আফগানিস্তানৰ আশ্ৰাফ গনিৰ কাৰ্যকালৰ মহিলা মন্ত্ৰীয়ে দাঙি ধৰিলে যৌন নিৰ্যাতনৰ ভয়ংকৰ তথ্য

আমেৰিকা যুক্তৰাষ্ট্ৰৰ সমৰ্থনত চলি থকা আফগানিস্তানৰ প্ৰাক্তন ৰাষ্ট্ৰপতি আশ্ৰাফ গনি আৰু তেওঁৰ সহযোগীৰ দুৰ্নীতি আৰু যৌন অপৰাধৰ বিষয়ে মুখ খুলিছে দেশখনৰ এগৰাকী প্ৰাক্তন মহিলা মন্ত্ৰীয়ে।

প্ৰাক্তন মহিলা মন্ত্ৰী নাৰ্গিছ নেহানে জানিবলৈ দিয়ে যে গনিৰ এগৰাকী বিশ্বস্ত শীৰ্শ বিষয়া ছাদ মহম্মদে এগৰাকী ছিয়া যুৱতীক নিয়মিত যৌন নিৰ্যাতন চলাইছিল।

দেশখনৰ দ্য খামা প্ৰেছ-য়ে প্ৰকাশ কৰা প্ৰতিবেদন অনুসৰি তালিবানৰ হাতত ক্ষমতাচ্যুত প্ৰাক্তন ৰাষ্ট্ৰপতি আশ্ৰাফ গনিৰ সহযোগী ছাদ মহম্মদে নিজৰ পত্নী থকাৰ পাছতো এগৰাকী ছিয়া যুৱতীক বিয়া কৰাব বিচাৰিছিল।

লগতে পঢ়ক: চীনৰ ইতিহাসত সৰ্বনিম্ন জন্মৰ হাৰৰ ৰেকৰ্ড; সন্তান জন্ম দিয়াৰ আগ্ৰহ হ্ৰাস!

কিন্তু যুৱতীগৰাকীয়ে তেওঁৰ কথাত মান্তি নোহোৱাৰ বাবে তেওঁৰ ইৰানৰ গুপ্তচৰ হিচাপে অভিযুক্ত কৰি চাকৰিৰ পৰাও অব্যাহতি দিয়াৰ চেষ্টা কৰিছিল।

নাৰ্গিছে লগতে জনায় যে আশ্ৰাফ গনিয়ে ছাদ মহম্মদৰ কথাত সেই যুৱতীক অব্যাহতি দিছিল যদিও নাৰ্গিছে নিজৰ প্ৰচেষ্টাৰে যুৱতীগৰাকীক আন বিভাগলৈ বদলি কৰি সকাহ দিছিল।

নাৰ্গিছ নেহানে এই সন্দৰ্ভত আন এক ঘটনাৰ কথা উল্লেখ কৰি কয় যে তেওঁকে ধৰি মুঠ ৪৫গৰাকী মহিলাই যৌন নিৰ্যাতনৰ বিষয়ে অৱগত কৰিবলৈ গনিৰ সৈতে দেখা কৰিছিল যদিও তদানীত্বন ৰাষ্ট্ৰপতি আশ্ৰাফ গনিয়ে তেওঁলোকৰ কথাত কোনো গুৰুত্ব নিদিলে।

নাৰ্গিছে দাবী কৰা মতে ছাদ মহম্মদ আৰু তেওঁৰ সহযোগীসকলক বচাবলৈকে গনিয়ে এই ঘটনাত গুৰুত্ব দিয়া নাছিল।

লগতে পঢ়ক:ৰজনীকান্তৰ কন্যা ঐশ্বৰ্যাৰ সৈতে ১৮ বছৰীয়া বৈবাহিক সম্পৰ্কৰ ইতি পেলালে ছুপাৰষ্টাৰ ধনুশে

তদুপৰি, প্ৰাক্তন মহিলা মন্ত্ৰী নাৰ্গিছ নেহানে প্ৰাক্তন ৰাষ্ট্ৰতিগৰাকীৰ আশীৰ্বাদত লিপ্ত হৈ পৰা বহু কেইগৰাকী দুৰ্নীতিগ্ৰস্তৰ নামো সদৰী কৰিছে। তেওঁলোকৰ ভিতৰত হুমায়ুন কৌমী, মহম্মদ হানিফ আৰু ইলহাম গুল অন্যতম দুৰ্নীতিগ্ৰস্ত লোক আছিল।