দিন ঘোষণা উচ্চতৰ মাধ্যমিক চূড়ান্ত পৰীক্ষাৰ
অসম উচ্চতৰ মাধ্যমিক শিক্ষা সংসদ (AHSEC) পৰিচালনা কৰা চূড়ান্ত বৰ্ষৰ পৰীক্ষা আৰম্ভ হ’ব অহা ১২ ফেব্ৰুৱাৰিৰ পৰা।
অসমৰ ৭৮০টা কেন্দ্ৰত ১৫ মাৰ্চলৈকে অনুষ্ঠিত হ’ব এই পৰীক্ষা। মঙলবাৰে গুৱাহাটীত শিক্ষা সংসদৰ বৈঠকৰ পিছতে এই কথা ঘোষণা কৰিছে সচিব কমল জ্যোতি গগৈয়ে।
গগৈয়ে নৰ্থ ইষ্ট নাও-ক জনায় যে পৰৱৰ্তী এক বৈঠকৰ পিছতহে পৰীক্ষাৰ সম্পূৰ্ণ সূচী নিৰ্ধাৰণ কৰা হ’ব।
২০১৯ চনৰ এপ্ৰিলত দেশৰ অন্য প্ৰান্তৰ লগতে অসমতো অনুষ্ঠিত হ’ব লগা লোকসভা নিৰ্বাচনৰ বাবে পূৰ্বতকৈ আগতীয়াকৈ এই পৰীক্ষা অনুষ্ঠিত কৰাৰ কথা সদৰী কৰিছে সচিবগৰাকীয়ে।
কিছুদিন পূৰ্বে সৰ্বভাৰতীয় শিক্ষা পৰিষদৰ সন্মিলনত পৰীক্ষা আগতীয়াকৈ অনুষ্ঠিত কৰাৰ সিদ্ধান্ত গ্ৰহণ কৰা হৈছিল।
আনহাতে পঞ্চায়তৰ ভোট গণনা অন্ত পৰাৰ পিছতে পৰীক্ষাৰ সৈতে জড়িত শিক্ষক, বিষয়া, কৰ্মচাৰীসকলক ডিচেম্বৰ মাহতে বিশেষ প্ৰশিক্ষণ প্ৰদান কৰিব শিক্ষা সংসদে।
কেৱল সেয়ে নহয়, এইবাৰ পৰীক্ষাত কেইবাটাও নিয়ম সলনি হোৱাৰ লগতে নতুন নিয়ম প্ৰৱৰ্তন কৰা, স্পৰ্শকাতৰ কেন্দ্ৰত জামাৰ আৰু জি পি আৰ এছৰ ব্যৱস্থা আৰু যোৱা বছৰৰ পৰীক্ষাত খেলিমেলিৰ সৃষ্টি হোৱা কেইবাটাও কেন্দ্ৰৰ স্বীকৃতি বাতিল কৰাৰ বাবেও সিদ্ধান্ত হোৱা হৈছে, শিক্ষা সংসদৰ সূত্ৰত প্ৰকাশ।
You may also like
অতিমাত্ৰা অনলাইন ক্লাছৰ বিৰুদ্ধে প্ৰধানমন্ত্ৰীক অভিযোগ দিলে এজনী ৬ বছৰীয়া কণমানিয়ে
ক’ভিড পৰিস্থিতিৰ বাবে দেশখনৰ অসংখ্য ছাত্ৰ-ছাত্ৰীয়ে অনলাইন ক্লাছযোগে শিক্ষা গ্ৰহণ কৰি আছে। এই শিক্ষা প্ৰণালীক লৈ অসন্তুষ্ট হৈ পৰিছে ছাত্ৰ-ছাত্ৰীসকল। তাৰে এটা…
‘অক্ষমণীয় ভুল’! বিজ্ঞাপনৰ পৰা বাদ আবুল কালাম আজাদ! ক্ষমা বিচাৰিলে কংগ্ৰেছে
মৌলানা আবুল কালাম আজাদৰ ছবি কংগ্ৰেছৰ বিজ্ঞাপনৰ পৰা বাদ পৰিছিল। যাৰবাবে কংগ্ৰেছে যথেষ্ট সমালোচনাৰ সন্মুখীন হ’ব লগা হয়। অৱশেষত দলৰ জ্যেষ্ঠ নেতা…
মাৰ্ঘেৰিটা মাইচাংপানীত বুঢ়ীদিহিং নদীত গা ধুবলৈ গৈ দুই শিশুৰ মৃত্যু
তিনিচুকীয়া জিলাৰ মাৰ্ঘেৰিটাৰ ইনথেম গাঁও পঞ্চায়তৰ অন্তৰ্গত মাইচাং পানীত আজি সংঘটিত এক কৰোণ ঘটনাই সমগ্ৰ অঞ্চলটোতে শোকৰ ছাঁ পেলাইছে। প্ৰাপ্ত তথ্য মতে…
নিৰ্মাণ সম্পূৰ্ণ হোৱা সত্ত্বেও চৰকাৰী অৱহেলাৰ বাবে এৰাবাৰীত পৰিণত লিডুৰ আই টি আই
চৰকাৰে ৰাজ্যৰ শিক্ষাখণ্ডৰ উন্নয়ণৰ দাবী জনাই অহাৰ বিপৰীতে বাস্তৱত ইয়াৰ এক অন্য ছবিহে দেখিবলৈ পোৱা যায়। তিনিচুকীয়া জিলাৰ লিডুস্থিত উদ্যোগিক প্ৰশিক্ষণ কেন্দ্ৰ (আই টি আই )…