পশ্চিমবংগত স্বাস্থ্য বিভাগৰ সহ সঞ্চালকৰ ক’ৰ’নাত আক্ৰান্ত হৈ মৃত্যু হোৱাৰ সন্দেহ
প্ৰতিনিধিত্বমূলক চিত্ৰ
দেওবাৰে পশ্চিমবংগৰ স্বাস্থ্য সেৱা বিভাগৰ সহকাৰী সঞ্চালক বিপ্লৱ কান্তি দাসগুপ্তৰ মৃত্যু হয়।
পশ্চিমবংগ ডক্তৰ্ছ ফ’ৰাম(WBDF) দাবী কৰিছে ক’ৰ’না ভাইৰাছত আক্ৰান্ত হৈয়ে ডাঃ দাসগুপ্তৰ মৃত্যু ঘটিছে।
‘ৰাজ্যখনৰ প্রথমগৰাকী চিকিৎসা কৰ্মী, যিগৰাকী কোভিড১৯ পজিটিভ হৈ মৃত্যু হৈছে।’ ফ’ৰামে কয়।
অৱশ্যে কোভিড১৯ত আক্ৰান্ত হৈ ডাঃ দাসগুপ্তৰ মৃত্যু ঘটা বুলি পশ্চিমবংগৰ স্বাস্থ্য বিভাগে বৰ্তমানলৈকে আনুষ্ঠানিক ঘোষণা কৰা নাই।
ইফালে ফ’ৰামে দাবী কৰিছে যে ডাঃ দাসগুপ্তৰ পত্নীয়ো কোভিড১৯ৰ দ্বাৰা আক্ৰান্ত হৈছে।
ডাঃ দাসগুপ্তৰ মৃত্যুত শোক প্ৰকাশ কৰিছে পশ্চিমবংগৰ মুখ্যমন্ত্ৰী মমতা বেনাৰ্জীয়ে। তেওঁৰ অৱদানৰ কথা সুৱৰি ক’ৰ’না ভাইৰাছ প্ৰতিৰোধী যুঁজাৰু গৰাকী সদায় হৃদয়ত স্থান লাভ কৰি থাকিব বুলি কয় মুখ্যমন্ত্ৰী গৰাকীয়ে।
‘তেওঁৰ বিয়োগে আমাক গভীৰ দুখ দিছে।’ মুখ্যমন্ত্ৰী মমতা বেনাৰ্জীয়ে কয়।