ক’ভিড-১৯: প্ৰথম পৰ্য্যায়ৰ চিকিৎসকৰ দলক তাজ ভিভাণ্টাত কুৱাৰেণ্টাইন

ক’ভিড-১৯ ৰোগীৰ চিকিৎসা কৰি থকা অসমৰ প্ৰথমটো চিকিৎসক আৰু নাৰ্ছৰ দলক বুধবাৰে ১৪ দিনৰ বাবে কুৱাৰেণ্টাইন কৰা হৈছে।

সোণাপুৰ অসামৰিক চিকিৎসালয় আৰু মহেন্দ্ৰ মোহন চৌধুৰী চিকিৎসালয়ৰ এই চিকিৎসক আৰু স্বাস্থ্যকৰ্মীৰ দলক গুৱাহাটীৰ তাজ ভিভাণ্টা হোটেলত ৰখা হ’ব।

১৪ দিনৰ পিছত তেওঁলোক পুনৰ ক’ভিড-১৯ চিকিৎসালৈ উভটি আহিব।

বুধবাৰে নিজৰ কৰ্মস্থলীৰ পৰা বিদায় লোৱাৰ সময়ত চিকিৎসক আৰু স্বাস্থ্য কৰ্মীসকলক থিয় হৈ হাত চাপৰিৰে অভিনন্দন জনোৱা হয়।

অসমৰ স্বাস্থ্য মন্ত্ৰী হিমন্ত বিশ্ব শৰ্মায়ো অক্লান্ত সেৱা আগবঢ়াই অহা এই চিকিৎসক আৰু স্বাস্থ্যকৰ্মীসকলৰ প্ৰতি কৃতজ্ঞতা প্ৰকাশ কৰিছে।

#IndiaFightsCorona

MMCH doctors & nurses received standing ovation from all for their spirited service to #COVID19 patients for a week. They all shall now be sent for mandatory #quarantine for 14 days at Taj Vivanta.

Humble gratitude to medical staff! #AssamCares pic.twitter.com/ML9hhTWvCk

— Himanta Biswa Sarma (@himantabiswa) April 8, 2020

অসমত এতিয়ালৈকে ২৮ গৰাকী ক’ভিড-১৯ ৰোগী চিনাক্ত হৈছে। আটাইকেইগৰাকী ৰোগীয়ে বৰ্তমান চিকিৎসাধীন অৱস্থাত আছে।