অসমৰ ফেশ্বন উদ্যোগী ৰূপালী বৰুৱাৰ সৈতে বিবাহপাশত আৱদ্ধ হ’ল অভিনেতা আশীষ বিদ্যাৰ্থী

ৰাষ্ট্ৰীয় বঁটা বিজয়ী অভিনেতা আশীষ বিদ্যাৰ্থীয়ে বৃহস্পতিবাৰে কলকাতা ক্লাবত ফেশ্বন উদ্যোগী ৰূপালী বৰুৱাৰ সৈতে বিবাহপাশত আবদ্ধ হয়।

ইয়াৰ পূৰ্বে এগৰাকী ভাৰতীয় অভিনেত্ৰী, গায়িকা তথা নাট্যশিল্পী ৰাজোশী বৰুৱাৰ সৈতে বিবাহপাশত আবদ্ধ হৈছিল অভিনেতাগৰাকী। তেওঁ অভিনেত্ৰী শকুন্তলা বৰুৱাৰ কন্যা।

আশীষ বিদ্যাৰ্থীয়ে ১১টা ভাষাত ২০০ৰো অধিক ছবিত কাম কৰিছে।

লগতে পঢ়ক: নতুন সংসদ ভৱনত ঐতিহাসিক ‘ছেংগ’ল’ বা ৰাজদণ্ড প্ৰতিষ্ঠা কৰিব প্ৰধানমন্ত্ৰীয়ে; কি এই Sengol?

গুৱাহাটীৰ ৰূপালী বৰুৱা ফেশ্বন উদ্যোগী আৰু কলকাতাৰ এখন অত্যাধুনিক ফেশ্বন ষ্ট’ৰৰ সৈতে জড়িত হৈ আছে।

আশীষ বিদ্যাৰ্থী আৰু ৰূপালী বৰুৱাৰ সৈতে তেওঁলোকৰ নিকট পৰিয়াল আৰু ঘনিষ্ঠ বন্ধু-বান্ধৱী উপস্থিত থাকি এক অনুষ্টুপীয়া পঞ্জীয়ন বিবাহ সম্পন্ন কৰে।

বিয়াৰ পিছত আনুষ্ঠানিক অভ্যৰ্থনা অনুষ্ঠান অনুষ্ঠিত হয়।

কেইবাটাও চলচ্চিত্ৰ উদ্যোগত কাম কৰাৰ বাবে পৰিচিত এই প্ৰবীণ অভিনেতাগৰাকীৰ ১৯৬২ চনৰ ১৯ জুনত দিল্লীত জন্ম হৈছিল।

লগতে পঢ়ক: ৰক ‘এন’ ৰোলৰ ৰাণী কিংবদন্তি গায়িকা টিনা টাৰ্নাৰৰ ৮৩ বছৰ বয়সত মৃত্যু

১৯৮৬ চনৰ পৰা আৰম্ভ হোৱা কেৰিয়াৰত আশীষ বিদ্যাৰ্থীয়ে কেইবাখনো হিন্দী, তেলেগু, তামিল, কানাড়া, মালয়ালম, ইংৰাজী, ওডিয়া, মাৰাঠী আৰু বাংলা ছবিত কাম কৰিছে।

আজিলৈকে তেওঁ ১১টা ভাষাৰ ৩০০ৰো অধিক ছবিত কাম কৰিছে। আশীষ বিদ্যাৰ্থীয়ে চৰ্দাৰ বল্লভাই পেটেলৰ জীৱনৰ আধাৰত নিৰ্মিত তেওঁৰ প্ৰথমখন চিনেমা চৰ্দাৰত ভিপি মেননৰ চৰিত্ৰত অভিনয় কৰিছিল।

কিন্তু তেওঁৰ প্ৰথম মুক্তিপ্ৰাপ্ত ছবি আছিল দ্ৰোহকাল, যাৰ বাবে তেওঁ ১৯৯৫ চনত শ্ৰেষ্ঠ সহযোগী অভিনেতাৰ ৰাষ্ট্ৰীয় চলচ্চিত্ৰ বঁটা লাভ কৰিছিল।

লগতে পঢ়ক: শিৱসাগৰত জুৱাৰ বেহা: জুৱাকেন্দ্ৰিক কাজিয়াত আঘাতপ্ৰাপ্ত বিজেপি নেতা

‘1942: A Love Story’ ত কৰা আশুতোষৰ চৰিত্ৰৰ বাবেও তেওঁ পৰিচিত।

আশীষ বিদ্যাৰ্থীয়ে ১৯৯৬ চনৰ ‘ইছ ৰাত কি সুবহ নেহি’ ছবিৰ বাবে নেগেটিভ ভূমিকাত শ্ৰেষ্ঠ অভিনেতাৰ ষ্টাৰ স্ক্ৰীণ বঁটাও লাভ কৰে।