মহানগৰীৰ বৰাগাঁওৰ গোসাইগাঁওত সংঘটিত নৃশংস হত্যাকাণ্ড; পিতৃৰ হাতত প্ৰাণ গ’ল কন্যাৰ!
মহানগৰীৰ বৰাগাঁওৰ গোসাইগাঁওত সংঘটিত হৈছে আন এক নৃশংস হত্যাকাণ্ডৰ ঘটনা। নিজ পিতৃয়ে নিজৰ ১১ বছৰীয়া কন্যা সন্তানক হত্যা কৰাৰ সন্দেহ কৰা হৈছে।
আশা বড়ো নামৰ কিশোৰী গৰাকীক পিতৃয়ে হত্যা কৰি বাহিৰৰ পৰা দুৱাৰত তলা লগাই থৈছিল। মৃতদেহৰ সমীপত উদ্ধাৰ হৈছে ৰছী আৰু সুৰাৰ বটল।
কিশোৰীগৰাকীৰ মাতৃ পাৰ্বতী বড়ো কৰ্তব্যৰ বাবে শনিবাৰে ওলাই গৈছিল।দেওবাৰে সন্ধিয়া মাতৃ কামৰ পৰা ঘূৰি অহাৰ পাছতে পোহৰলৈ আহে এই ঘটনা।
Also Read: Acid Attack: ভয়ংকৰ ঘটনা; লখিমপুৰত এচিড আক্ৰমণৰ ফলত আহত দুগৰাকী মহিলা
তাৰ পাছতে গড়চুক আৰক্ষীক খবৰ দিয়াত থানাৰ উচ্চপদস্থ আৰক্ষী বিষয়া উপস্থিত হয় ঘটনাস্থলীত।
নিজৰ জীক হত্যা কৰা পিতৃ বলবাহদুৰ বিশ্বকৰ্মা ওৰফে বলেন ছেত্ৰী হত্যাকাণ্ড সংঘটিত কৰি পলায়ন কৰিছে।
গাৰুৰে চেপি হত্যাকাণ্ড সংঘটিত কৰাৰ সন্দেহ কৰিছে আৰক্ষীয়ে।
হত্যাকাৰী পিতৃৰ ঘৰ তেজপুৰৰ জামুগুৰিত বুলি জানিব পৰা গৈছে। জানিব পৰা মতে, পুৰ্বৰে পৰা পত্নী আৰু স্বামীৰ মাজত সংঘাত আছিল।
Also Read: Ranjan Gogoi: দেশৰ প্ৰাক্তন মুখ্য ন্যায়াধীশ ৰঞ্জন গগৈৰ বিৰুদ্ধে বিৰোধী সাংসদৰ বিশেষাধিকাৰ ভংগৰ জাননী
আনহাতে, মেধাবী ছাত্ৰী আছিল আশা বড়ো আৰু তেওঁ চতুৰ্থ শ্ৰেনীত অধ্যয়নৰত আছিল। আশাই সুন্দৰ ছবিও অংকন কৰিছিল।