DRDOৰ কোভিড চিকিৎসাৰ দৰৱ 2-DG প্ৰস্তুত কৰি উলিওৱাত সহযোগী অসমৰ বিজ্ঞানী জুবিলী
দিল্লীৰ ডিফেন্স ৰিচাৰ্ছ এণ্ড ডেভেলপমেন্ট অ’ৰ্গেনাইজেশ্যন (ডিআৰডিঅ’)ৰ টীমটোৱে এন্টি কোভিড ড্ৰাগ 2-DG প্ৰস্তুত কৰি উলিওৱাত সহায় কৰিছিল অসমৰ এগৰাকী বিজ্ঞানীয়ে।
অসমৰ এইগৰাকী বিজ্ঞানী হৈছে কৰিমগঞ্জ জিলাৰ মহীশাসনৰ বাসিন্দা ডঃ জুবিলী পুৰকায়স্থ।
বাতৰি অনুসৰি, ডঃ জুবিলী পুৰকায়স্থ বৰ্তমান দিল্লীৰ ডিফেন্স ৰিচাৰ্ছ এণ্ড ডেভেলপমেন্ট অ’ৰ্গেনাইজেশ্যন (ডিআৰডিঅ’)ৰ ইনষ্টিটিউট অফ নিউক্লিয়াৰ মেডিচিন এণ্ড এলাইড ছায়েন্সেছ (আই এন এম এ এছ)ত এগৰাকী বিজ্ঞানী হিচাপে কৰ্মৰত।
জুবিলী পুৰকায়স্থই কৰিমগঞ্জ কলেজৰ পৰা শিক্ষা সমাপ্ত কৰাৰ পাছত যোৰহাটৰ নৰ্থইষ্ট ইনষ্টিটিউট অফ ছায়েন্স এণ্ড টেকন’লজিৰ পৰা পিএইচডি কৰে।
২০০৮ চনত তেওঁ তেজপুৰত ডিআৰডিঅ’ৰ ডিফেন্স ৰিচাৰ্ছ লেবেৰটৰীত এগৰাকী বিজ্ঞানী হিচাপে যোগদান কৰাৰ পাছত ২০১৪ত তেওঁক দিল্লীত নিযুক্তি দিয়া হয়।
লেফটেনেন্ট সুদৰ্শন পুৰকায়স্থ আৰু বিনয় কুমাৰী পুৰকায়স্থৰ কন্যা ডঃ জুবিলী পুৰকায়স্থই কয় যে তেওঁ ‘ৰাষ্ট্ৰৰ প্ৰতি সেৱা আগবঢ়োৱাৰ বাবে কাম কৰা এটা প্ৰতিষ্ঠানৰ অংশ হ’বলৈ পাই নিজকে সৌভাগ্যৱান বুলি ভাৱে’।
সংবাদ মাধ্যমৰ আগত ডঃ জুবিলীয়ে কয়,’’মই মোৰ মাক খুব ভাল পাঁও আৰু তেওঁৱেই মোৰ অনুপ্ৰেৰণা। মই ভাৱো মই মোৰ দেশৰ বাবে বহু কৰিবলগীয়া আছে।‘’
এনেকুৱা এক সংকটৰ পৰিস্থিতিত বিজ্ঞানীসকলে জনসাধাৰণক কোভিডৰ যথোপযুক্ত বিধিসমূহ কঠোৰভাৱে পালন কৰিবলৈ আহ্বান জনাইছে।
‘’আমি সোনকালেই স্বাভাৱিক অৱস্থালৈ ঘুৰি আহিম বুলি আশা কৰিছো,’’-বিজ্ঞানীগৰাকীয়ে এইদৰে আশা ব্যক্ত কৰে।
You may also like
কাৰ্বি আংলঙত পাম্পড ষ্ট’ৰেজ পাৱাৰ প্ৰকল্পক লৈ উত্তপ্ত ৰাজনীতি: এপিডিচিএলৰ আৰঁত ব্যক্তিগত কোম্পানীক ভূমি হস্তান্তৰৰ অভিযোগ বিৰোধীৰ
কাৰ্বি আংলং জিলাত প্ৰস্তাৱিত পাম্পড ষ্ট’ৰেজ পাৱাৰ প্ৰকল্পক লৈ ৰাজ্যত এক তীব্ৰ ৰাজনৈতিক সংঘাতৰ সূচনা হৈছে। বিৰোধী দল আৰু পাহাৰীয়া জিলাখনৰ নেতৃবৃন্দই…
চৰকাৰে যদি সত্ৰৰ বেদখল উচ্ছেদ কৰিব নোৱাৰে তেন্তে অস্ত্ৰ-শস্ত্ৰৰে সুসজ্জিত কৰি আমাক দিয়ক দায়িত্ব : আহোম সেনা
যদি গৃহ বিভাগে অনুপ্ৰৱেশ ৰোধ কৰিব নোৱাৰে, অবৈধ বাংলাদেশীক উচ্ছেদ কৰিব নোৱাৰে তেন্তে আহোম সেনাক অস্ত্ৰ শস্ত্ৰৰে সুসজ্জিত কৰি দায়িত্ব অৰ্পন কৰক।…
হাড়ৰ কৰ্কটৰোগ : ডাঃ বিক্ৰম কুমাৰ ডেকা
আমাৰ দেহৰ আন যিকোনো অংশৰ দৰে আমাৰ দেহৰ হাড়বোৰো কৰ্কটৰোগত আক্ৰান্ত হয়। অৰ্থাৎ হাড়ৰ কোষৰ অস্বাভাৱিক বৃদ্ধি ঘটি কৰ্কটৰোগজনিত টিউমাৰৰ সৃষ্টি হ‘ব…
বিটিআৰৰ মুৰব্বী প্ৰমোদ বড়োৰ কনভয়ৰ বাহন দুৰ্ঘটনাগ্ৰস্ত, এজন নিহত
বিটিআৰৰ মুৰব্বী প্ৰমোদ বড়োৰ কনভয় নিশা দুৰ্ঘটনাত পতিত হোৱাৰ ফলত এজন আৰক্ষী জোৱানৰ মৃত্যু হয় আৰু আন তিনিজন আহত হয়। সূত্ৰ অনুসৰি,…