কলিয়াবৰৰ ৰাষ্ট্ৰীয় ঘাইপথত ভয়ংকৰ পথ দুৰ্ঘটনা; দুজন নিহত এজন আহত

আজি দুপৰীয়া কলিয়াবৰৰ বৰালিগাঁৱৰ ৩৭ নং ৰাষ্ট্ৰীয় ঘাইপথত এখন যাত্ৰীবাহী মেক্সিম’ আৰু য়ামাহা স্কুটিৰ মাজত সংঘটিত এক ভয়ংকৰ সংঘৰ্ষত দুজন যুৱক নিহত হোৱাৰ লগতে এগৰাকী মহিলা আহত হয়। নিহত যুৱক দুজনক নগাঁৱৰ চকীটোপ অঞ্চলৰ ক্ৰমে বিজয় সূত্ৰধৰ আৰু ৰাকেশ ঘোষ বুলি চিনাক্ত কৰা হৈছে, আনহাতে আহত যুৱতী গৰাকীক যোৰহাটৰ মৰিয়নি আৰক্ষী থানাৰ অন্তৰ্গত সোণোৱাল চাহ বাগিচাৰ অদিতি শইকীয়া বুলি চিনাক্ত কৰা হয়।

আহত তিনিওকে স্থানীয় ৰাইজ আৰু মিছা আৰক্ষীৰ সহযোগত জখলাবন্ধা এফ আৰ ইউত ভৰ্তি কৰোৱা হয় যদিও চিকিৎসকে দুই যুৱকক মৃত ঘোষণা কৰে।

আনহাতে দুৰ্ঘটনাগ্ৰস্ত স্কুটিখনৰ পৰা এটা মদৰ বটল, ভাং খোৱা ছিলিম আদি উদ্ধাৰ হোৱাকলৈ যুৱক দুজনে নিচাজাতীয় দ্ৰব্য সেৱন কৰি স্কুটি চলাই আহিছিল বুলি স্থানীয় প্ৰত্যক্ষদৰ্শিয়ে আংশকা প্ৰকাশ কৰিছে।