গোৱালপাৰাত বনৰীয়া হাতীয়ে গচকি হত্যা কৰিলে মটৰ চাইকেলেৰে অহা দম্পতীক

হাতী-মানুহৰ সংঘাত অসমৰ প্ৰধান বিষয়সমূহৰ ভিতৰত অন্যতম। ইয়াৰ ফলত প্ৰায়ে মৰ্মান্তিক ঘটনাৰ সাক্ষী হ’বলগীয়া হৈছে ৰাজ্যবাসী।

শুকুৰবাৰে নিশা গোৱালপাৰাৰ লক্ষীপুৰত বনৰীয়া হাতীয়ে গচকি হত্যা কৰে এহাল দম্পতীক।

জানিব পৰা মতে, মটৰ চাইকেলেৰে আহি লক্ষীপুৰৰ পৰা হাতীগাঁও অভিমুখে গৈ আছিল দম্পতীহাল। তাতেই বাটত হাতীৰ জাক এটাৰ সন্মুখীন হয়।

লগতে পঢ়কঃ গোলমাল! বিয়া হ’বলৈকে টিভি এংকৰ যুৱকক অপহৰণ কৰিলে ব্যবসায়ী যুৱতীয়ে, তাৰপিছত…

কিহে হাতীকেইটাক আক্ৰমণ কৰিবলৈ প্ৰৰোচিত কৰিলে সেয়া সঠিকভাৱে জানিব পৰা হোৱা নাই যদিও স্থানীয় লোকে দাবী কৰে যে দম্পতীহাল হাতী জাকটোৰ অতি ওচৰত আছিল।

জাকৰ ওচৰত তেওঁলোকৰ উপস্থিতিৰ বাবে ভাবুকি অনুভৱ কৰিয়েই হয়তো এটা হাতীয়ে দম্পতীহালক আক্ৰমণ কৰে। কোনো সহায় পোৱাৰ পূৰ্বেই থিতাতে মৃত্যু হয় দম্পতীহালৰ।

ঘটনা সন্দৰ্ভত বন বিভাগে তদন্ত আৰম্ভ কৰিছে।

লগতে পঢ়কঃ বলপূৰ্বকভাৱে ইউক্ৰেইনলৈ পঠিওৱা হৈছে ভাৰতীয়ক! ৰাছিয়াৰ বিৰুদ্ধে অভিযোগকলৈ কি ক’লে কেন্দ্ৰই?

হাতী কেইটা হয়তো খাদ্যৰ সন্ধানতে মানুহৰ বসতি থকা অঞ্চললৈ নামি আহিছিল বুলি অনুমান কৰা হৈছে।