পুনৰ আৰম্ভ ৰহস্য : গোপন বৈঠক আহ্বান উত্তৰ কোৰিয়াৰ একনায়ক কিম জং উনৰ
কি কৰি আছে উত্তৰ কোৰিয়া একনায়কত্ববাদী শাসক কিম জং উনে?
কিছু দিনৰ পৰা নিস্তদ্ধ হৈ থকাৰ ফলত উত্তৰ কোৰিয়াৰ ৰাষ্ট্ৰপতি গৰাকীৰ অৱস্থানক লৈ বিশ্বজুৰি তুমুল চৰ্চা লাভ কৰা দেখা গৈছে।
উত্তৰ কোৰিয়াৰ ৰাষ্ট্ৰপতি গৰাকীৰ এনেধৰণৰ নিস্তদ্ধতাক স্বাভাৱিক বুলি মানি ল’ব পৰা নাই বিশ্বৰ ৰাজনীতিৰ বিশ্লেষসকলে।
বিশ্ব ৰাজনীতিত কিমৰ অৱস্থান তথা নিস্তদ্ধতাৰ চৰ্চা চলি থকাৰ সময়তে উত্তৰ কোৰিয়াৰ চৰকাৰৰ দ্বাৰা নিয়ন্ত্ৰিত সংবাদ সংস্থা KCNA (Korean Central News Agency) প্ৰকাশ কৰিছে এক বিস্ফোৰক বাতৰি।
KCNA এ জনোৱা অনুসৰি ৰাষ্ট্ৰপ্ৰধানজনে এটা অতি জুৰুৰী বিষয় আলোচনা কৰাৰ উদ্দেশ্যে দলৰ কেন্দ্ৰীয় কমিটিৰে গোপনে বৈঠকত অংশগ্ৰহণ কৰিব বিচাৰিছে।
অৱশ্যে কি বিষয়ৰ ওপৰত আলোচনাত কৰিব বিচাৰিছে সেয়া KCNA এ প্ৰকাশ নকৰিলেও কোৰিয়ান বিপ্লৱৰ প্ৰচাৰ আৰু দলৰ শক্তি তথা ক্ষমতা বৃদ্ধিৰ ওপৰতে আলোচনা কৰা হ’ব বুলি ধাৰণা কৰা হৈছে।
সাধাৰণৰ দেশত সংকট অথবা আৰম্ভ হ’লে অথবা ৰাষ্ট্ৰপতি উনে লোৱা কঠোৰ সিদ্ধান্তৰ ফলত দেশত জনগণৰ ক্ষোভৰ উমান পালে কিম জং উনে দলৰ কেন্দ্ৰীয় কমিটিৰ সৈতে এনেদৰে বৈঠকত মিলিত হয়।
ইফালে দেশখনত ক’ৰ’না কালৰ জটিল পৰিস্থিতি, অতিপাত বৃষ্টি, বানৰ তাণ্ডৱৰ ফলত খাদ্য সংকটে দেখা দিয়া বুলি সংবাদ মাধ্যমত প্ৰকাশ পাইছে।
খাদ্য সংকটৰ ফলত দেশৰ সাধাৰণ জনতাৰ মাজত ক্ষোভৰ উদগীৰণ ঘটিছে বুলিও বাতৰি প্ৰকাশ পাইছে।
আনহাতে আণৱিক অস্ত্ৰ নিৰ্মাণ আৰু পৰীক্ষণৰ কৰি পূৰ্বৰে পৰা আন্তৰ্জাতিক নিষেধাজ্ঞাৰ সন্মুখীন হৈ আহিছে কিম জং উনৰ দেশখনে।
ইফালে আন্তৰ্জাতিক বিশ্লেষকৰ মতে উত্তৰ কোৰিয়াত খাদ্য সংকটে ভয়ংকৰ ৰূপ ধাৰণ কৰিছে।
দেশৰ মুঠ জনসংখ্যাৰ প্ৰায় ৮০ শতাংশই দৰিদ্ৰতাৰ কৱলত পৰা দেশখনত খাদ্য সংকটতে দেখা দিয়াত দেশৰ জনসাধাৰণ ৰাষ্ট্ৰপতিৰ প্ৰতি ক্ষোভিত হৈ পৰা বুলি ধাৰণা কৰিছে আন্তৰ্জাতিক বিশ্লেষকসকলে।
দেশৰ জনগণৰ এই ক্ষোভ কেনেকৈ প্ৰশমিত কৰিব পাৰি তাৰ কৌশল উদ্ভাৱনৰ বাবেও ৰাষ্ট্ৰপতি কিম জং উনে দলৰ কেন্দ্ৰীয় কমিটিৰ সৈতে গোপনে বৈঠকত মিলিত হোৱাৰ সম্ভাৱনা আছে বুলি ধাৰণা কৰিছে একাংশ বিশ্লেষকে।