অসমত আৰু দুগৰাকী ব্যক্তিৰ কোভিড-১৯ত মৃত্যু; ৰাজ্যত কৰ’নাত মৃত্যুৰ সংখ্যা ১৪জনলৈ বৃদ্ধি
অসমত আজি আৰু দুগৰাকী কোভিড-১৯ত আক্ৰান্ত লোকৰ মৃত্যু হৈছে।
আজি মৃত্য হোৱা লোক দুগৰাকীৰ এগৰাকী প্ৰভুদয়াল ভিদৱাটকা (৭৮) আৰু আন গৰাকী সুভাষ কলিতা (৫৬) বুলি জানিব পৰা গৈছে।
স্বাস্থ্য মন্ত্ৰী হিমন্ত বিশ্ব শৰ্মাই এই কথা টুইটাৰ যোগে জানিবলৈ দিয়ে।
মৃত ব্যক্তি দুগৰাকীৰ মৃত্যুৰ বাবে শোক প্ৰকাশ কৰি স্বাস্থ্য মন্ত্ৰীগৰাকীয়ে কোভিড-১৯ৰ ফলত ব্যক্তি দুগৰাকীৰ মৃত্যু হোৱা বুলি নিশ্চিত কৰিছে।
With heavy heart, I share this with you all ~ We've lost two precious lives to the pandemic.
Late Prabhudayal Vidawatka (78) & Late Subhash Kalita (56), with comorbidities succumbed to #COVID19.
My prayers and condolences are with Vidawatka and Kalita families.
— Himanta Biswa Sarma (@himantabiswa) July 2, 2020
ৰাজ্যখনত এই দুগৰাকীৰে সৈতে কোভিড-১৯ত মৃত্যু হোৱা ব্যক্তিৰ সংখ্যা ১৪গৰাকীলৈ বৃদ্ধি পালে।
আজি মৃত্যু হোৱা ব্যক্তি দুগৰাকীৰ সৱিশেষ পৰিচয় অৱশ্যে এতিয়ালৈকে জানিব পৰা হোৱা নাই।
ৰাজ্যত বৰ্তমান ৮৯৫৫ গৰাকীলৈ বৃদ্ধি পাইছে ক’ৰ’না আক্ৰান্তৰ সংখ্যা।
আনহাতে, অসমত ৫৮৩১ জন ব্যক্তি এই পৰ্য্যন্ত আৰোগ্য হৈ উঠিছে। বৰ্তমান সক্ৰিয় ৰোগীৰ সংখ্যা হৈছে ৩১০৯ জন।