জন্মসূত্ৰে আৰু নাপাব আমেৰিকাৰ নাগৰিকত্ব! ট্ৰাম্পৰ নতুন নীতিয়ে সমস্যাত পেলাব ভাৰতীয়সকলক

ৰাষ্ট্ৰপতি পদত জয়ী হোৱাৰ প্ৰথম দিনাৰ পৰাই ভাৰতীয়ক বিপদত পেলাবলৈ ওলাইছে ড’নাল্ড ট্ৰাম্পে। ৰাষ্ট্ৰপতি নিৰ্বাচনৰ পূৰ্বে ৰিপাব্লিকান নেতাগৰাকীয়ে ক্ষমতালৈ আহিলে জন্মসূত্ৰে আমেৰিকাৰ নাগৰিকত্ব লাভ কৰাৰ বিষয়টো সম্পূৰ্ৰূপে বন্ধ কৰি দিয়াৰ প্ৰতিশ্ৰুতি দিছিল।

সদ্য সমাপ্ত হোৱা ৰাষ্ট্ৰপতি নিৰ্বাচনত ট্ৰাম্পে বিপুল ব্যৱধানত জয়লাভ কৰে। প্ৰতিশ্ৰুতি অনুসৰি তেওঁ কাৰ্যভাৰ গ্ৰহণ কৰাৰ প্ৰথম দিনাই জন্মসূত্ৰে আমেৰিকাৰ নাগৰিকত্ব পোৱা বন্ধ হৈ যাব। ফলত গ্ৰীণ কাৰ্ডত থকা ভাৰতীয়ৰ সন্তানে ভৱিষ্যতে আমেৰিকাৰ নাগৰিক হোৱাৰ সুযোগ নাপাব।

অনুপ্ৰৱেশকাৰীৰ প্ৰবল বিৰোধী হিচাপে পৰিচিত ডোনাল্ড ট্ৰাম্প। সেয়েহে দ্বিতীয় কাৰ্যকালত ৰাষ্ট্ৰপতি হিচাপে অনুপ্ৰৱেশ আৰু প্ৰব্ৰজন ৰোধ কৰাৰ বাবে কঠোৰ নীতি গ্ৰহণ কৰিবলৈ ওলাইছে। ৰিপাব্লিকান প্ৰাৰ্থীগৰাকীৰ প্ৰচাৰ ৱেবছাইটত প্ৰকাশ পাইছে যে কাৰ্যভাৰ গ্ৰহণৰ প্ৰথম দিনাই ট্ৰাম্পে এক নিৰ্দেশনাত স্বাক্ষৰ কৰিব।

লগতে পঢ়কঃ ৰাতিপুৱা খোজ কাঢ়িলে কি কি লাভ হয়? জানি লওক, কিমান সময় মৰ্নিং ৱাক কৰা উচিত

এই নিৰ্দেশনাত কোৱা হ’ব যে আমেৰিকাত জন্ম হ’লেই কোনো শিশুক নাগৰিকত্ব প্ৰদান কৰা নহ’ব। শিশুটিৰ যিকোনো এজন পিতৃ-মাতৃ আমেৰিকাৰ নাগৰিক হ’ব লাগিব বা গ্ৰীণ কাৰ্ড থাকিব লাগিব। তেতিয়াহে তেওঁলোকৰ সন্তান ভৱিষ্যতে আমেৰিকাৰ নাগৰিক হ’ব পাৰিব।

এই নতুন নীতিৰ ফলত আমেৰিকাত বসবাস কৰা ভাৰতীয়সকলে সমস্যাত পৰিব। ২০২২ চনৰ আমেৰিকাৰ লোকপিয়ল অনুসৰি আমেৰিকাত ৪৮ লাখ ভাৰতীয় লোক বাস কৰে। ইয়াৰে ১৬ লাখেই আমেৰিকাত জন্মগ্ৰহণ কৰিছিল। ট্ৰাম্পৰ নতুন নীতি অনুসৰি তেওঁলোকৰ কোনোৱেই আমেৰিকাৰ নাগৰিকত্বৰ যোগ্য নহয়। কাৰণ তেওঁলোকৰ পিতৃ-মাতৃ আমেৰিকাৰ নাগৰিক নহয় বা তেওঁলোকৰ গ্ৰীণ কাৰ্ড নাই। অৱশ্যে আইনজীৱীসকলে ট্ৰাম্পৰ নীতিক লৈ আইনী যুঁজৰ স্থান আছে বুলিয়ে দাবী কৰে।

লগতে পঢ়কঃজয়ৰ মুখ দেখি গা সাতখন আঠখন! বৈঠকৰ মাজতেই পত্নীক চুম্বন কৰিলে ড’নাল্ড ট্ৰাম্পে

উল্লেখ্য যে আমেৰিকাৰ অৰ্থনীতি প্ৰব্ৰজনকাৰীৰ ওপৰত বহু পৰিমাণে নিৰ্ভৰশীল। সেই দেশৰ বহু সংস্থাত বিদেশীলোকে কাম কৰি আছে। ট্ৰাম্পৰ নতুন নীতিয়ে তেওঁলোকৰ সকলোৰে সমস্যা বৃদ্ধি কৰিব। প্ৰসংগক্ৰমে, আমেৰিকাত কমেও ১০ লাখ ভাৰতীয়ই গ্ৰীণ কাৰ্ডৰ বাবে আবেদন কৰি অপেক্ষা কৰি আছে। সেই আবেদনো মঞ্জুৰ হ’ব নে নাই, তাকলৈও প্ৰশ্নৰ অৱতাৰণা হৈছে।