আঠ মাহৰ গৰ্ভৱতী হৈয়ো টাইকোৱাণ্ডোত স্বৰ্ণ জয়; মহিলা এথলেটৰ প্ৰশংসাৰে উপচিল ছচিয়েল মিডিয়া
অসাধ্য সাধন কৰি ক্ৰীড়া বিশ্বক স্তম্ভিত কৰি তুলিছে এগৰাকী মহিলাই। নাইজেৰিয়াৰ এগৰাকী মহিলা এথলেটে প্ৰমান কৰি দিছে যে ইচ্ছাশক্তিৰ আগত সকলো বাধাই নতিস্বীকাৰ কৰিবলৈ বাধ্য।
আঠ মাহৰ গৰ্ভৱতী হৈয়ো টাইকোৱাণ্ডো প্ৰতিযোগিতাত অৱতীৰ্ণ হৈ স্বৰ্ণ পদক অৰ্জন কৰে মহিলা এথলেটগৰাকীয়ে।
এই বাতৰি পোহৰলৈ অহাৰ পাছতে ছচিয়েল মিডিয়াত বিভিন্নজনে মহিলাগৰাকীক প্ৰশংসাৰে উপচাই পেলাইছে।
বাতৰি অনুসৰি, নাইজেৰিয়াত অনুষ্ঠিত নেশ্যনেল স্প’ৰ্টছ ফেষ্টিভেলত টাইকোৱাণ্ডো শাখাত আমিনাত ইদ্ৰিছ নামৰ ২৬বছৰীয়া মহিলা এথলেটগৰাকী প্ৰতিযোগিতাত অৱতীৰ্ণ হৈছিল।
পিচে, আনসকলৰ দৰে তেওঁ শাৰীৰিক অৱস্থা স্বাভাৱিক নাছিল। কিয়নো তেওঁ আছিল আঠ মাহৰ গৰ্ভৱতী। তথাপি মনৰ জোৰত অংশ লৈছিল প্ৰতিযোগিতাত।
কিন্তু প্ৰতিযোগিতাত অংশ গ্ৰহণ কৰি সকলোকে আচৰিত কৰি তুলি সোণৰ পদক হস্তগত কৰে এথলেটগৰাকীয়ে।
মহিলা এথলেটগৰাকীৰ খেলৰ ভিডিঅ’টোও ছচিয়েল মিডিয়াত ভাইৰেল হৈ পৰে।
An inspiring outing by heavily pregnant Aminat Idrees who won a gold medal for Lagos at the ongoing National Sports Festival in Benin, Edo State.
Aminat Idrees who is 8 months pregnant won gold in the Mixed Poomsae category in Taekwondo pic.twitter.com/rr4fxJCfMs
— National Sports Festival 2020 (@nsf_edo) April 5, 2021
এক সাক্ষাৎকাৰত ইদ্ৰিছে কয়,’’এইটো মোৰ বাবে অত্যন্ত সন্মানৰ বিষয়। কেইদিনমান প্ৰশিক্ষণ লোৱাৰ পাছতে মই প্ৰতিযোগিতাত অৱতীৰ্ণ হোৱাৰ বাবে মন বান্ধিছিলো। স্বৰ্ণ পদক জয় কৰি সেয়েহে খুব আনন্দিত।‘’
এগৰাকী গৰ্ভৱতী মহিলা এথলেটে টাইকোৱাণ্ডোৰ দৰে খেলত স্বৰ্ণ লাভ কৰাটো সঁচাকৈয়ে এক আচৰিত কৰি তোলা ঘটনা।