যোগীৰ ৰাজ্যতহে সম্ভৱ! ‘মুখ্য অতিথি’ গোমাতাৰ দ্বাৰা উদ্বোধন ৰেষ্টুৰেণ্ট

শৰীৰত নতুন ৰঙীন কাপোৰ, শিং, ডিঙিত জিলিকি থকা অলংকাৰ। সন্মানীয় মুখ্য অতিথি গৰাকীৰ আগমনে সকলোকে আচৰিত কৰি তুলিছিল। যোগী ৰাজ্যত গোমাতাই উদ্বোধন কৰিলে এখন জৈৱিক ৰেষ্টুৰেণ্ট।

গোবলয়ত গৰুক শ্ৰদ্ধা জনোৱাৰ ঘটনা নতুন নহয়। কিন্তু এনে ঘটনা অভূতপূৰ্ব বুলি বিবেচিত হৈছে। উত্তৰ প্ৰদেশৰ সেই ৰেষ্টুৰেণ্টখনৰ উদ্ভাৱনীমূলক মুকলি অনুষ্ঠানটো নেট জগতত ভাইৰেল হৈ পৰিছে!

লগতে পঢ়ক: অৰ্জুনৰ লক্ষ্যভেদ! আই পি এলত প্ৰথমটো উইকেট! পুত্ৰ অৰ্জুনৰ বিষয়ে কি ক’লে পিতৃ শচীনে?

এই ঘটনা লক্ষ্ণৌৰ। মহানগৰীৰ সুশান্ত গলফ চিটিত এখন নতুন ৰেষ্টুৰেণ্ট হৈছে ‘অৰ্গেনিক অ’ৱেছিছ’। ইয়াত কেৱল জৈৱিক গোবৰৰ শাক-পাচলিৰ পৰাই সুস্বাদু খাদ্য প্ৰস্তুত কৰা হ’ব। ৰেষ্টুৰেণ্টখনৰ মালিক প্ৰাক্তন ডেপুটি এছ পি শৈলেন্দ্ৰ সিং। ‘অৰ্গেনিক অ’ৱেছিছ’ৰ মুকলি আকস্মিকভাৱে ঘটিছিল।

কিন্তু আচৰিত কৰি দিয়া কথাটো হ’ল অনুষ্ঠানৰ মুখ্য অতিথি তথা উদ্বোধক। সেইটো হ’ল এটা গৰু। ভাইৰেল ভিডিঅ’টোত গোমাতাই পিঠিত হালধীয়া কাপোৰ, ডিঙিত ধুনীয়া মালা পিন্ধা দেখা গৈছে।

লগতে পঢ়ক: Solar Eclipse 2023: বৃহস্পতিবাৰে বিৰল ‘হাইব্ৰিড’ সূৰ্যগ্ৰহণৰ সাক্ষী হ’ব বিশ্ব; ক’ত ক’ত দেখা যাব?

তাৰ ‘পবিত্ৰ’ উপস্থিতিতে আনুষ্ঠানিকভাৱে মুকলি কৰা হয় ৰেষ্টুৰেণ্টখন। ৰেষ্টুৰেণ্টত প্ৰৱেশ কৰোৱাৰ পিছত গৰুটোক সযত্নে খুওৱাই দিয়া হয়। ৰেষ্টুৰেণ্টৰ কৰ্মচাৰীসকলেও পিন্ধিছিল হালধীয়া গেঞ্জি।

এই ভিডিঅ’টো ছ’চিয়েল মিডিয়াত ভাইৰেল হৈ পৰিছে। ঘটনাটো চাই নেটিজেনসকলে যথেষ্ট আনন্দও পাইছে। বহুতৰ মতে গৰু উপকাৰী প্ৰাণী। এই সন্মানৰ যোগ্য গোমাতা।

#WATCH | Uttar Pradesh: A restaurant in Lucknow, 'Organic Oasis' that offers food made out of organic farming produce, was inaugurated by a cow. pic.twitter.com/YWcfKqJQcX

— ANI UP/Uttarakhand (@ANINewsUP) April 18, 2023

ৰেষ্টুৰেণ্টৰ মালিক শৈলেন্দ্ৰ সিঙে কয়, আমাৰ কৃষি আৰু অৰ্থনীতি গৰুৰ ওপৰত নিৰ্ভৰশীল। সেয়ে, গোমাতাৰ দ্বাৰাই ৰেষ্টুৰেণ্টখন উদ্বোধন কৰা হয়।”

জৈৱিক ৰেষ্টুৰেণ্টখনৰ সন্দৰ্ভত তেওঁ কয়, ‘’আজিৰ মানুহে ভাবে যে সুন্দৰ জীৱনৰ বাবে সকলোতকৈ আগে সুস্থ শৰীৰৰ প্ৰয়োজন।‘’ তাৰ বাবেই জৈৱিক ৰেষ্টুৰেণ্টৰ ধাৰণা।‘’