অসমত পুনৰ বিজেপিৰ হাততে থাকিব ক্ষমতা : সৰ্বানন্দ সোণোৱাল

২০২১ চনতো বিজেপিয়ে ৰাজ্যৰ ক্ষমতা অক্ষুন্ন ৰাখিব পাৰিব বুলি দৃঢ় বিশ্বাসী হৈ আছে অসমৰ মুখ্য মন্ত্ৰী সৰ্বানন্দ সোণোৱাল।

মুখ্য মন্ত্ৰী সোণোৱালে আশা প্ৰকাশ কৰি কয় যে ৰাজ্যত পৰৱৰ্তী চৰকাৰ গঠন কৰিবলৈ অসমৰ জনসাধাৰণে বিজেপিৰ পক্ষত বৃহৎ সংখ্যাত ভোট দিব।

সোমবাৰে গুৱাহাটীত বিজেপি দলৰ নিৰ্বাচনী কাৰ্যালয় উদ্বোধন কৰি মুখ্য মন্ত্ৰী সোণোৱালে কয়, ‘মই আত্মবিশ্বাসী যে বিজেপিয়ে অসমত পৰৱৰ্তী চৰকাৰ গঠন কৰিব’।

অসম ৰাজ্যিক বিজেপিয়ে সোমবাৰে ৰাজ্যত আগন্তুক বিধানসভা নিৰ্বাচনৰ বাবে গুৱাহাটীত ইয়াৰ ৰাজ্যিক পৰ্যায়ৰ এটা নিৰ্বাচন কাৰ্যালয় উদ্বোধন কৰে।

Attended the inauguration of @BJP4Assam‘s Election Office with State President Shri @RanjeetkrDass, Assam Prabhari Shri @PandaJay ji, NEDA convenor Shri @himantabiswa, GS(Org) Shri @PhanindranathS3 in Guwahati.

The new office will boost our spirits & lead us to Mission 100+. pic.twitter.com/pK4r7bHGK7

— Sarbananda Sonowal (@sarbanandsonwal) February 1, 2021

১২৬ জনীয়া অসম বিধান সভাৰ নিৰ্বাচন এই বছৰৰ এপ্ৰিল-মে’ মাহত অনুষ্ঠিত হোৱাৰ সম্ভাৱনা আছে।

অলপতে ভাৰতৰ নিৰ্বাচন আয়োগৰ এটা দলে বিধানসভা নিৰ্বাচনৰ বাবে ৰাজ্যত চলি থকা প্ৰস্তুতিৰ বিষয়ে নিৰীক্ষণ কৰিছে।

অসম ৰাজ্যিক বিজেপিৰ সভাপতি ৰনজিৎ দাসে নিৰ্বাচনী কাৰ্যালয়টো উদ্বোধন কৰে।

এই অনুষ্ঠানত অসমৰ মুখ্য মন্ত্ৰী সৰ্বানন্দ সোণোৱাল, তেওঁৰ কেবিনেট সহকৰ্মী, সাংসদ, দলৰ বিধায়ক, বিজেপিৰ ৰাষ্ট্ৰীয় উপ-সভাপতি তথা বিজেপিৰ প্ৰভাৰী বৈজয়ন্ত জয় পাণ্ডা উপস্থিত আছিল।