তিমি মাছক চোৰাংচোৱাৰ প্ৰশিক্ষণ ৰাছিয়াৰ : চাৰি বছৰ সাঁতুৰি গৈ পালেগৈ ছুইডেন

ছুইডেনৰ উপকূলত দেখা পোৱা গৈছে ৰাছিয়াৰ দ্বাৰা প্ৰশিক্ষণপ্ৰাপ্ত এটা প্ৰকাণ্ড তিমি । এই তিমিটোৰ সন্ধানৰ বাবে থকা  এটা সংস্থাই প্ৰকাশ কৰিছে যে এই তিমিটো ৰাছিয়াৰ প্ৰাক্তন চোৰাংচোৱা।

স্থানীয়ভাৱে হাভালডিমিৰ নামেৰে নামাকৰণ কৰা এই তিমিটোক ২০১৯ চনত প্ৰথমবাৰৰ বাবে নৰৱেৰ উপকূলত ৰাছিয়ান হাৰ্নেছ পৰিধান কৰি থকাে অৱস্থাত দেখা গৈছিল।

বছৰ বছৰ ধৰি সুদূৰ নৰৱেৰ উত্তৰৰ পৰা লাহে লাহে দক্ষিণ দিশলৈ যাত্ৰা কৰি অহা এই তিমিটোৱে যোৱা কেইমাহমানত নৰৱেৰ জলসীমাৰ পৰা ওলাই  গৈছে।

উল্লেখ্য যে চাৰি বছৰ পূৰ্বে ইংগোয়া দ্বীপৰ ওচৰত প্ৰথমবাৰৰ বাবে নৰৱেৰ নাওৰ কাষ চাপিছিল তিমিটোৱে। ৰাছিয়াৰ মুৰ্মানস্কৰ পৰা এই দ্বীপটো ৪১৫ কিলোমিটাৰ দূৰত অৱস্থিত।

গ’প্ৰ’ কেমেৰা আৰু অন্যান্য সঁজুলিৰ লগত এই তিমিটো প্ৰত্যক্ষ কৰাৰ পিছত নৰৱেৰ ঘৰুৱা চোৰাংচোৱা সংস্থাই তদন্ত আৰম্ভ কৰে আৰু কয় যে তিমিটোক ৰাছিয়াৰ সেনাই প্ৰশিক্ষণ দিয়াৰ সম্ভাৱনা আছে।

তাৰ পিছত এই তিমিটোক স্থানীয়ভাৱে Hvaldimir  নামেৰে নামকৰণ কৰা হয়। 

উল্লেখ্য যে ৰাছিয়াই কেতিয়াও আনুষ্ঠানিকভাৱে এই তিমিটোক চোৰাংচোৱাৰ প্ৰশিক্ষণ দিয়াৰ কথা উল্লেখ কৰা নাই। 

 কিন্তু লক্ষ্যনীয়ভাবে ২০১৯ চনত ৰাছিয়াৰ এজন ৰিজাৰ্ভ কৰ্ণেল ভিক্টৰ বাৰানেটছে ভাষণত কৈছিল যে, “যদি আমি এই  প্ৰাণীবিধক চোৰাংচোৱাগিৰিৰ বাবে ব্যৱহাৰ কৰিলোহেঁতেন!

উল্লেখ্য যে এই তিমিবিধ  গ্ৰীণলেণ্ড, ৰাছিয়া, আলাস্কা আৰু উত্তৰ নৰৱেৰ আশে-পাশে থকা বৰফৰ পানীত বাস কৰে আৰু ইয়াৰে কিছুমানে গ্ৰীষ্মকালত প্ৰব্ৰজন কৰে।