সম্পূৰ্ণ সামৰিক মৰ্যাদাৰে শেষকৃত্য সম্পন্ন কাশ্মীৰত প্ৰাণ হেৰুৱা অসমৰ বীৰ চহিদ পদম বাহাদুৰ শ্ৰেষ্ঠৰ
ভাৰত-পাক সীমান্তত পাকিস্তানী সেনাই যুদ্ধ বিৰতি উলংঘা কৰি চলোৱা গুলীবৰ্ষণত ১৯ অক্টোবৰত কাশ্মীৰত চহিদ হোৱা ৩৯ নং গোৰ্খা ৰেজিমেণ্টৰ বীৰ জোৱান পদম বাহাদুৰ শ্ৰেষ্ঠৰ নশ্বৰ দেহৰ অন্ত্যেষ্টিক্ৰিয়া মঙলবাৰে সন্ধিয়া সম্পূৰ্ণ সামৰিক মৰ্যাদাৰে নিজ গাঁৱত সম্পন্ন কৰা হয়।
বীৰ জোৱান গৰাকীৰ জন্মস্থান বৰপথাৰ মৌজাৰ হাতীঘুলি গাঁৱত হাজাৰ হাজাৰ লোকৰ উপস্থিতিত সামৰিক বাহিনীয়ে ২১ জাঁই টোপধ্বনিৰে শ্ৰেষ্ঠক সন্মান জনায়।
পদম বাহাদুৰ শ্ৰেষ্ঠৰ অন্ত্যেষ্টিক্ৰিয়া অনুষ্ঠানত ৰাজ্য চৰকাৰৰ হৈ কৃষি মন্ত্ৰী অতুল বৰাৰ সৈতে স্থানীয় বিধায়িকৰ লগতে ভাৰতীয় সেনা বাহিনীৰ ভালেমান বিষয়া উপস্থিত থাকে।
ভাৰতীয় চহিদ গৰাকীৰ নশ্বৰ দেহ বিমানযোগে প্ৰথমে ডিমাপুৰলৈ অনাৰ পাছত তাৰ পৰা জন্মস্থান গোলাঘাটলৈ লৈ অনা হয়।
গোৰ্খা ৰেজিমেণ্টৰ জোৱান গৰাকীৰ নশ্বৰ দেহ গৃহভূমিত উপস্থিত হোৱাৰ লগে লগে হাজাৰ হাজাৰ লোকে শ্ৰদ্ধাঞ্জলি জ্ঞাপন কৰাৰ লগতে পাকিস্তান মুৰ্দাবাদ ধ্বনি দিয়ে।
স্থানীয় বিধায়ক, জিলা উপায়ুক্তকে ধৰি বিভিন্ন দল, সংগঠনে চহিদ গৰাকীলৈ শ্ৰদ্ধাঞ্জলি জ্ঞাপন কৰে।
You may also like
কামপুৰত বানত উটি গ’ল দুই আৰক্ষী: এজনৰ মৃতদেহ উদ্ধাৰ
সমগ্ৰ ৰাজ্যতে বানপানীৰ ভয়াৱহতাৰ মাজতে যোৱা নিশা নগাঁৱৰ কামপুৰত সংঘটিত হৈছে এক শোকাৱহ ঘটনা৷ অঞ্চলটোত নিশা বাঢ়নী পানীত উটি গৈছে তদন্তৰ বাবে…
তিনিদিনীয়া কৰ্মশালা : বগা হাতীৰ দেশ থাইলেণ্ডত কাজিৰঙাৰ মাউত
প্ৰথমবাৰৰ বাবে থাইলেণ্ডত প্ৰশিক্ষণ গ্ৰহণ কৰিছে অসমৰ মাউতে। ৬ নৱেম্বৰৰ পৰা ৮ নৱেম্বৰলৈ থাইলেণ্ডৰ লামপাঙৰ ৰাষ্ট্ৰীয় হাতী প্ৰতিষ্ঠানত মাউত, হাতীৰ মালিক আৰু…
প্ৰতিবাদলৈ ভয়! কেন্দ্ৰীয় গৃহমন্ত্ৰী অমিত শ্বাহৰ অনুষ্ঠানত সীমিত কৰা হ’ল সাংবাদিকৰ প্ৰৱেশ
কেন্দ্ৰীয় গৃহমন্ত্ৰী অমিত শ্বাহ আজি আহিছে শ্বিলঙলৈ। উত্তৰ পূব পৰিষদৰ পূৰ্ণাংগ অধিবেশনত অংশগ্ৰহণৰ উদ্দেশ্যে শ্বিলঙলৈ অহা অমিত শ্বাহৰ অনুষ্ঠানত লক্ষ্যণীয় ভাবে সীমিত…
অসম চুক্তিৰ ৬নং দফা সম্পৰ্কীয় সমিতিৰ প্ৰতিবেদনত সংশোধন বিচাৰিছে কেন্দ্ৰই
অসম চুক্তিৰ ৬নং দফা সম্পৰ্কীয় উচ্চস্তৰীয় সমিতিৰ প্ৰতিবেদনত কেন্দ্ৰীয় গৃহ বিভাগে কিছু নিৰ্দিষ্ট সংশোধন বিচাৰিছে, বাতৰিত প্ৰকাশ। সমিতিখনে শনিবাৰে গৃহ বিভাগক আনুষ্ঠানিকভাৱে…