ম্যানমাৰৰ কাৰাগাৰত বোমা বিস্ফোৰণ; নিহত কমেও ৮জন, আহত ১৮ জন

Bomb blasts at Myanmar’s Insein prison ম্যানমাৰৰ ইনছেইন কাৰাগাৰত সংঘটিত বিস্ফোৰণত কমেও ৮ জন লোক নিহত হৈছে। বুধবাৰে ৰাতিপুৱা ইয়াঙ্গুনৰ কাৰাগাৰৰ প্ৰৱেশদ্বাৰত দুটা পাৰ্চেল বোমা বিস্ফোৰণ হয়। এই বিস্ফোৰণত ৩ জন কাৰাগাৰৰ কৰ্মচাৰী আৰু ৫জন দৰ্শনাৰ্থী নিহত হয়।

বাতৰি অনুসৰি, ইনছেইন হৈছে ম্যানমাৰৰ আটাইতকৈ ডাঙৰ কাৰাগাৰ। ইয়াত প্ৰায় ১০ হাজাৰ কাৰবন্দী আছে যিসকলৰ ভিতৰত বেছিভাগেই ৰাজনৈতিক বন্দী।

লগতে পঢ়ক: যুদ্ধ বিপৰ্যয়! ইউক্ৰেইনৰ চাৰিটা সংযুক্ত অঞ্চলত সামৰিক আইন জাৰিৰ ঘোষণা পুটিনৰ

এতিয়ালৈকে কোনো ব্যক্তি বা গোটে বিস্ফোৰণৰ দায়িত্ব স্বীকাৰ কৰা নাই। কাৰাগাৰৰ বিষয়াসকলে কয় যে বিস্ফোৰণটোত কমেও ১৮ জন লোক আহত হৈছে। কৰ্তৃপক্ষই কয় যে কাৰাগাৰৰ পোষ্টৰুমত এই বিস্ফোৰণ হৈছিল। তাত প্লাষ্টিকত মেৰিয়াই থোৱা আন এটা বোমাও পোৱা গৈছে।

কাৰাগাৰখন দেশৰ পূৰ্বৰ ৰাজধানী ইয়াঙ্গুনৰ বাহিৰত অৱস্থিত। বিশাল কাৰাগাৰৰ চাৰিওফালে কঠোৰ নিৰাপত্তা ব্যৱস্থা আছে।

লগতে পঢ়ক: মাৰ্কিন থিংক টেংকৰ প্ৰতিবেদন! ৰাছিয়া আৰু চীনৰ বিৰুদ্ধে যুদ্ধ জিকাৰ ক্ষমতা নাই আমেৰিকাৰ

মানৱ অধিকাৰ গোটবোৰে কয় যে শতিকা পুৰণি কাৰাগাৰখনৰ বন্দীসকলৰ সৈতে কৰা অমানৱীয় আচৰণ আৰু ইয়াৰ নিৰ্মম পৰিৱেশৰ বাবে কুখ্যাতি আছে।