বিজেপিৰ পষেকজোৰা ত্ৰিৰংগা পতাকা উত্তোলনৰ বিৰোধিতা অখিল গগৈৰ; পুনৰ কা-আন্দোলনৰ বাবে সাজু ৰাইজৰ দল

বিজেপি চৰকাৰে দেশৰ সকলো নাগৰিকক এপষেক ধৰি ত্ৰিৰংগা পতাকা উত্তোলন কৰিবলৈ দিয়া কাৰ্যৰ বিৰোধিতা কৰিছে শিৱসাগৰ সমষ্টিৰ বিধায়ক অখিল গগৈয়ে।

তেওঁ কয় যে  আৰ এছ এছৰ ঔৰসত জন্ম লাভ বিজেপিয়ে পষেকজুৰি ত্ৰিৰংগা পতাকা উত্তোলন কৰিবলৈ কোৱা কাৰ্যক তেওঁ সমৰ্থন নকৰে। 

তেওঁ লগতে কয়, ‘’আৰএছএছ-য়ে কেতিয়াও ত্ৰিৰংগা পতাকা উত্তোলন নকৰে। আৰএছএছ-য়ে  ভাৰতৰ স্বাধীনতা আন্দোলনক বিৰোধিতা কৰিছিল। তেওঁলোক সদায় সাম্ৰাজ্যবাদী বৃটিছ সকলৰ লগত আছিল।‘’

জাতীয় পতাকাক আমি সদায় হৃদয়ত স্থান দি আহিছো বুলি কয় অখিল গগৈয়ে।

ইপিনে, ভাৰতৰ স্বাধীনতাৰ ৭৫ বছৰীয়া বৰ্ষত স্বাধীনতা দিৱসক অসমৰ সশস্ত্ৰ সংগ্ৰামী, বিছিন্নতাবাদী আলফা(স্বাধীন)ই বৰ্জন কৰিবলৈ যি আহ্বান জনাইছে সেই আহ্বানক মানি ল’ব নোৱাৰে বুলি কয় অখিল গগৈয়ে।

লগতে পঢ়ক: Anti-Corruption Drive: ৩৫ হেজাৰ উৎকোচ লৈ হাতে-লোটে ধৰা পৰিল মাটিয়া থানাৰ সহকাৰী উপ পৰিদৰ্শক চবিন পাল দাস

আনহাতে, অখিল গগৈ তথা ৰাইজৰ দলৰ নেতৃত্বত ৰাজ্যত পুনৰ কা বিৰোধী আন্দোলনৰ প্ৰস্তুতি চলিছে।

শিৱসাগৰৰ যুৱ দ’লত পাঁচ শতাধিক নতুন সদস্যৰ উপস্থিতিত কা আমি নামানো শ্ল’গান দিয়া হয়।

তেওঁলোকে অসমত কা বলৱৎ কৰিবলৈ দিয়া নহব, কা আমি নামানো, অসমীয়া ভাষাক ধ্বংস কৰিবলৈ দিয়া নহ’ব শ্ল’গানেৰে কঁপাই তোলে শিৱসাগৰৰ যুৱদ’ল।

লগতে পঢ়ক: টিপং কয়লাখনিৰ পৰা ১ কোটিৰো অধিক মূল্যৰ লোহা চুৰি; সাংবাদিকৰ বিৰুদ্ধে বিৰূপ মন্তব্য মহকুমা আৰক্ষীৰ

শিৱসাগৰৰ যুৱদ’লৰ পৰা অখিল গগৈয়ে বিজেপি চৰকাৰলৈ হুংকাৰ দি কয় যে কা বলৱৎ কৰিবলৈ বিচাৰিলে ৰাজ্য আৰু কেন্দ্ৰৰ বিজেপি চৰকাৰক শান্তিত থাকিবলৈ দিয়া নহ’ব।