বাংলাদেশী অনুপ্ৰৱেশৰ ফলত সংকটত ঝাৰখণ্ডৰ জনজাতিসকল! বিজেপিত যোগ দি সৰৱ চম্পাই ছোৰেন
বুধবাৰে দল ত্যাগ কৰাৰ পাছতে তেওঁ ঝাৰখণ্ড মুক্তি মৰ্চাৰ নেতৃত্বক ‘দিক্ভ্ৰষ্ট’ বুলি অভিহিত কৰিছিল। শুকুৰবাৰে আনুষ্ঠানিকভাৱে বিজেপিত যোগদান কৰাৰ পিছত ঝাৰখণ্ডৰ প্ৰাক্তন মুখ্যমন্ত্ৰী চম্পাই ছোৰেনে কয় যে, কংগ্ৰেছ হৈছে ঝাৰখণ্ডৰ জনজাতি সত্তাৰ বাবে আটাইতকৈ ডাঙৰ ভাবুকি। সেই বিপদৰ পৰা বিজেপিয়ে ঝাৰখণ্ডক বচাব পাৰে।”
চম্পাইয়ে অভিযোগ কৰে যে মুখ্যমন্ত্ৰী হেমন্ত ছোৰেনৰ নেতৃত্বত জেএমএম-কংগ্ৰেছ মিত্ৰজোঁটৰ চৰকাৰৰ অধীনত ঝাৰখণ্ড বাংলাদেশী অনুপ্ৰৱেশকাৰীৰ আশ্ৰয়স্থল হৈ পৰিছে। জনজাতিসকল ক্ৰমান্বয়ে নিজৰ মাটিতে ভগনীয়া হৈ পৰিছে।
শুকুৰবাৰে কেন্দ্ৰীয় মন্ত্ৰী শিৱৰাজ সিং চৌহান আৰু অসমৰ মুখ্যমন্ত্ৰী হিমন্ত বিশ্বশৰ্মা ৰাঁচীৰ কাৰ্যালয়ত উপস্থিত হৈ চম্পাইক বিজেপিলৈ আদৰণি জনায়। সেই ৰাজ্যৰ বিজেপিৰ সভাপতি তথা প্ৰাক্তন মুখ্যমন্ত্ৰী বাবুলাল মাৰাণ্ডীও তাত আছিল।
বিজেপিত যোগদান কৰি চম্পাইয়ে কয়, ‘মই কেতিয়াও সপোনতো ভবা নাছিলো যে মই জেএমএম এৰিম। সেই দলটো মোৰ বাবে এটা পৰিয়ালৰ দৰেই আছিল। কিন্তু সেই দলৰ দ্বাৰা অপমানিত হৈ মই মানসিকভাৱে বিধ্বস্ত হৈ পৰিলোঁ। তেতিয়াই মই জেএমএম এৰাৰ সিদ্ধান্ত লৈছিলো।” দিল্লী, কলকাতাৰ লগতে ঝাৰখণ্ডকে ধৰি বিভিন্ন ঠাইত তেওঁৰ ওপৰত নজৰ ৰখাৰ অভিযোগো কৰে চম্পাইয়ে।
সিংভূম আৰু ঝাৰখণ্ডৰ ৰাজনীতিত চম্পাই ‘টাইগাৰ’ বুলি পৰিচিত। তেওঁ ঝাৰখণ্ড লিবাৰেশ্যন ফ্ৰণ্টৰ দীৰ্ঘদিনীয়া নেতা আছিল। হেমন্তৰ পিতৃ তথা জে এম এমৰ অন্যতম প্ৰতিষ্ঠাপকে শিবু ছোৰেনক তেওঁৰ ‘ৰাজনৈতিক গুৰু’ বুলি গণ্য কৰিছিল। ২৮ আগষ্টত কেবিনেট, বিধায়ক আৰু জেএমএমৰ সদস্যপদৰ পৰা হেমন্তই পদত্যাগ কৰাৰ পিছতো চম্পাইয়ে ‘গুৰুজী’ শিবুক চিঠি লিখি কাৰণ বুজাই দিছিল। চলিত বছতে ঝাৰখণ্ডত বিধানসভা নিৰ্বাচন। ৰাজনৈতিক পৰ্যবেক্ষকৰ এটা অংশই ধাৰণা কৰে যে তাৰ আগতে চম্পাইৰ যোগদানে গেৰুৱা শিবিৰ শক্তিশালী কৰিব।
যোৱা ৩১ জানুৱাৰীত ঝাৰখণ্ডৰ ভূমি দুৰ্নীতিৰ সৈতে জড়িত অবৈধ আৰ্থিক লেনদেনৰ গোচৰত কেন্দ্ৰীয় সংস্থা এনফৰ্চমেণ্ট ডাইৰেক্টৰেট (ইডি)য়ে হেমন্ত ছোৰেনক গ্ৰেপ্তাৰ কৰিছিল। গ্ৰেপ্তাৰৰ পূৰ্বে মুখ্যমন্ত্ৰী পদৰ পৰা তেওঁ পদত্যাগ কৰিছিল। হেমন্তৰ অনুপস্থিতিত জেএমএমৰ নেতৃত্বই চম্পাইক মুখ্যমন্ত্ৰী হিচাপে মনোনীত কৰে।
লগতে পঢ়কঃ স্বাধীনতাৰ পূৰ্বৰ নিয়ম ভংগ! বিধানসভাত ২ ঘণ্টীয়া নামাজ বিৰতি বাতিল হিমন্ত বিশ্ব শৰ্মাৰ
ৰাঁচীৰ বীৰছা মুণ্ডা কাৰাগাৰত পাঁচ মাহ কটোৱাৰ পাছত যোৱা ২৮ জুনত ঝাৰখণ্ড উচ্চ ন্যায়ালয়ৰ নিৰ্দেশত জামিনত মুকলি কৰি দিয়া হৈছিল হেমন্ত ছোৰেনক। ইয়াৰ পিছত চম্পাইক অপসাৰণ কৰি তেওঁ জেএমএমৰ বিধায়িনী নেতা হিচাপে নিৰ্বাচিত হয়। তেওঁ পুনৰ মুখ্যমন্ত্ৰীৰ পদলৈ ঘূৰি আহিল।
সেই সময়ত চম্পাইক মুখ্যমন্ত্ৰী পদৰ পৰা পদত্যাগ কৰিবলৈ হেঁচা প্ৰয়োগ কৰা হৈছিল বুলি তেওঁৰ অনুগামীসকলে অভিযোগ কৰে। যোৱা ৪ জুলাইত মুখ্যমন্ত্ৰী হিচাপে শপত গ্ৰহণ কৰি নতুন মন্ত্ৰীসভাত প্ৰাক্তন মুখ্যমন্ত্ৰী চম্পাইক হেমন্তই স্থান দিছিল। কিন্তু তেওঁ সেই অফাৰ প্ৰত্যাখান কৰে।