মাজুলীৰ নতুন উপায়ুক্ত হিচাপে কাৰ্যভাৰ গ্ৰহণ বিক্ৰম কৈৰীৰ
মাজুলীৰ নৱ নিযুক্ত উপায়ুক্ত বিক্ৰম কৈৰীয়ে বৃহস্পতিবাৰে আনুষ্ঠানিকভাৱে কাৰ্যভাৰ গ্ৰহণ কৰে।
বিদায়ী উপায়ুক্ত দেৱপ্ৰসাদ মিশ্ৰৰ পৰা নদীদ্বীপ জিলাখনৰ তৃতীয় গৰাকী উপায়ুক্ত হিচাপে দায়িত্ব গ্ৰহণ কৰে ভাৰতীয় প্ৰশাসনিক সেৱা (আইএএছ)ৰ ২০১৪ বৰ্ষৰ বিষয়া কৈৰীয়ে।
নতুন উপায়ুক্ত গৰাকীয়ে কাৰ্যভাৰ গ্ৰহণৰ সময়ত মাজুলীৰ অতিৰিক্ত উপায়ুক্ত চিন্ময় নাথ, উৎপল দলে, মাজুলীৰ আৰক্ষী অধীক্ষক হীতেশ চন্দ্ৰ ৰায়, ৰাজহ চক্ৰ বিষয়া অজিত কুমাৰ শৰ্মাৰ লগতে কাৰ্যবাহী দণ্ডাধীশসকল উপস্থিত থাকে।
কাৰ্যভাৰ গ্ৰহণৰ পাছতে নতুন উপায়ুক্ত গৰাকীয়ে অতিৰিক্ত উপায়ুক্তদ্বয়, আৰক্ষী অধীক্ষক আৰু কাৰ্যবাহী দণ্ডাধীশ কেইগৰাকীৰ সৈতে আলোচনাত মিলিত হৈ জিলাখনৰ উন্নয়নমূলক কামকাজ আৰু শেহতীয়া পৰিস্থিতিৰ আভাস লয়।
প্ৰশাসনিক বিষয়াসকলৰ পৰা তেওঁ জিলাখনৰ গুৰুত্বপূৰ্ণ বিষয়ৰাজিৰো বুজ লয়।
উল্লেখ্য যে, মাজুলীৰ উপায়ুক্ত হিচাপে দায়িত্ব গ্ৰহণৰ পূৰ্বে বিক্ৰম কৈৰীয়ে তিনিচুকীয়া জিলাত অতিৰিক্ত উপায়ুক্ত হিচাপে কাৰ্যনিৰ্বাহ কৰিছিল।
ইপিনে, মাজুলীৰ নতুন উপায়ুক্তৰ হাতত কাৰ্যভাৰ অৰ্পণ কৰা বিদায়ী উপায়ুক্ত দেৱপ্ৰসাদ মিশ্ৰক ৰাজ্য চৰকাৰে ইতিমধ্যে খাদ্য, অসামৰিক যোগান আৰু গ্ৰাহক পৰিক্ৰমা বিভাগৰ সঞ্চালক হিচাপে নিযুক্তি দিছে।
You may also like
উৎকোচৰ গোচৰত চিবিআইয়ে গ্ৰেপ্তাৰ কৰিলে ৰে’লৱেৰ মুখ্য যান্ত্ৰিক অভিযন্তাক, ৪০ লাখ টকাৰ গহণাৰ লগতে নগদ ৬৩ লাখ টকা উদ্ধাৰ
কথাতে আছে এশ গৰু মাৰিলে বাঘৰো মৰণ। ঠিক তেনে দশাই হ’ল এজন ৰে’লৰ দুৰ্নীতিগ্ৰস্ত অভিযন্তাৰ।শেহতীয়াকৈ কেন্দ্ৰীয় ৰে’লৱেৰ মুখ্য যান্ত্ৰিক অভিযন্তা (পিচিএমই)ক উৎকোচৰ…
পুনৰ লকডাউন হ’ব নেকি অসমত? : কি ক’লে নতুন স্বাস্থ্য মন্ত্ৰী কেশৱ মহন্তই?
দিনক দিনে কৰোনাৰ সংক্ৰমণ বৃদ্ধি পোৱাৰ লগতে আক্ৰান্তৰ সংখ্যাও বৃদ্ধি পাইছে ৰাজ্যত। তেনে সময়তে ৰাজ্যৰ জনসাধাৰণৰ মাজত সঘনে উচ্চাৰিত হৈছে লকডাউনৰ প্ৰসংগ। আকৌ…
Independence Day: লালকিল্লাত ৰাষ্ট্ৰীয় পতাকা উত্তোলন প্ৰধানমন্ত্ৰী নৰেন্দ্ৰ মোদীৰ; ক’লে ভাৰতৰ ৫টা সংকল্পৰ কথা
PM Modi hoists the national flag at Red Fort স্বাধীনতাৰ ৭৫ তম বাৰ্ষিকী উপলক্ষে ভাৰতৰ জনসাধাৰণ অতি আনন্দিত হৈ পৰা দেখা গৈছে।…
অসম পৰ্যটনৰ প্ৰাক্তন ব্ৰ্যাণ্ড এম্বেছাদৰৰ বিৰুদ্ধে অভিযোগ তুলি ৰাষ্ট্ৰসংঘত লজ্জিত হ’ল পাকিস্তান
জম্মু-কাশ্মীৰৰ পৰা বিজপি শাসিত কেন্দ্ৰীয় চৰকাৰে অনুচ্ছেদ ৩৭৭ আৰু ৩৫(এ) বাতিল কৰাৰ পাছত ইয়াৰ প্ৰতিবাদ কৰিবলৈ গৈ বিশ্ব সম্প্ৰদায়ৰ ওচৰত বাৰে বাৰে…