গুৱাহাটীত অনুষ্ঠিত হ’ব অল ইণ্ডিয়া মহিলা সাংস্কৃতিক সংগঠন, অসম কমিটিৰ ৰাজ্যিক সন্মিলন

গুৱাহাটীত অনুষ্ঠিত হ’ব অল ইণ্ডিয়া মহিলা সাংস্কৃতিক সংগঠন, অসম ৰাজ্যিক শাখাৰ তৃতীয়খন ৰাজ্যিক সন্মিলন।

এ আই এম এছ এছ অসম ৰাজ্যিক কমিটিৰ সভানেত্ৰী ইনা হুছেইন আৰু সম্পাদিকা বৰ্ণালী শৰ্মাই এক প্ৰেছ বা্ৰ্তাৰ যোগে জনাইছে যে অহা ইংৰাজী ২৪-২৬ ফেব্ৰুৱাৰি ২০২০ তাৰিখে গুৱাহাটী জিলা পুথিভঁৰাল প্ৰেক্ষাগৃহত এই সন্মিলন দুদিনীয়া কাৰ্যসূচীৰে আয়োজন কৰা হৈছে।

ক্ৰমবৰ্দ্ধমান নাৰী নিৰ্যাতন, ধৰ্ষণ, শিশু ধৰ্ষণ, গণধৰ্ষণ, হত্যা, ডাইনী সজাই হত্যা, নাৰী আৰু শিশুপাচাৰ বন্ধ কৰা, গণ মাধ্যমত অশ্লীলতা, অপসংস্কৃতিৰ ব্যাপক প্ৰচাৰ বন্ধ কৰা, দেশী-বিদেশী মদৰ লাইচেন্স আৰু মদৰ দোকানসমূহ বন্ধ কৰা, অষ্টম শ্ৰেণী পৰ্যন্ত পাছ-ফেইল প্ৰৰ্থা পুনৰ প্ৰচলন কৰা, মূল্যবৃদ্ধি ৰোধ কৰা, সকলোৰে বাবে বিনামূলীয়া শিক্ষা আৰু চিকিৎসা সেৱাৰ ব্যৱস্থা কৰাৰ দাবীত আৰু গোষ্ঠীবাদ, বিভাজনবাদ, সংকীৰ্ণতাবাদ, উগ্ৰ প্ৰাদেশিকতাবাদ আৰু সাম্প্ৰদায়িকতাবাদৰ বিৰুদ্ধে আন্দোলন গঢ়ি তোলাৰ উদ্দেশ্যে এ আই এম এছ এছে অসম ৰাজ্যিক কমিটিৰ ৰাজ্যিক সন্মিলন আয়োজন কৰিছে বুলি জানিবলৈ দিছে।

২৪ ফেব্ৰুৱাৰিত অনুষ্ঠিতব্য মুকিল সভাখন উদ্বোধন কৰিব এ আই এম এছ এছৰ সৰ্বভাৰতীয় কমিটিৰ সভানেত্ৰী কমৰেড কেয়া দেই। আমন্ত্ৰিত অতিথি হিচাপে উপস্থিত থাকিব সাহিত্য অকাডেমি বঁটা বিজয়ী বিশিষ্ট সাহিত্যিক নিৰুপমা বৰগোহাঞিয়ে।

এ আই এম এছ এছৰ সৰ্বভাৰতীয় সম্পাদিকা কমৰেড ছবি মহান্তি আৰু অসম কমিটিৰ সম্পাদিকা কমৰেড বৰ্ণালী শৰ্মাই বক্তৃতা প্ৰদান কৰিবলগীয়া অনুষ্ঠানটোত প্ৰধান বক্তা হিচাপে উপস্থিত থাকিব এছ ইউ ইচ আই(কমিউনিষ্ট)দলৰ অসম ৰাজ্যিক কমিটিৰ সম্পাদক কমৰেড চন্দ্ৰলেখা দাসে।

২৫ আৰু ২৬ ফেব্ৰুৱাৰিত লক্ষ্মীৰাম বৰুৱা সদনত অসম ৰাজ্যিক কমিটিৰ প্ৰতিনিধি সভা অনুষ্ঠিত হ’ব। উক্ত সভাত মুখ্য বক্তা হিচাপে উপস্থিত থাকিব এছ ইউ চি আই(কমিনিউষ্ট)ৰ পলিটব্যুৰ’ৰ সদস্য কমৰেড অসিত ভট্টাচাৰ্য।

এ আই এম এছ এছ, অসম ৰাজ্যিক কমিটিৰ সভানেত্ৰী আৰু সম্পাদিকাই সন্মিলনখন সাফল্যমণ্ডিত কৰি তুলিবলৈ ৰাজ্যৰ জনসাধাৰণৰ লগতে সকলো ছাত্ৰ-ছাত্ৰী, যুৱক-যুৱতীৰ প্ৰতি আহ্বান জনাইছে।