কোকৰাঝাৰত হাগ্ৰামা মহিলাৰীৰ সংবাদমেল; ৰাজ্যসভাৰ প্ৰাৰ্থীৰূপে বিশ্বজিৎ দৈমাৰীক প্ৰক্ষেপ!

আজি কোকৰাঝাৰত এখন সংবাদেমল সম্বোধন কৰে বিটিচি প্ৰধান হাগ্ৰামা মহিলাৰীয়ে।

ৰাজ্যসভা আসনৰ বাবে পুনৰ বিশ্বজিৎ দৈমাৰীক প্ৰক্ষেপ কৰিব বিপিএফে। সংবাদ মেলত ঘোষণা হাগ্ৰামা মহিলাৰীৰ।

কাইলৈ গুৱাহাটীত ৰাজ্যিক বিজেপি সভাপতি ৰঞ্জিত দাসৰ আমন্ত্ৰণক্ৰমে মিত্ৰজোঁটৰ বৈঠকত বিপিএফে অংশগ্ৰহণ কৰিব বুলি তেওঁ জানিবলৈ দিয়ে সাংবাদিকক।

বিটিচিৰ উচ্চপদস্থ আৰক্ষী বিষয়াৰ ভূমিকাত ক্ষোভ ব্যক্ত কৰে হাগ্ৰামা মহিলাৰীয়ে।

বিটিচিৰ নিৰ্বাচন আৰক্ষীয়ে অনুষ্ঠিত কৰিব নে নিৰ্বাচন আয়োগে অনুষ্ঠিত কৰিব বুলিও প্ৰশ্ন কৰে হাগ্ৰামা মহিলাৰীয়ে।

কাইলৈ গুৱাহাটীত এনডিএফবিৰ চাৰিওটা গোট, ৰাজ্য চৰকাৰ, বিটিচি চৰকাৰ আৰু কেন্দ্ৰীয় চৰকাৰৰ প্ৰতিনিধিৰ মাজত অনুষ্ঠিত হব বৈঠক জনাই হাগ্ৰামাই।

মুলসূঁতিলৈ ঘূৰি অহা বিদ্ৰোহী সদস্যৰ পুণৰসংস্থাপন আৰু বিবাদিত গোচৰ প্ৰত্যাহাৰকৰণ সন্দৰ্ভত বৈঠকত আলোচনা কৰা হ’ব।

আনহাতে বিটিচিৰ নিৰ্বাচনৰ বাবে আগতীয়াকৈ টঙালি বন্ধা হাগ্ৰামা মহিলাৰী নেতৃত্বাধীন বিপিএফে অহা ৫-৬ মাৰ্চত তৃতীয়খন প্ৰাৰ্থীত্বৰ তালিকা ঘোষণা কৰা হ’ব বুলি জানিবলৈ দিয়ে।