হৃদৰোগত আক্ৰান্ত হৈ মৃত্যু দিল্লী বিশ্ববিদ্যালয়ত অধ্যয়নৰত অসমৰ গৱেষক ছাত্ৰীৰ
দিল্লী বিশ্ববিদ্যালয়ত অধ্যয়ন কৰি থকা গুৱাহাটীৰ নাৰেংগী ফৰেষ্টগেটৰ শান্তি নগৰৰ ৩২ বছৰীয়া পিএইচডিৰ এগৰাকী ছাত্ৰীক ৰহস্যজনক পৰিস্থিতিত নতুন দিল্লীত মৃত অৱস্থাত উদ্ধাৰ কৰা হয়।
মৃত যুৱতীগৰাকীৰ নাম ঋতুপৰ্ণা বৰ্মন।
প্ৰাথমিক প্ৰতিবেদন অনুসৰি পেণ্টামেড হাস্পতাললৈ লৈ যোৱাৰ সময়তে তেওঁৰ হৃদযন্ত্ৰৰ ক্ৰিয়া বন্ধ হৈ পৰে। অৱশ্যে তেওঁৰ পৰিয়ালে এই মৃত্যুক ৰহস্যজনক আখ্যা দি সন্দেহ প্ৰকাশ কৰিছে।
বৰ্মনৰ মৃত্যুৰ সঠিক কাৰণ নিৰ্ণয়ৰ বাবে অধিক তদন্ত চলি আছে।
উল্লেখ্য যে, নতুন দিল্লীৰ পঞ্জাৱ নেশ্যনেল বেংকৰ সমীপৰ বিজয় নগৰ একক মহলাৰ ৩ নং কোঠাৰ তলৰ মহলাৰ ২ নং দোকান ছিমৰন পি জিত বাস কৰিছিল ঋতুপৰ্ণাই।