বিধায়ক ৰূপজ্যোতি কুৰ্মীৰ ওপৰত নগা দুৰ্বৃত্তৰ গুলীচালনা : সৰ্বদলীয় বৈঠক আহ্বানৰ দাবী ৰিপুন বৰাৰ

মৰিয়নী সমষ্টিৰ বিধায়ক ৰূপজ্যোতি কুৰ্মীৰলৈ লক্ষ্য কৰি বন্দুকধৰী নগা দুৰ্বৃত্তই গুলীবৰ্ষণৰ ঘটনা সংঘটিত হৈছিল ২৭মে তাৰিখে।এই ঘটনাত কোনোমতে প্ৰাণৰক্ষা পৰে কংগ্ৰেছ বিধায়কগৰাকীৰ।

বন বিভাগৰ লোক আৰু সাংবাদিকৰ এটা দলৰ সৈতে মৰিয়নীৰ দিচৈ বনাঞ্চলত হোৱা নগা লোকৰ বেদখল পৰিদৰ্শন কৰিবলৈ গৈছিল বিধায়ক ৰূপজ্যোতি কুৰ্মীয়ে।

নিউ সোণোৱাল খণ্ড বন কাৰ্যালয়ৰ অন্তৰ্গত তথা নিউ সোণোৱাল সীমান্ত নিৰীক্ষণ চকী তথা খেৰেমীয়া সীমান্ত নিৰীক্ষণ চকীৰ মাজৰ নামনি বনগাঁও আৰু ভৱনীপুৰ গাঁওৰ কাষতে লাগি থকা দিচৈ ভেলি বনাঞ্চলত নগাই কেইবা হেক্টৰ বনভূমি ধ্বংস কৰি এখন নতুন গাঁও স্থাপন কৰে। নগা লোকৰ এই বেদখল পৰিদৰ্শন কৰিবলৈ যাওঁতে এই ঘটনা সংঘটিত হয়।

বিধায়ক ৰূপজ্যোতি কুৰ্মীৰ ওপৰত চলা এই গুলীচালনাৰ ঘটনাৰ সন্দৰ্ভত সৰ্বদলীয় বৈঠক অনুষ্ঠিত কৰাৰ দাবী কৰিছে ৰিপুন বৰাই।

চৰকাৰখনে বিৰোধী দলৰ বিধায়ক আৰু সাংসদসকলক লগত লৈ চৰকাৰৰ তৰফৰ পৰা এটা প্ৰতিনিধিৰ সঁজাতি দলক বিধায়কগৰাকীলৈ লক্ষ্য কৰি চলোৱা গুলীচালনাৰ ঘটনাৰ পৰিস্থিতিটোৰ বুজ ল’বলৈ অসম চৰকাৰক দাবী জনায়।

উল্লেখযোগ্য যে, কালি দিনটোত বিধায়ক ৰূপজ্যোতি কুৰ্মীয়ে অসম ভূমিত নগাৰ বেদখলমুক্ত কৰাৰ দাবীৰে অনশন কাৰ্যসূচী গ্ৰহণ কৰিছিল।Fi