ধুমকেতুৰ আঘাত! বৃহস্পতিৰ বুকুৰ পৰা পোহৰ ওলোৱাৰ লগে লগে আৰম্ভ জল্পনা-কল্পনা

ধুমকেতুৱে আঘাত কৰিলে বৃহস্পতিক? নে কোনো গ্ৰহাণুৰ আঘাতে তাত  সৃষ্টি কৰিলে আগ্নেয়গিৰিৰ? সৌৰজগতৰ আটাইতকৈ ডাঙৰ গ্ৰহটোত পোহৰৰ ৰহস্যময় ৰেখা দেখা যোৱাৰ পিছতে আৰম্ভ হৈছে জল্পনা-কল্পনাৰ। এই সন্দৰ্ভত এটা ভিডিঅ’ও পোহৰলৈ আহিছে।

শেহতীয়াকৈ জাপানী জ্যোতিৰ্বিজ্ঞানী তাদাও ওহছুগীয়ে বৃহস্পতি গ্ৰহত পোহৰৰ ৰহস্যময় ৰেখা আৱিষ্কাৰ কৰে। তেওঁ কোনো পেছাদাৰী মহাকাশ গৱেষণা সংস্থাৰ সৈতে জড়িত নহয়। ওহছুগীয়ে বৃহস্পতিৰ সেই পোহৰক আটাইতকৈ উজ্জ্বল বুলি উল্লেখ কৰিছে। ইয়াৰ উপৰিও গ্ৰহটোৰ বায়ুমণ্ডলো প্ৰভাৱিত হোৱা বুলি জানিব পৰা গৈছে।

লগতে পঢ়ক: গতি বিনে গতি নাই! চিৰাজৰ গতিত চকু দিল্লী আৰক্ষীৰ; জৰিমনা বিহিব নেকি ভাৰতীয় পেচাৰক?

আমেৰিকাৰ সংবাদ মাধ্যম দ্য নিউয়ৰ্ক টাইমছৰ প্ৰতিবেদন অনুসৰি চলিত বৰ্ষৰ ১৫ ছেপ্টেম্বৰত জাপানী জ্যোতিৰ্বিজ্ঞানীয়ে অতি শক্তিশালী টেলিস্কোপৰ সহায়ত বৃহস্পতিৰ বায়ুমণ্ডলত থকা উজ্জ্বল পোহৰৰ ৰেখা লেন্সত বন্দী কৰে। বিশ্বৰ বিভিন্ন দেশৰ মহাকাশ গৱেষকসকলে ছবিখন প্ৰকাশ পোৱাৰ লগে লগে সুক্ষ্ম বিশ্লেষণ কৰিবলৈ আৰম্ভ কৰিলে।

সূত্ৰ অনুসৰি, বৃহস্পতিৰ ছবিখন ইতিমধ্যে কিয়’ট’ বিশ্ববিদ্যালয়ৰ অধ্যাপক কো আৰিমাটছুলৈ প্ৰেৰণ কৰা হৈছে। ছবিখন পৰীক্ষা কৰি জ্যোতিৰ্বিজ্ঞানীজনে এই সন্দৰ্ভত অধিক তথ্য বিচাৰি পঠিয়াইছে।

নাছাৰ অনুমান অনুসৰি বৃহস্পতি গ্ৰহত এটা ধুমকেতুৱে খুন্দা মাৰিলে। ইয়াৰ কাৰণ গ্ৰহটোৰ অতি প্ৰবল মাধ্যাকৰ্ষণ শক্তি। তেনে ক্ষেত্ৰত বৃহস্পতিৰ বায়ুমণ্ডলত ডাঙৰ পৰিৱৰ্তন হ’ব পাৰে। তাত নতুন গেছ উৎপাদনৰ সম্ভাৱনাও আছে বুলি অনুমান কৰা হৈছে। অৱশ্যে কোনটো ধুমকেতুয়ে খুন্দা মাৰিলে সেয়া স্পষ্ট হোৱা নাই।

লগতে পঢ়ক: বিৰোধীৰ অভিযোগত উত্তপ্ত সৰ্বদলীয় বৈঠক; মহিলা সংৰক্ষণ বিধেয়ক গৃহীত কৰাৰ দাবী

এই সন্দৰ্ভত তথ্য সংগ্ৰহৰ বাবে নাছাই কৃত্ৰিম উপগ্ৰহ ব্যৱহাৰ কৰাৰ ইংগিত দিছে। আমেৰিকাৰ জ্যোতিৰ্বিজ্ঞানীসকলে ২০১৬ চনত বৃহস্পতিৰ কক্ষপথলৈ এখন মহাকাশযান প্ৰেৰণ কৰিছিল। যাৰ নাম আছিল জুনো। শেহতীয়াকৈ ছচিয়েল মিডিয়াত বাহনখনৰ ছবি প্ৰকাশ পাইছে। যিটো অতি কম সময়ৰ ভিতৰতে ভাইৰেল হৈ পৰিছিল।

A fireball observed on Jupiter, captured by amateur astronomer Tadao Ohsugi last month.🪐💫
A Fireball Whacked Into Jupiter, and Astronomers Got It on Video. In August, stargazers in Japan recorded a bright flash on the giant gas planet. كرة نارية شوهدت على كوكب المشتري، التقطها. pic.twitter.com/FpqnW7KikB

— Shantanu Kumar Singh (@theshantanumum) September 16, 2023

উল্লেখযোগ্য যে জুনো মহাকাশযানখনে বৃহস্পতিৰ উত্তৰ মেৰু অঞ্চলত শক্তিশালী ধুমুহা আৰু ধূলিৰ ডাৱৰৰ ছবি বন্দী কৰিছিল। ছবিখনৰ কেপচনত নাছাই লিখিছে, “প্ৰায় ২৩,৫০০ কিলোমিটাৰ দূৰৰ পৰা বৃহস্পতিৰ ধুমুহাৰ ফটো তোলা হৈছে। ধুমুহাৰ সময়ত গঠন হোৱা ধূলিৰ ডাৱৰৰ গঠন বেলেগ বেলেগ।” আমেৰিকাৰ জ্যোতিৰ্বিজ্ঞানীসকলে কয় যে বৃহস্পতিৰ ডাৱৰৰ বিশ্লেষণ চলি আছে।

লগতে পঢ়ক: নতুন ষ্টপেজৰ সৈতে দুখন এক্সপ্ৰেছ ৰে’লৰ শুভাৰম্ভ উত্তৰ পূব সীমান্ত ৰে’লৱেৰ

১২ ছেপ্টেম্বৰত পৃথিৱীৰ কাষেৰে পাৰ হৈ গৈছে সেউজীয়া ধুমকেতু নিশিমুৰা। এই ধুমকেতুৰ আৱিষ্কাৰকজনো আছিল এজন জাপানী জ্যোতিৰ্বিজ্ঞানী। ৪৩৭ বছৰৰ পাছত পুনৰ দেখা পোৱা যাব এই ধুমকেতুটো। ঠিক তাৰ পিছতেই বৃহস্পতি গ্ৰহৰ ওপৰত পোৱা গ’ল ৰহস্যময় পোহৰৰ সন্ধান।