PUBG গ’ল, আহিল FAU-G; সেনাৰ বীৰত্ব প্ৰদৰ্শনৰ কাহিনীৰে অক্ষয় কুমাৰৰ একশ্যন গেম
চীনৰ বিৰুদ্ধে ডিজিটেল ষ্ট্ৰাইক ঘোষণা কৰি ভাৰতে প্ৰথমতে ১৫০ টা চীনৰ এপ নিষিদ্ধ কৰিছিল।
ছেপ্টেম্বৰ মাহৰ প্ৰথমতে PUBGকে ধৰি ১১৮টা এপ নিষিদ্ধ কৰা হৈছে।
ভাৰতত জনপ্ৰিয় PUBG গেম বন্ধ কৰাৰ পাছত বহুতৰে মনত দুখ উপজিছিল। কিন্তু PUBG প্ৰেমীৰ সেই মনৰ দুখ আঁতৰ কৰি বলীউদৰ খিলাড়ী অক্ষয় কুমাৰে আনিলে আন এক বিকল্প।
PUBGৰ বিপৰীতে অক্ষয়ে আনিলে নতুন একশ্যন গেম যাৰ নাম হৈছে FAU-G।
লাডাখ সীমান্তত চীনৰ সেনাৰ আচম্বিত আক্ৰমণত ২০জনকৈ ভাৰতীয় সেনা শ্বহীদ হোৱাৰ পাছতে ভাৰতে চীনৰ সামগ্ৰীত নিষিদ্ধকৰণৰ পদক্ষেপ গ্ৰহণ কৰে।
দেশৰ জনসাধাৰণৰ ক্ষোভৰ উমান পাই চৰকাৰে চীনক অৰ্থনৈতিকভাৱে এশিকনি দিয়াৰ চিন্তা কৰে।
Supporting PM @narendramodi’s AtmaNirbhar movement, proud to present an action game,Fearless And United-Guards FAU-G. Besides entertainment, players will also learn about the sacrifices of our soldiers. 20% of the net revenue generated will be donated to @BharatKeVeer Trust #FAUG pic.twitter.com/Q1HLFB5hPt
— Akshay Kumar (@akshaykumar) September 4, 2020
ৰে’ল আৰু বিএছএনএলত চীনৰ বিভিন্ন কোম্পানীৰ কেইবাটাও চুক্তি বাতিল কৰাৰ পাছত দুটা পৰ্যায়ত প্ৰায় ১৫০টা চীনা এপ নিষিদ্ধ কৰে ভাৰত চৰকাৰে।
ইয়াৰ পাছতো চীনৰ সেনা যোৱা আগষ্ট মাহত লাডাখত ভাৰতৰ ভূমি দখল কৰাৰ চেষ্টা কৰে। ভাৰতে সামৰিক সংৰ্ঘষৰ পথ নলৈ ডিজিটেল ষ্ট্ৰাইকৰ পথ লয়।
এইবাৰৰ ডিজিটেল ষ্ট্ৰাইকত ভাৰতে PUBGকে ধৰি ১১৮টা এপ নিষিদ্ধ কৰে।
চৰকাৰৰ আত্মনিৰ্ভৰ অভিযানৰ প্ৰতি পূৰ্ণ সমৰ্থনেৰে টুইটাৰত বলীউদৰ খিলাড়ী অক্ষয় কুমাৰে টুইটাৰযোগে FAU-G গেম অনাৰ কথা ঘোষণা কৰে।
টুইটাৰত বলীউদৰ অভিনেতাগৰাকীক বিভিন্নজনে প্ৰশংসাৰে উপচাই দিছে।