা ব্যক্তিজনে আমাক বিশ্বাসঘাতকতা কৰে। যদি আপোনাক জীৱনত কোনোবাই প্ৰতাৰণা কৰিছে তেন্তে নিশ্চয়কৈ চাণক্যৰ…